A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

isalenàre , vrb: isalinare Definition arrespirare o torrare àlidu a pelea, impresse, coment'e candho si curret meda o si leat múngia manna; pèrdere s'alenu, cessare de torrare àlidu Synonyms e antonyms assupai, isalidare / mòrrere Sentences currendhe arrivaia isalenendhe ◊ acolla, isalenendhe, torrada a domo piús morta chi no bia! ◊ est assupridu isalenendhe che unu pissighidu ◊ a su piga e fala, fit isalenendhe ◊ so ómine de campagna nàschidu pro isalenare in custos ràscios!…◊ sos canes fint a proa a crebare, allacanendhe a limba a fora pariat chi fint isalenendhe s'últimu alenu 2. chena sacramentos, isalenat che un'anzone ◊ che fit vetzu mannu, at isalinadu e si ch'est mortu Etymon srd. Translations French essouffler English to pant Spanish jadear Italian trafelare German keuchen.

isalenàre 1 , vrb Definition caentare unu pagu Synonyms e antonyms intebiai, intibidire, tebiai | ctr. ifridare, stebidai Sentences s'abba pro betare madrighe cheret isalenada ◊ s'isalenat s'abba de bufare in su fogu ca frita meda li faghet male Etymon srd.

isalenàta isalenàda

isalenàtu, isalenàu , pps, agt: isalinau Definition de isalenare; chi est isalidendhe, assupandho Synonyms e antonyms assupau, spentimau 2. che so curtu isalenau e pranghendhe a supedhu ◊ fint currenne isalenatos, timenne de no cròmpere a tempus ◊ allónghio su passu e arribbo isalinau e incrapudhiu Translations French essoufflé English panted, panting Spanish jadeante Italian trafelato German keuchend.

isalénu , nm Definition ariedha, movidedha de ària, fintzes sa chi si arrespirat, s'àlidu Synonyms e antonyms àbidu, alentu, alenu, àlinu 1 Sentences bois puru, bentos, débbiles isalenos, benides dae su nudha a s'ispensada ◊ deo e tue, solos, in serenu e rassignadu andhare, acantu acantu ambos passamus, cunfundhendhe intantu su tzocu tou in su meu isalenu Etymon srd. Translations French souffle English whiff Spanish soplido, soplo Italian sóffio German Blasen.

isaliàda isalàda

isaliàdu , agt Definition chi no portat salia, sale, o sustàntzia; chi faet is cosas cun pagu atentzione Synonyms e antonyms babbaocu, bacocu, bambarru, barbuliscu, isàpidu, issemechiau | ctr. abbistu, acabadu, atentzionadu, cabosu Sentences no cumprendho chi un'isaliadu e mesu matracheri, ridíndhesi de totu, mi domandhet su votu pro èssere deputadu o cussizeri! (M.Sanna)◊ ma ses macu isaliadu, mih! Etymon srd. Translations French sot English fool Spanish bobo, tonto Italian sciòcco German dumm, fad.

isaliadúra , avb Definition fàghere sa cosa a i. = a sa maconatza, chentza giare atentzione Etymon srd.

isalidàre , vrb Definition torrare àlidu a pelea, agiummai èssere chentza àlidu, assupandho Synonyms e antonyms afodogai, anare, assolocare, assubentai, isalenare, isfiadare Sentences odheu, cun totu cussa pigada chi apo fatu so isalidendhe! ◊ so isalidendhe ca apo curtu Etymon srd. Translations French essouffler English to pant Spanish jadear Italian trafelare German keuchen.

isalídu , agt Definition nau de ccn., chi no portat pilos in conca Synonyms e antonyms conchigàdriu, scucau.

isaligàre , vrb: isargare Definition mundhare, pinnigare s'àliga de su logu po dhu fàere límpiu; marrare, tirare s'erba de mesu de sa cosa prantada, arregòllere o prugare sa malesa Synonyms e antonyms disargare, illansanare, irderbai, isciligare, munnuzare | ctr. imbratare Sentences cheret isargada sa carrela, finas ca colat sa portessione ◊ no bastamus mancu a isargare, in custu logu, de cantu che carrant arga sos bentos! 2. eallu a babbu ingruxadu, isarghendhe su trigu aupadu! Etymon srd. Translations French nettoyer, émonder English to clean up Spanish relimpiar, limpiar, mondar Italian ripulire German reinigen.

isalimentàdu , agt Definition chi paret chi no at bistu mai alimentos, chi si betat a papare a s'airada, chi est ingurtone Synonyms e antonyms allambridu, allupidu, mangiufoni, pasteri, sassagoni, làmbidu Sentences cussa pitzinna est fissiosa meda e isalimentada Etymon srd.

isalinàre isalenàre

isalinàu isalenàu

isalmentàre , vrb: isarmentare, issarmentare Definition arregòllere, pinnigare sa pértiga de sa pudadura de sa bíngia; ispuntare su pàmpinu Synonyms e antonyms sarmentai / ischirrare Sentences tenio àsiu, deo, a ischirrare, a ilmutzare, a bogare in loba, a pudare, a isalmentare: nudha! (A.Cossu) Etymon srd.

isalminaméntu , nm Definition genia de pentzamentu, de pistighíngiu, de arreolu, de sentidu Synonyms e antonyms arraolu, ischinitzu, pedine Sentences fia ràida e s'impedimentu no est chi fit a fiore, apo dévidu fàghere sos contos cun s'isalminamentu de su coro! (A.Marroni)

isamanchiàdu , agt Synonyms e antonyms isamanchiosu.

isamanchiósu , agt Synonyms e antonyms allodhiadu, apontziadu, dirredhu, isamanchiadu, scanceriau, strunciosu Scientific Terminology ntl Etymon itl. Translations French affecté, maniéré, minaudier English mawkish Spanish remilgado, melindroso Italian lezióso, smanceróso, smorfióso German affektiert, geziert, zimperlich.

isamànchiu , nm Synonyms e antonyms allódhiu, apónciu, iscancériu, iserménchiu, schinceria Etymon srd. Translations French minauderie, affectation English mawkishness Spanish melindrería, dengue Italian smancerìa, leziosàggine German Ziererei, Affektiertheit.

isamàre , vrb Definition istagiare, pigare una parte de su tàgiu (bama) Synonyms e antonyms iscedhai, istagiai Etymon srd.