A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ammodhocàre , vrb Definitzione fàere a modhoca, a ludu Sinònimos e contràrios abbenatzai, alludratzare, alludrinae, illudratzare Ètimu srd. Tradutziones Frantzesu crotter, envaser Ingresu to make muddy, to muddy Ispagnolu enlodar Italianu infangare, impantanare Tedescu mit Kot beschmutzen.

ammodídu , pps, agt Definitzione de ammodire; chi no est avesu a esagerare, chi faet is cosas a modu, portat régula in is cosas, in su fàere Sinònimos e contràrios aggrabbadu, ammodau, assetiosu, garbosu, imbodau | ctr. malammodidu 2. a faedhare cun issu faghiat piaghere ca fit giòvanu ammodidu meda (M.Danese).

ammodíre , vrb Definitzione tènnere crabbu, maneras bonas in su fàere Ètimu srd.

ammodoinài , vrb: ammuduinare, modoinai Definitzione fàere o istare coment'e dormiu, pigare o pèrdere is atuamentos, sa memória Sinònimos e contràrios abbalaucare, ammadainare, asturdire, atontonare, immaidoinare, immaudinare, scilibriri, stolondrai, stontonai 1 Ètimu srd. Tradutziones Frantzesu perdre la mémoire Ingresu to lose one's memory Ispagnolu perder la memoria Italianu smemorare Tedescu das Gedächtnis verlieren.

ammodoinàu , pps, agt Definitzione de ammodoinai; chi no arregodat is cosas Sinònimos e contràrios abbaucadu, conchischeréscidu, irmentigadu, sbentiau.

ammodrodhàre ammadredhàre

ammofàdas , avb Definitzione cun allurpidura, a s'airada Tradutziones Frantzesu goulûment Ingresu greedyly Ispagnolu glotonamente Italianu ingordaménte Tedescu gierig.

ammofàu , agt Definitzione chi portat sa mofa, sa musarola (nau fintzes de is boes trebballandho in logu de fàere dannu po no papare de su chi dhu’est prantau) Ètimu srd.

ammogodhàre , vrb Definitzione nau de minestra, de pasta, ammartitzare coendho, còere tropu Sinònimos e contràrios ammaltitzare, spuentai.

ammoinadúra , nf: ammuinadura Sinònimos e contràrios ammuinamentu Ètimu srd.

ammoinài , vrb: ammoniare, ammuinae, ammuinai, ammuinare 1, amuinai Definitzione fàere muina, genia de sonu, de moida coment'e de abes o fintzes de gente foedhandho a boghighedha bàscia, giare ifadu, fàere sa conca che casidhu a unu in crica de dhu cumbínchere a calecuna cosa / ammuinare sos calbedhos = cufúndhere sas ideas Sinònimos e contràrios afastidiai, annischissai, ifadare, pibincai / imbirdiolare, imbuvonare, improsae, incapiare Frases ammuinada dae su caldu e múmulas de chígula ti drommias Ètimu spn. amohinar Tradutziones Frantzesu ennuyer, embobiner Ingresu to annoy, to cheat Ispagnolu molestar, embaucar Italianu annoiare, infastidire, abbindolare Tedescu langweilen, belästigen, betrügen.

ammojàda , nf Definitzione su si ammojare Ètimu srd.

ammojadúra , nf Sinònimos e contràrios ammojada Ètimu srd.

ammojàre , vrb: ammujare Definitzione fàere s'asseliada, sa citia, citire Frases nandhe nandhe, totus si sunt ammojaos a fàchere una ghilimada.

ammojàu , pps, agt Definitzione de ammojare 2. su coro est ammojau, illibriniu de fritu, tirchinau.

ammolàda , nf Definitzione su ammolare Ètimu srd.

ammolàdu , pps, agt Definitzione de ammolare; chi est fatu a mola, a gurone po ispítzulu de calecunu bobboi; chi est cuau in calecuna mola o tupa de matedu 2. bi est su zuncu ammoladu e a triballare cussa terra bi cheret pelea! ◊ s'ozastru, in sa carpida de una roca, zughiat sa raighina fine, ma suta de sa roca fit ammolada 3. su matzone est ammoladu in cue.

ammoladúra , nf Definitzione su ammolare; ufradura de unu tretu chi si faet a gurone Ètimu srd.

ammolàre , vrb Definitzione fàere una pedra a mola de molinu; fàere a mola, ingrussare in s’arraighina, nau de erbas e tupas, e de sa carre in su sensu de fàere a gurone, betare o crèschere in tita (nau de animale fémina candho est acanta a angiare); cuare in calecuna mola de matedu, fintzes pònnere asuta de calecuna mata in s'umbra comente faet su bestiàmene, pinnigare o aunire totu impare Sinònimos e contràrios afundhare 1 / abbusare 1, ammagare, atupare, intupai Frases s'antunna est ammolada ◊ sas berbeghes zughent sa tita ammolada ◊ bi at raighina de s'àrbure chi si ammolat 2. sas berbeghes si sunt ammoladas meriendhe Ètimu srd. Tradutziones Frantzesu enjaler Ingresu to tie to the anchor stock Ispagnolu hacer una muela, encepar Italianu acceppare Tedescu einen Anker stocken.

ammolcodhàdu , agt Definitzione nau de cosa de papare, chi est ammartitzadu, tropu cotu, tropu modhe Sinònimos e contràrios ammerchedhau, ammorfodhau.