A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

afiaciàre , vrb Definizione ammuntonare, aunire impare coment’e faendho unu muntone Frasi nues niedhas si fint afiacendhe in s'aera e totinduna faleit unu raju.

afiàgnu , nm: afiantzu, afianzu, afranzu, afrassu, afrianzu, fianzu Definizione totu su chi podet serbire (fintzes logu) a badrare calecuna cosa, de pònnere acanta, in pitzu, a costau, a inghíriu: mescamente si narat de su pònnere is bratzos a inchinghidura a una persona chi s'istimat, chi si saludat cun istima forte (e in custu sensu fintzes cunfortu) Sinonimi e contrari abbrantzu, acotu, amparu, apógiu, cucuzura, imbràssidu / acunnortu Frasi cussa lughe arribbat s'afianzu in su coro ◊ in su monte bi aiat afranzu, no mancaiat s'ite de manigare (B.R.Carbone)◊ nudu de benes, mi so àpidu sentza afranzu, sentza azudu ◊ mi bisonzat afrianzu e calore ◊ est un'afianzu de pedhe berveghina ◊ istaimus in s'afianzu de sa coghina ◊ su cane li faghiat de afianzu chi fintzas frade sou li pariat (F.Dedola)◊ sos puzones in su nie si sunt trinnighendhe, chena afianzu ◊ in su letu bi cheret afianzu de lana in ierru 2. chin custas otavas t'imbio s'afrassu meu (T.Tuffu) Etimo srd. Traduzioni Francese protection Inglese protection Spagnolo protección Italiano protezióne, sostégno Tedesco Schutz

afiamusciàre , vrb Definizione abbruxare, auscare a fràmula Sinonimi e contrari aflachilai, aframatzare, summuscrare.

afiancàdu , pps, agt Definizione de afiancare; chi est prenu in fiancos, nau mescamente de animale tzatzau e fintzes de gente Sinonimi e contrari afiancu, atatu, mascadu, satzau.

afiancài , vrb: afiancare Definizione prènnere is fiancos, ingrassare: dhu narant de is animales làngios chi papandho bene s'imprupint e ingrassant; si narat fintzes de sa gente chi papat meda, de gente odiosa chi si prexat de su male angenu Sinonimi e contrari abboniare, afianchire / mascare, sassai 2. ses papandhe che benturzu malu a afiancare!◊ b'est chie papat e si afiancat, e chie no si afiancat mai!◊ sa mama lanza lanza giughet late de afiancare su pitzinnu! 3. si tue annas male, cussos si ne afiancant! (Z.Porcu) Etimo srd.

afiancài 1 , vrb: afiancare 1 Definizione pònnere a costau de calecuna cosa, acanta Sinonimi e contrari acoltazare Traduzioni Francese flanquer Inglese to put beside Spagnolo poner al lado Italiano affiancare Tedesco Seite an Seite stellen.

afiancaméntu , nm Definizione su afiancare Etimo srd.

afiancàre afiancài

afiancàre 1 afiancài 1

afianchídu , pps, agt: afianchiu Definizione de afianchire Sinonimi e contrari abboniadu, afiancadu Etimo srd.

afianchíre, afianchíri , vrb Definizione prènnere is fiancos, abboniare, crèschere a prupas, nau de animales e de gente puru Sinonimi e contrari afiancai Etimo srd.

afianchíu afianchídu

afiàncu , nm Definizione su afiancai; in cobertantza, fintzes prexu po su male angenu Sinonimi e contrari afiancadu, atatu, mascadu, pienu, satzau 2. dhi apo rispostu gasi tantu po no dhi dare s'afiancu (Z.Porcu) Etimo srd.

afiàntza , nf: fiànscia, viansa Definizione seguresa, cosa chi si ponet o chi si giaet po seguresa de un'àteru Sinonimi e contrari afiantzamentu, fidantza Traduzioni Francese caution, garantie Inglese guarantee, bail Spagnolo fianza Italiano cauzióne, malleverìa Tedesco Bürgschaft.

afiantzadúra , nf Sinonimi e contrari afiantza, afiantzamentu, fidantza Etimo srd.

afiantzàe, afiantzài , vrb: afiantzare, afidantzare, fiantzai Definizione fàere fidantza (fintzes badrare, giare amparu o afianzu a unu), rfl. imbarare in su sensu de si fàere agiuare, àere agiudu; arriscare (de pèrdere calecuna cosa giaendho fide)/ afiantzae is malos = dare amparu a chie faghet male Sinonimi e contrari assegurai, galentire 2. is pastores depiant abbarrae meses censa torrae a bidha e no si podiant afiantzae a sa família (E.Nieddu)◊ sa festa fiat un'ocasione po èssi prus afiantzaus is bècius cun is giòvunus Etimo spn., ctl. afiançar Traduzioni Francese garantir Inglese to warrant Spagnolo afianzar, garantizar Italiano garantire, avallare Tedesco bürgen für.

afiantzaméntu , nm Definizione su afiantzai, fidantza Sinonimi e contrari afiantza, fidantza Etimo srd.

afiantzàre afiantzài

afiàntzu afiàgnu

afianzàda , nf: afranzada Definizione su afianzare, su impressare Sinonimi e contrari abbratzada, afianzamentu, imbrassada 2. so isetendhe s'afranzada de su sole Etimo srd. Traduzioni Francese embrassement Inglese hug Spagnolo abrazo Italiano abbràccio Tedesco Umarmung.