A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

abbascaramenàre , vrb Definitzione prènnere su logu de bascaràmene, de istrepos Sinònimos e contràrios imbarratzadu | ctr. illertidu, líchidu 1, límpiu Ètimu srd.

abbascaramenàu , pps, agt Definitzione de abbascaramenare; nau de logu, chi est totu bascaràmene.

abbasciàda , nf: abbasciara, abbassiada, basciada Definitzione su abbasciare; nau mescamente de logu o tretu chi andhat de unu puntu artu a unu prus bàsciu, ma fintzes de su cambiamentu de sa boghe o de su sonu / donai s'a. a sa balantza = pèrdere sa passéntzia candho no si ndhe podet prus de agguantare Sinònimos e contràrios abasciadroxa, achirradorzu, acirrada, betada, cabada, caladògia, falada, faladorza / menguada | ctr. alciada, pigadorza Frases custu Castedhu totu artziadas e abbasciadas bocit s'ómini! ◊ po intrai a merau dhoi at un'abbasciara manna Terminologia iscientìfica slg Ètimu srd. Tradutziones Frantzesu descente Ingresu slope Ispagnolu bajada Italianu discésa Tedescu Abhang.

abbasciadúra , nf Definitzione su abbasciare, bolendho nàrrere prus che àteru a sa manera de abbasciare Ètimu srd.

abbasciàe, abbasciài abasciài

abbasciaméntu , nm Sinònimos e contràrios abasciada, abbascionzu Ètimu srd. Tradutziones Frantzesu baisse Ingresu lowering Ispagnolu baja Italianu abbassaménto Tedescu Senkung.

abbasciàra abbasciàda

abbasciàre abasciài

abbasciónzu , nm Sinònimos e contràrios abasciada, abbasciamentu.

abbasolàdu , pps, agt Definitzione de abbasolare; chi est matucu che basolu (granu de pisu), bellu maduru, fatu, nau de àteros granos; nau de gente, de animale, fintzes chi est matudu, bentrudu Sinònimos e contràrios ingranidu 2. su trigu est de messare ca est abbasoladu ◊ morint sas chígulas abbasoladas.

abbasolàre , vrb Definitzione si narat de su trigu candho su granu est faendhosi bellu, prenu e matucu; nau de gente, de animales, bogare o pònnere bentre manna Sinònimos e contràrios abberare, achiare, ammadurae, ciòmpere, còmprere, crompire, ingranire, lòmpere 2. cantu che ses istadu in tzitade ti ses abbasoladu Ètimu srd. Tradutziones Frantzesu grener Ingresu to seed Ispagnolu granar Italianu granire Tedescu Körner bilden.

abbassàre abasciài

abbassiàda abbasciàda

abbassiàre abasciài

abbassiàu abasciàu

abbastàe , vrb: abbastai 1, abbastare 1, arbastare, avastare, avrastare Definitzione arregòllere, pigare, calare o abbasciare cosa chi ch'est in artu, arrennèscere a tocare, a dhue lòmpere Sinònimos e contràrios arragolli, bòdhere, bodhire / aferrai, aggafai, leai, picare / arribbai, assuprire, lòmpere Frases fit supra de unu pizu abbastendhe basoledhu ◊ cussa cosa dh'ant apicada topu in artu e dèu no dhui abbastu 2. pícache su pitzocu e avàstalu a sa manu! (N.Rubanu)◊ arbàstami cussa camba de cherésia! (E.Espa)

abbastài abbaltàre

abbastài 1 abbastàe

abbastànscia , avb: abbastàntzia Definitzione de abbastu Sinònimos e contràrios baltante Ètimu itl. Tradutziones Frantzesu assez Ingresu enough Ispagnolu bastante Italianu abbastanza Tedescu genug.

abbastànte , agt: baltante* Definitzione chi bastat, chi est su tanti chi serbit Tradutziones Frantzesu suffisant Ingresu sufficient Ispagnolu bastante Italianu sufficiènte Tedescu genügend.