A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ammolentadúra , nf Definizione su si ammolentare Etimo srd.

ammolentài, ammolentàre , vrb Definizione fàere a sa manera de is àinos, fàere a molente de cumportamentu, manera de fàere grussera e pagu abbista; pigare una molentada o imbriaghera Sinonimi e contrari abburricai 2. ogni cane polítigu, ammolentadu, presentat una lege istúpida cantu a isse! Etimo srd. Traduzioni Francese devenir ignorant Inglese to drow dull Spagnolo portarse como un burro Italiano inasinire Tedesco verdummen.

ammolentàu , pps, agt Definizione de ammolentare; chi tenet maneras de fàere grusseras, pagu educadas, chi est ignorante; chi at bufau Sinonimi e contrari ignoranti / imbreacu 2. cussa fit pessone ammolentada ◊ cussu est gai ammolentadu chi cunfundhet sa padedha cun sa tríbide.

ammolfodhàre ammalfudhàre

ammolighinàda , nf Definizione su ammolighinare Etimo srd.

ammolighinadúra , nf Definizione su ammolighinare Sinonimi e contrari ibbadhinamentu, scimíngiu Etimo srd.

ammolighinaméntu , nm Sinonimi e contrari ibbadhinamentu, scimíngiu Frasi s'ammolighinamentu no lu lassat nen die e nen note, pessandhe a issa ◊ si de artu pómpias a terra ti benint sos ammolighinamentos Etimo srd.

ammolighinàre , vrb: ammulighinare Definizione èssere a iscimíngius, a illuinos Sinonimi e contrari abbadhinare, abbatzinare, atambainare, ibbadhinare, imbatzinare, ingadhinae, scimingiai 2. m'intendho coment'e ammulighinau ammentandhe custos contos de mastros de iscola Etimo srd.

ammolighinàu , pps, agt Definizione de ammolighinare Frasi aiat gana de cúrrere, ma no podiat ca fit totu ammolighinau ◊ mi aggarrant, mi picant a fichias de pede e mi lassant ammolighinau, a dolores.

ammolighínzu , nm Definizione su pàrrere sa conca coment'e girandho o su bíere su logu coment'e girandho, su èssere a illuinu, a iscimingiadura Sinonimi e contrari abbadhinamentu, abbatzinamentu, atambainamentu, bacinedha, batzinu 1, imbatzinamentu, insimíngiu, loinu, luinore, sbollinu Etimo srd. Traduzioni Francese vertige Inglese dizziness Spagnolo vértigo, mareo Italiano vertìgine Tedesco Schwindel.

ammolladòri , nm Definizione su piscadore chi betat s'arretza, piscandho cun sa sciàiga Terminologia scientifica pscd Etimo srd.

ammollài , vrb Definizione lassare andhare, iscapare una cosa, su si lassare andhare a calecuna cosa no tanti arrexonia, fintzes iscúdere, giare cropos Sinonimi e contrari iscapae, tzèdere | ctr. tirai, tostare Frasi ammolla sa funi ma no is arremus! ◊ ammollamí, ca no bollu andai cun tui! ◊ ammollancedhi una perda! ◊ dhi at ammollau unu pinnigosu 2. candu bit cosa chi dhu praxit si nci ammollat! ◊ at biu ca nci fut genti e si nc'est ammollau a cantai ◊ toca, ammollarinci a sonai!

ammolojàdu , agt Definizione nau de gente, de bestiàmene, chi est fatu a chedha, atrumau, riuniu a bisura de mola Sinonimi e contrari afiotadu Frasi pómpio e che iscàmpio custos ómines ammolojados, bestidos in ragas e in beste.

ammoltighinàre , vrb: ammoltixinare, ammortichinzare, ammortighinare, ammortisinae, ammortisinare, ammortixinai, ammortosinare, ammortoxinai, ammotroxinai, ammurtixinare, mortoxinai Definizione miminare sa capacidade chi tenent is sentidos de si acatare de is cosas, de cumprèndhere, de atinare; abbrandhare o istudare is passiones, is dolores, sa fortza (po immarritzone)/ ammortixinare su fogu = abbacare sa fràmula, minimare su fogu, istudare Sinonimi e contrari allacare 1, allagorjare, ammadainare, ammartusinare, ammasanae, ammortèschere, ammortiare, ammortogliare, ammustèlchere, iltudare, imbortighinare | ctr. abbiatzai, abbiorare Frasi sa prendha chi tantu mi amaiat in cust'umbra frisca mi ammortixinaiat sas ispinas 2. sas túrtures pro sa professone no depiant èssere nen tropu ammortighinzadas nen tropu ispavillas ◊ faghiat vida trista e ammortisinada ◊ che braxa coberta de chixina paret ammortixinada ◊ issa est ammortighinada e sa fiza b'isfrigatzat un'impiastru de erbas in sas ancas arganadas Etimo srd. Traduzioni Francese atténuer, amortir, engourdir, anesthésier Inglese to make torpid, to shade, to anaesthetize Spagnolo amortiguar Italiano smorzare, intorpidire, ammosciare, anestetizzare Tedesco dämpfen, gefühllos machen, anästhetisieren.

ammoltijàdu , agt Sinonimi e contrari abboltijadu Etimo srd. Traduzioni Francese engourdi Inglese numb Spagnolo amortiguado Italiano intorpidito Tedesco eingeschlafen.

ammoltixinàre ammoltighinàre

ammonài , vrb Definizione fàere, cufetare, aprontare in domo (nau de cosas de papare).

ammonaméntu , nm Definizione su ammonai, cufetadura de cosas de papare chi durant Frasi in sa maràndula contat meda s'ammonamentu (P.Pillonca) Etimo srd.

ammonestadòre, ammonestadòri , agt, nm Definizione chi o chie, cun autoridade manna, ammonestat, giaet avertimentos e cossígios Etimo srd. Traduzioni Francese réprobateur, admoniteur Inglese warner Spagnolo amonestador Italiano ammonitóre Tedesco Warner.

ammonestadúra , nf Sinonimi e contrari ammonestamentu, disciplinada Etimo srd.