A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbascaramenàre , vrb Definizione prènnere su logu de bascaràmene, de istrepos Sinonimi e contrari imbarratzadu | ctr. illertidu, líchidu 1, límpiu Etimo srd.

abbascaramenàu , pps, agt Definizione de abbascaramenare; nau de logu, chi est totu bascaràmene.

abbasciàda , nf: abbasciara, abbassiada, basciada Definizione su abbasciare; nau mescamente de logu o tretu chi andhat de unu puntu artu a unu prus bàsciu, ma fintzes de su cambiamentu de sa boghe o de su sonu / donai s'a. a sa balantza = pèrdere sa passéntzia candho no si ndhe podet prus de agguantare Sinonimi e contrari abasciadroxa, achirradorzu, acirrada, betada, cabada, caladògia, falada, faladorza / menguada | ctr. alciada, pigadorza Frasi custu Castedhu totu artziadas e abbasciadas bocit s'ómini! ◊ po intrai a merau dhoi at un'abbasciara manna Terminologia scientifica slg Etimo srd. Traduzioni Francese descente Inglese slope Spagnolo bajada Italiano discésa Tedesco Abhang.

abbasciadúra , nf Definizione su abbasciare, bolendho nàrrere prus che àteru a sa manera de abbasciare Etimo srd.

abbasciàe, abbasciài abasciài

abbasciaméntu , nm Sinonimi e contrari abasciada, abbascionzu Etimo srd. Traduzioni Francese baisse Inglese lowering Spagnolo baja Italiano abbassaménto Tedesco Senkung.

abbasciàra abbasciàda

abbasciàre abasciài

abbasciónzu , nm Sinonimi e contrari abasciada, abbasciamentu.

abbasolàdu , pps, agt Definizione de abbasolare; chi est matucu che basolu (granu de pisu), bellu maduru, fatu, nau de àteros granos; nau de gente, de animale, fintzes chi est matudu, bentrudu Sinonimi e contrari ingranidu 2. su trigu est de messare ca est abbasoladu ◊ morint sas chígulas abbasoladas.

abbasolàre , vrb Definizione si narat de su trigu candho su granu est faendhosi bellu, prenu e matucu; nau de gente, de animales, bogare o pònnere bentre manna Sinonimi e contrari abberare, achiare, ammadurae, ciòmpere, còmprere, crompire, ingranire, lòmpere 2. cantu che ses istadu in tzitade ti ses abbasoladu Etimo srd. Traduzioni Francese grener Inglese to seed Spagnolo granar Italiano granire Tedesco Körner bilden.

abbassàre abasciài

abbassiàda abbasciàda

abbassiàre abasciài

abbassiàu abasciàu

abbastàe , vrb: abbastai 1, abbastare 1, arbastare, avastare, avrastare Definizione arregòllere, pigare, calare o abbasciare cosa chi ch'est in artu, arrennèscere a tocare, a dhue lòmpere Sinonimi e contrari arragolli, bòdhere, bodhire / aferrai, aggafai, leai, picare / arribbai, assuprire, lòmpere Frasi fit supra de unu pizu abbastendhe basoledhu ◊ cussa cosa dh'ant apicada topu in artu e dèu no dhui abbastu 2. pícache su pitzocu e avàstalu a sa manu! (N.Rubanu)◊ arbàstami cussa camba de cherésia! (E.Espa)

abbastài abbaltàre

abbastài 1 abbastàe

abbastànscia , avb: abbastàntzia Definizione de abbastu Sinonimi e contrari baltante Etimo itl. Traduzioni Francese assez Inglese enough Spagnolo bastante Italiano abbastanza Tedesco genug.

abbastànte , agt: baltante* Definizione chi bastat, chi est su tanti chi serbit Traduzioni Francese suffisant Inglese sufficient Spagnolo bastante Italiano sufficiènte Tedesco genügend.