A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ammodhocàre , vrb Definizione fàere a modhoca, a ludu Sinonimi e contrari abbenatzai, alludratzare, alludrinae, illudratzare Etimo srd. Traduzioni Francese crotter, envaser Inglese to make muddy, to muddy Spagnolo enlodar Italiano infangare, impantanare Tedesco mit Kot beschmutzen.

ammodídu , pps, agt Definizione de ammodire; chi no est avesu a esagerare, chi faet is cosas a modu, portat régula in is cosas, in su fàere Sinonimi e contrari aggrabbadu, ammodau, assetiosu, garbosu, imbodau | ctr. malammodidu 2. a faedhare cun issu faghiat piaghere ca fit giòvanu ammodidu meda (M.Danese).

ammodíre , vrb Definizione tènnere crabbu, maneras bonas in su fàere Etimo srd.

ammodoinài , vrb: ammuduinare, modoinai Definizione fàere o istare coment'e dormiu, pigare o pèrdere is atuamentos, sa memória Sinonimi e contrari abbalaucare, ammadainare, asturdire, atontonare, immaidoinare, immaudinare, scilibriri, stolondrai, stontonai 1 Etimo srd. Traduzioni Francese perdre la mémoire Inglese to lose one's memory Spagnolo perder la memoria Italiano smemorare Tedesco das Gedächtnis verlieren.

ammodoinàu , pps, agt Definizione de ammodoinai; chi no arregodat is cosas Sinonimi e contrari abbaucadu, conchischeréscidu, irmentigadu, sbentiau.

ammodrodhàre ammadredhàre

ammofàdas , avb Definizione cun allurpidura, a s'airada Traduzioni Francese goulûment Inglese greedyly Spagnolo glotonamente Italiano ingordaménte Tedesco gierig.

ammofàu , agt Definizione chi portat sa mofa, sa musarola (nau fintzes de is boes trebballandho in logu de fàere dannu po no papare de su chi dhu’est prantau) Etimo srd.

ammogodhàre , vrb Definizione nau de minestra, de pasta, ammartitzare coendho, còere tropu Sinonimi e contrari ammaltitzare, spuentai.

ammoinadúra , nf: ammuinadura Sinonimi e contrari ammuinamentu Etimo srd.

ammoinài , vrb: ammoniare, ammuinae, ammuinai, ammuinare 1, amuinai Definizione fàere muina, genia de sonu, de moida coment'e de abes o fintzes de gente foedhandho a boghighedha bàscia, giare ifadu, fàere sa conca che casidhu a unu in crica de dhu cumbínchere a calecuna cosa / ammuinare sos calbedhos = cufúndhere sas ideas Sinonimi e contrari afastidiai, annischissai, ifadare, pibincai / imbirdiolare, imbuvonare, improsae, incapiare Frasi ammuinada dae su caldu e múmulas de chígula ti drommias Etimo spn. amohinar Traduzioni Francese ennuyer, embobiner Inglese to annoy, to cheat Spagnolo molestar, embaucar Italiano annoiare, infastidire, abbindolare Tedesco langweilen, belästigen, betrügen.

ammojàda , nf Definizione su si ammojare Etimo srd.

ammojadúra , nf Sinonimi e contrari ammojada Etimo srd.

ammojàre , vrb: ammujare Definizione fàere s'asseliada, sa citia, citire Frasi nandhe nandhe, totus si sunt ammojaos a fàchere una ghilimada.

ammojàu , pps, agt Definizione de ammojare 2. su coro est ammojau, illibriniu de fritu, tirchinau.

ammolàda , nf Definizione su ammolare Etimo srd.

ammolàdu , pps, agt Definizione de ammolare; chi est fatu a mola, a gurone po ispítzulu de calecunu bobboi; chi est cuau in calecuna mola o tupa de matedu 2. bi est su zuncu ammoladu e a triballare cussa terra bi cheret pelea! ◊ s'ozastru, in sa carpida de una roca, zughiat sa raighina fine, ma suta de sa roca fit ammolada 3. su matzone est ammoladu in cue.

ammoladúra , nf Definizione su ammolare; ufradura de unu tretu chi si faet a gurone Etimo srd.

ammolàre , vrb Definizione fàere una pedra a mola de molinu; fàere a mola, ingrussare in s’arraighina, nau de erbas e tupas, e de sa carre in su sensu de fàere a gurone, betare o crèschere in tita (nau de animale fémina candho est acanta a angiare); cuare in calecuna mola de matedu, fintzes pònnere asuta de calecuna mata in s'umbra comente faet su bestiàmene, pinnigare o aunire totu impare Sinonimi e contrari afundhare 1 / abbusare 1, ammagare, atupare, intupai Frasi s'antunna est ammolada ◊ sas berbeghes zughent sa tita ammolada ◊ bi at raighina de s'àrbure chi si ammolat 2. sas berbeghes si sunt ammoladas meriendhe Etimo srd. Traduzioni Francese enjaler Inglese to tie to the anchor stock Spagnolo hacer una muela, encepar Italiano acceppare Tedesco einen Anker stocken.

ammolcodhàdu , agt Definizione nau de cosa de papare, chi est ammartitzadu, tropu cotu, tropu modhe Sinonimi e contrari ammerchedhau, ammorfodhau.