A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

modhèsa , nf Definition su èssere modhe Synonyms e antonyms modhore, modhura / ternura | ctr. duresa, teteresa, tostore Sentences delicadura e modhesa fint in nois e nos pariat totue cun su colore de s'atunzu Etymon srd. Translations French douceur, tendresse English softness Spanish blandura, suavidad, ternura Italian morbidézza, tenerézza German Weichheit, Zartheit.

mòdhi mòdhe

modhía , nf Definition su èssere modhe, su si lassare atrotigare, indrúchere, nau de cosas e de gente; cosa modhe (pruschetotu is puntas modhes de is linnas, de su matedu) Synonyms e antonyms modhore / modhímene Etymon srd.

modhiàcu , agt Definition chi est modhe, modhe meda, nau mescamente de su naturale de ccn. chi no si arrempedhat mai Etymon srd.

modhiànu modhànu

modhiàtu , agt Definition chi est modhe Synonyms e antonyms modhanu, modhichinu | ctr. tostadu, tostichinu Sentences su cumassu fit gai modhiatu chi pro no si apitzigare s'imbrortzinaiat in sa farina Etymon srd.

modhichínu , agt Synonyms e antonyms madhitzosu, modhanu, modhitzu | ctr. tostadu, tostichinu Etymon srd.

modhíci, modhícia , nf, nm: modhissi, modhita, modhitza, modhitzi, modhítzia, mudhitzina Definition chessa mudhícia, genia de linna lenta (modhe) connota meda in Sardigna: faet a tupa e fintzes a matighedha, un'arraighina a cotzighina in su tretu prus in pitzu, corgiolu a parte de fora orrubiastu, frutu a pibionedhu pitichedhu aggurdonau e bonu po fàere ógiu Synonyms e antonyms chessa, gessamodhícia, lentíschinu, ollestincu Sentences pasches a landhe, ti cuntentas de ozastru e de modhita ◊ lassade chi cussu ramu muschet galu de lustínchinu e mudhitzina ◊ dhoi est sa modhici mascu e sa modhici fémina ◊ sa modhici est linna lenta ◊ sa lughe fut a lampadina cun ógiu de modhitzi ◊ po abbasciai su fogadoni de su sàngui si fait unu decotedhu de cima de lampatzu e coramedhu de modhítzia (Fr.Onnis)◊ Cucudedhu si dh'at incannugada e si cuat apabas de una moba de modhítzia Scientific Terminology mt, Pistacia lentiscus Etymon srd. Translations French lentisque English lentisk Spanish lentisco Italian lentisco German Mastixbaum, Mastixstrauch.

modhicòre , nm Definition su èssere modhe; nau de sentidu, su tènnere piedu Synonyms e antonyms modhore / ternura 2. mi sont assénnitos sos modhicores de coro e tocat de àere passéntzia (A.Pau) Etymon srd.

modhighína , nf: modhigina, modhixina, modhixini Definition pane modhe, una calidade de pane: pane piticu de mesu chilu o pagu de prus, fatu cun símbula solu, pruschetotu po is festas e isposòngios Synonyms e antonyms madhitzosu Sentences su pedidore cheriat una sisina e una modhighina ◊ custu merí sa Luna est unfrada coment'e una modhixina! ◊ apu fatu modhixinis biancas ◊ unu civraxu dhu tenis? O chinonca una bella modhixina de Sedhori! Scientific Terminology pne Etymon srd.

modhíghine , nm: mudhíghine Definition cosa modhe, fintzes linna noàdile, cambos noos Synonyms e antonyms modhímine, modhore, mudhitza Etymon ltn. *molligine(m).

modhigína modhighína

modhímene, modhímine , nm: mudhímini Definition cosa modhe, su èssere modhe de sa cosa, fintzes ossu modhe e mescamente su tretighedhu de mesu de cúcuru de is pipios, itl. fontanèlla; is puntas noas de matas e tupas / m. de origa = sa puntighedha de s'origra, su tretu modhe prus in bassu (itl. lòbo) Synonyms e antonyms leina, modhesa, modhia, modhíghine, modhore, mudhitza / tinziu Sentences dh'ant iscuta a su modhímene de conca e ch'est orruta morta Etymon srd. Translations French tendron, cartilage English soft part, cartilage Spanish cartílago, ternilla Italian tenerume, cartilàgine German Weiche, Knorpel.

modhína , nf: moidhina, mudhina, mundhina Definition abbighedha chi proet lena a istidhighedhos piticos, o fintzes istídhigos matucos ma pagos Synonyms e antonyms arrosina, chischixina, irmimisia, modhaca, modhura, papuschina, paspia, proischina, tzibina / cdh. muidhina Sentences sa modhina paret unu lentore ◊ tota sa note at sighidu dae chelu a rúere selena una mudhina a butiu a butiu (G.Cherchi)◊ cale próidu? pagas modhinas at betadu! ◊ pustis de una note de modhina che esseit a chilcare monzeta Scientific Terminology tpm Etymon srd. Translations French bruine English sprinkling Spanish llovizna Italian spruzzàglia German Sprühregen, Nieselregen.

modhína 1 , nf Definition ossu modhe de is annoigadòrgios, inue is ossos faent giogu Synonyms e antonyms dúrgalu Scientific Terminology crn.

modhinàre , vrb: ammodhinae, mudhinare, mundhinare Definition cumenciare a pròere, fàere pagos istídhigos, pròere a fine, a istídhigos lascos, fintzes betare àteru a ispergiadura che istídhigos de abba Synonyms e antonyms aciaviai, arrosinai, cibinare, isprinzulare, istedhiare, lentinare, mirmisiare, pispisinare, proighinai Sentences custu manzanu at modhinadu 2. s'aera est modhinendhe piúere niedhu Etymon ltn. *molliginare Translations French pleuviner, pleuvasser English to drizzle Spanish lloviznar Italian piovigginare German nieseln, sprühen.

modhinàu , pps, agt Definition de modhinare; chi est isciustu de modhina 2. su logu est modhinadu.

modhíncu , agt Definition chi est modhe modhe, cun abba meda Synonyms e antonyms ledreledre, modhanu, modhatzu, modhecu | ctr. tostichinu 2. su linu abarrat tétiu, ma su cotoni est modhincu Etymon srd. Translations French mollasse English softish Spanish blanduzco Italian mollìccio German schwammig.

módhine , agt Definition chi est modhe, nau de su pane modhighina o modhitzosu Synonyms e antonyms modhe Etymon srd.

modhinósu , agt Definition nau de su tempus, chi est o istat a su proe proe Synonyms e antonyms modhocosu, pioinosu Sentences su tempus est modhinosu Etymon srd.