A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbirtudàre abbeltudàre

abbíru , avb Definizione a biru, birendhe, essindho o orruendho a terra, nau de cosa in istrégiu tropu prenu / èssere a. = biraira Sinonimi e contrari abessu, chisciaghíscia, ghiraghira, iragunoru, tirulatírula Etimo srd.

abbisàbbis , avb, agt: Definizione nau de cosa de papare (pruschetotu cota), chi est a brodu, chi portat abba meda, chi portat suci, chi no est cagiau Sinonimi e contrari isabbisabbi, suciosu | ctr. cagiau, sciutu Frasi cust'arrustu est abbisabbis 2. s'ou est cotu abbisabbis Etimo srd. Traduzioni Francese juteux Inglese juicy Spagnolo jugoso Italiano succóso Tedesco saftig.

abbisabbísa , nm: bisabbisa Definizione inghíriu o giogu de foedhos, fintzes cantzonedha, chi narat sa cosa in cobertantza po bídere bíere si s'àteru intzertat it'est Sinonimi e contrari arroma, incertu, indevinzu, intzertintzerta, istevíngiu, istinzu Terminologia scientifica ggs Etimo srd. Traduzioni Francese devinette Inglese riddle Spagnolo adivinanza, acertijo Italiano indovinèllo Tedesco Rätsel.

abbisàda , nf Definizione su abbisare, su fàere o mandhare s'avisu Sinonimi e contrari avisu, tocamentu Etimo srd.

abbisàdu , pps Definizione de abbisare 1 Sinonimi e contrari avértidu.

abbisài, abbisàre , vrb Definizione imbentare abbisos, fàere s'abbiseri, nau fintzes in su sensu de pentzare Sinonimi e contrari imbentare 2. sa bídria iat abbisau de si atrociai a becitedha (E.Musio) Etimo itl. avvisare.

abbisàre 1 , vrb: avisai, avisare Definizione mandhare un'avisu, un'isceda, fàere o giare a ischire; mandhare a nàrrere, tzerriare po atobiare o bènnere a ccn. logu; giare un'avertimentu, un'ammonestu / a. a unu de unu logu = cramarendhelu Sinonimi e contrari abertire / ammonestai Frasi órdine de su síndhigu, si avisat sa populatzione chi a sas tres si serrat s'abba 2. l'ant avisadu a caserma, a iscola, a sa leva, a sa comuna ◊ bae e avisandhelu, a babbu tou, ca che serbit isse! ◊ avisàtelu chi ghiret dae Continente! 3. ti apo avisadu, mih: si ti cumbinat un'àtera borta che pagas totu! Etimo itl. Traduzioni Francese avertir Inglese to inform Spagnolo avisar Italiano avvisare, convocare Tedesco benachrichtigen.

abbisàri abbigiàre

abbisastràre , vrb: bisastrare* Definizione pònnere bisestru, fàere dannu mannu a unu, a un'àrbure, a una cosa Sinonimi e contrari abbutinare, bistrasciare, degogliai, destrossai, iscempiai, iselmorare, istropiare Frasi l'ant abbisastradu a corfos de fuste.

abbiscarzàre , vrb Definizione prènnere bene s'iscàrgiu, papare meda Sinonimi e contrari abbentrare, abbrentosicare, abbudagare, abbuselcare, abbuzare, imbrentai, sgagliubbai Etimo srd. Traduzioni Francese se bourrer, s'empiffrer, se gaver Inglese to stuff oneself Spagnolo llenarse, atiborrarse, hartarse Italiano rimpinzarsi Tedesco sich vollstopfen.

abbisciàda , nf Definizione iscutulada de abba, próida manna, a meda Sinonimi e contrari abbísciu, bírrida, dallúviu, ischísciu, strasura, tregonada Etimo srd.

abbisciàre , vrb Definizione pròere a meda Sinonimi e contrari abbusciare, apantamare, impantamare Terminologia scientifica tpm Etimo srd.

abbísciu , nm: abbúsciu Definizione iscutulada forte de abba próina; cosa chi si biet o chi benit a meda Sinonimi e contrari abbisciada, bírrida, bissura, dallúviu, ischísciu, strasura Frasi die bona o die mala de abbísciu, a bois sa paga bos benit su matessi ◊ paret sa badhe in abbísciu, tulbadu s'orizonte, paret pretzipitadu su giudísciu ◊ est totugantu iscumparidu che in d-un'abbísciu 2. at bidu un'abbísciu de papàiles rujos ◊ o mama fizolada, isolves che abbísciu intro de sas venas rios de volontade e cuntierras ◊ intendhent unu fúrridu abbísciu de boghes giamendhe a su fogu Terminologia scientifica tpm Traduzioni Francese averse Inglese shower Spagnolo aguacero, chaparrón Italiano acquazzóne Tedesco Platzregen.

abbiséri , nm Definizione chie faet abbisos o cuncordat trassas Sinonimi e contrari afrascadore, fraitzu, imbodhiosu, imbusteri, inganneri, ingregheri, mànghinu, mariolu, ordinzeri, tramposu, trampisteri, trasseri Frasi po difendi unu furuncu ispaciau e abbiseri at nau chi seus nosu is ladronis! Terminologia scientifica ntl Etimo srd. Traduzioni Francese comploteur, conspirateur Inglese plotter Spagnolo maquinador Italiano macchinatóre Tedesco Ränkeschmied.

abbisiòne , nf Definizione s'arresposta chi si giaet a un'imbasciada Sinonimi e contrari sceda.

abbisissàre , vrb Definizione abbisitare; andhare po si fàere a bíere Sinonimi e contrari abbisitàe / iscampiare Frasi una die unu sórige chi biviat in citade ist andau a abbisissare su fradile.

abbisíta , nf: bisita* Definizione su andhare a bíere o agatare a ccn. Sinonimi e contrari imbisita Frasi ita cosa cust'abbisita pressosa?! ◊ dónnia mengianu issa est pronta a fàere s'abbisita a domu mia! Traduzioni Francese visite Inglese visit Spagnolo visita Italiano vìsita Tedesco Besuch.

abbisitàe, abbisitài, abbisitàre , vrb: avisitai, abbissitare, bisitare Definizione andhare a bíere o agatare a ccn. Sinonimi e contrari imbisitare Frasi fua malàidu e in presoni e no mi eis abbisitau (Ev)◊ soe andhau a mi l'abbisitare, sa rosa mia ◊ a inie benzesit zente meda, frades e sorres a mi abbisitare ◊ bandant is pastoris po dh'avisitai candu dhu circant cudhus tres urreis ◊ ci benis a bidha po mi abbisitai mi fait pragere! Etimo srd. Traduzioni Francese visiter Inglese to visit Spagnolo visitar Italiano visitare Tedesco besuchen.

abbisitéri , nm Definizione chie faet o est faendho abbisita (a gente, a unu logu) Frasi tziu miu teniat abbisita e in is abbisiteris dhui fuant is fradilis (S.Praxolu) Traduzioni Francese visiteur Inglese visitor Spagnolo visitante Italiano visitatóre Tedesco Besucher.