A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

trampónzu , nm Definition su trampare, su pigare a trampa, cun ingannu Synonyms e antonyms trampadoria Etymon srd.

trampósu , agt, nm Definition chi o chie est prenu de trampas, faet trampas, odríngiat ingannos / peràulas tramposas = chi lassant dudosos ca faent pentzare a prus de una cosa, o ndhe faent pentzare una po un'àtera (che candho si giogat a intzertare) Synonyms e antonyms afrascadore, arrebuseri, fraitzu, imbodhiosu, imbusteri, inganneri, inganniosu, ingregheri, mànghinu, mariolu, tramasseri, trampajolu, tramperi, trampista, trasseri Sentences apitzigada ti l'apo sa trampa: eo puru, si cheres, so tramposu ◊ cussu est tramposu che matzone, totu ingannos! ◊ tramposu ses? míseru moris! ◊ pàgami su salàriu, tramposu, chi ses rebbelle e no cheres pagare! (A.M.Scanu) Etymon spn. Translations French escroc English swindler, cheating Spanish tramposo Italian imbroglióne, truffatóre German Betrüger.

trampucéri , agt, nm: trampusseri Definition chi o chie costumat a trampare Synonyms e antonyms afrascadore, arrebuseri, fraitzu, imbodhiosu, imbusteri, inganneri, tramperi, tramposu, trobedheri.

trampuléri , agt, nm Synonyms e antonyms arrebuseri, imbodhiosu, imbusteri, inganneri, ingregheri, tramperi, trampisteri.

trampulinàre , vrb Synonyms e antonyms trampistare Sentences chi viva friscu e sanu trampulinendhe sa pòvera vida!

trampusóriu , nm Definition genia de tíbbia de linna in sa guturada chi si ponet po ferrare (pònnere sa sonàgia) brebès e crabas.

trampusséri trampucéri

trampúsu , agt, nm Synonyms e antonyms mauchedhu, pigliete, serpellucu, tribbuletu Etymon srd.

tramputzàre , vrb Definition arrennèscere in calecuna cosa, mescamente a campare, a fortza de ispedientes, a sant'arràngia, coment'e pigandho a trampa Synonyms e antonyms trampai, trampigiare, trampistare.

trampuzéri , agt, nm Definition chi o chie campat de ispedientes, chi trampistat Etymon srd.

tramúda, tràmuda , nf Definition muda, cambiamentu, mescamente de su bestiàmene de una cussòrgia o pastura a s'àtera Synonyms e antonyms cambiamentu, tramudantza, tramunera, trua, trubbera Sentences sa gama est in tràmuda ◊ sa tràmuda unu tempus si faghiat in dies e dies de caminu a pè: como si faghet a càmio in pagas oras 2. su palcu est istadu su primu signale chi Antoni Cubeddu aiat congruidu una tràmuda de significu gai mannu de pòdere lassare istiga in s'istória de sa poesia cantada a bolu Etymon srd. Translations French transhumance, déménagement English transhumance, removal Spanish trashumación, mudanza Italian transumanza, traslòco German Transhumanz, Umzug.

tramudadórju , agt Definition chi mudat, chi càmbiat, fintzes chi serbit a tramudare, po andhare de unu logu a s'àteru Synonyms e antonyms mudangiosu Etymon srd.

tramudadúra , nf Synonyms e antonyms cambiamentu, tramuda, tramudantza Etymon srd.

tramudài , vrb: atramudai, tramudare, tramulare, tramunare, tramurai Definition cambiare, mescamente bestimentu, logu, cunditziones; fintzes traduire o furriare un'iscritura de una limba a s'àtera Synonyms e antonyms cambiai, mudaciare, mudai, stramudai, tramuxulare Sentences bi at cosas chi tràmunant in fele sos chervedhos ◊ si passas in logu chi potzas arrui, su mellus chi fatzas tramura caminu! (D.Bernardini)◊ cussos butios de suore si sunt tramulados in prellas ◊ po chi apas su pilu cambiau tramudai no podis sa natura ◊ su sole bellu si tràmunat in chimera ◊ sos pastores tramudant a sartu cajente a iverrare ◊ po Santu Zuanni cadhos e cadheris, tramudaos a festa, current a inghíriu de sa crésia 2. su pastore setziat s'ebba e faliat a bidha a si tramunare ◊ mi tràmuno ca esso a foraidha Etymon ltn. tra(n)smutare Translations French changer, déménager English to change, to move Spanish mudar, cambiar, mudarse Italian mutare, cambiare, traslocare German ändern, versetzen.

tramudaméntu , nm Synonyms e antonyms cambiamentu, tramuda, tramudadura Etymon srd.

tramudàntza, tramudàntzia , nf Synonyms e antonyms cambiamentu, tramuda, tramudadura Etymon srd.

tramudàre tramudài

tramudàu , pps, agt: tramunadu Definition de tramudare Synonyms e antonyms allichididu, mudau Sentences s'est tramunadu e si ch'est essidu a ziru 2. como chi ses tramunadu no ti ponzas a fàghere cosa bruta!

tramudónzu , nm: tramunonzu Definition su tramudare Synonyms e antonyms cambiamentu, istramúxulu, tramuda Sentences isse viet sa morte coment'e unu tramudonzu, unu ghironzu a bidha ◊ sas arvuritas si bogant dai su sulcu cun d-una chérvia manna de terra arrampiada a sas raighinas pro no lis nòghere su tramunonzu Etymon srd. Translations French changement English change Spanish mutación Italian mutaménto, cambiaménto, mutazióne German Veränderung, Wechsel.

tramúdu, tràmudu , nm: tramuru, tràmutu Definition bestimentu càmbiu, límpiu; fintzes cambiamentu de logu Synonyms e antonyms muda, mudadura, mudóngiu / tràmmudu / tramuda Sentences mi apo bestidu su tràmudu chi mi at ammanitzadu mamma Etymon srd. Translations French vêtements propres, changer le linge English change of clothes Spanish el mudarse de ropa Italian càmbio della biancherìa, dei vestiti German Wäsche zum Wechseln.