A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aciapàre aciapài

aciàpidu , pps Definizione de aciapare Sinonimi e contrari aciapadu, agatadu, sighidu Frasi una die s'est cuadu in s'oltu e l'at aciàpida furendhe ◊ custu l'aio pérdidu e como l'apo aciàpidu.

aciapinadòri , agt, nm Definizione chi o chie costumat a fàere male su trebballu, sa cosa Sinonimi e contrari abbunzosu, aciaputzadore, afioncadori, ciaputzeri, impiasteri, improdheri, indrovigosu | ctr. àbbile Terminologia scientifica ntl Etimo srd. Traduzioni Francese brouillon Inglese muddler Spagnolo chapucero Italiano abborracciatóre, arruffóne Tedesco Pfuscher.

aciapinài , vrb: ciapinare Definizione fàere is cosas a improdhu, male Sinonimi e contrari aciapuciae, aciarollai, afioncai, allarodhai, inciaputzare Etimo itl.t acciapinare Traduzioni Francese bâcler Inglese to bungle Spagnolo chapucear Italiano abborracciare Tedesco pfuschen.

aciapitài , vrb: ciapitai Definizione fàere is passighedhos de su ballu Sinonimi e contrari atzopitai, istripitare, sciampitai Etimo srd. Traduzioni Francese sautiller Inglese to hop about Spagnolo hacer los pasos del baile sardo Italiano salterellare Tedesco Tanzschritte, sprünge machen.

aciàpu aciàpa

aciapuài , vrb: aciapulai, aciapulare, assapuai, assapulai, assapulare, atapulare, atzapiai, atzapuai, atzapulae, atzapulai, atzapulare, tapulare*, tzapulai Definizione betare o cosire tzàpulos a unu bestimentu, a unu trastu (o fintzes pònnere impastu a tretos in is muros); betare, imbolare, iscúdere a cropu, a istràmpidu, pigare a iscutuladas Sinonimi e contrari ammeditzare, apuntroxai, ataparatare, atrapuedhai, atrapulai, cosinzare, tzapugnire / addrobbulare, atapai 1, betae, fuliai, isciúdere, rúchere / assachitai Frasi is istimentos furint istampaos e atzapulaos ◊ si depiat acuntentai de is pantalonis de fustànniu atzapulaus in genugus ◊ ist cosindho e atzapulandho ◊ torrastis a domu timendi ca estis iscurriau is cracionis (e mamma dhus depèt aciapulai)◊ is istimentos istampaos dhos atzapulànt 2. atzàpulant carchi canterile, túnicant su locu 3. at assapulau su telèfunu chena arrespundi, de cantu fut arrennegau ◊ e totu gherra gherra nchi dh'intrant a s'aruta e dh'atzàpuant a terra (S.Baldino)◊ proit e s'istracia si atzàpulat a sa fentana ◊ nd'istudant su fogu atzapulendi sa fraca cun cambus de modhitzi ◊ issos no ant intesu s'atapulare de su coro meu ◊ càstia chini est aciapuendi a sa porta!◊ dhas at atzapuladas atesu ◊ sa pedhi nchi dh'apu atzapiada ca no balliat a logu ◊ si funt ispassiaus contendi totu su chi ant aciapuau apari in cià vira de issus Etimo srd. Traduzioni Francese rapiécier Inglese to patch Spagnolo remendar Italiano rattoppare Tedesco flicken.

aciapuàra , nf: atzapulada, tzapuada Sinonimi e contrari addrobbulada, atapada Frasi de s’atzapulada no ndi apu fatu contu, tanti femu prontu candu seu arrutu 2. bell’aciapuara de mairu mi tengu, chi no est bellu a difendi sa cosa sua! Etimo srd.

aciapuciàe , vrb: aciaputzai, aciaputzare, ciaputzai* Definizione fàere su triballu o is cosas male, a improdhu Sinonimi e contrari abbaunzare, aciarollai, acoredhai, afioncai, afrochedhare 1, allarodhai, cianfainare, improdhai, inciapugliare, indrovigare Traduzioni Francese bâcler Inglese to bungle Spagnolo chapucear Italiano acciarpare Tedesco pfuschen.

aciapúciu , nm: ciapussu Sinonimi e contrari abbunzosu, afioncadori, ciaputzeri, coredheri, impiasteri, improdheri, indrovigosu.

aciapulài, aciapulàre aciapuài

aciapulógnu , nm: atzapulonzu, tapulonzu* Definizione acónciu chi si faet a unu trastu in calecunu tretu iscorriau o consumau Sinonimi e contrari aconciadura, apipadura, impipu, sartzidura.

aciaputzadòre, aciaputzadòri , agt, nm Definizione chi o chie costumat a fàere male sa faina, a trebballare chentza s'incurare de dha fàere bene Sinonimi e contrari abbunzosu, aciapinadori, aciorodhosu, afioncadori, ciaputzeri, coredheri, impiasteri, improdheri, indrovigosu Terminologia scientifica ntl Etimo srd. Traduzioni Francese bâcleur Inglese bungler Spagnolo chapucero Italiano abborracciatóre Tedesco Pfuscher.

aciaputzài aciapuciàe

aciaputzaméntu , nm Definizione aciaputzadura, su aciaputzai, fàere trebballu male Etimo srd.

aciaputzàre aciapuciàe

aciaràda aceràda

aciaradólzu acaradórju

aciaràre aceràre

aciàrgiu , nm: aciarxu, assàrgiu, atàgliu, atalzu, atàrgiu, atarju, atarzu, atzàgiu, atzàgliu, atzàrgiu, atzarxu, atzarzu Definizione su ferru etotu, ma cun percentuale prus bàscia de carbóniu: de su ferru est prus forte e prus chídrinu, orruinat prus pagu / a. inossidàbbili = chi no faghet ruinzu; preda de atzàrgiu = pedra bianca càndhida lúghida, tostada meda Frasi su filu de aciarxu est prus forti de su de ferru ◊ custa cosa est forrada de atàrgiu Terminologia scientifica mtl Etimo ltn. aciarium Traduzioni Francese acier Inglese steel Spagnolo acero Italiano acciàio Tedesco Stahl.