A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abborriàre , vrb: borriare* Sinonimi e contrari barroinae, borrare, borrighinare, corraxinai, corrinai, orriare Terminologia scientifica bga.

abborridàre , vrb Definizione coment'e istare a bórridas, a iscràmios, a boghes Sinonimi e contrari abborriare Frasi sas robbas, totu isporadas e famidas, abborridendhe, ponent sa paura Etimo srd.

abborrigàda , nf: abburricada, burrigada* Definizione brulla pesante, giogu de martzocu: una brulla ti fatzo, un'ogu ti ndhe bogo Sinonimi e contrari ghelea, molentada, tontesa Frasi fatu m'at sa mascarada proite mi cheriat bellu, ma no b'at piús apellu fata chi est s'abburricada! (G.Atzori) Traduzioni Francese sottise, bêtise Inglese bad joke Spagnolo borricada Italiano brutto schérzo, spropòsito Tedesco schlechter Scherz, großer Fehler, Dummheit.

abborrochinàre , vrb Definizione pesàre a borróchinos, fàere corrighinos, nau de àinos; in cobertantza, fintzes pigare a ccn. a boghes Sinonimi e contrari borriare, borrighinare, corraxinai, corrinai Etimo srd.

abborróchinu , nm: borróchinu Sinonimi e contrari borrighinu, corrighinu, corrinu, órriu Etimo srd.

abborsadòri , nm Sinonimi e contrari bragheteri, feminaju.

abbortài , vrb Definizione nau de fémina príngia, pèrdere su fedu Sinonimi e contrari agurtire, antiri, istrumai Etimo spn. abortar.

abborticàda , nf: abburticada Definizione su abborticare Etimo srd.

abborticadúra , nf Sinonimi e contrari addormentadura, addrommigadura, informigamentu Etimo srd. Traduzioni Francese engourdissement Inglese numbness Spagnolo entorpecimiento Italiano intorpidiménto Tedesco Einschlafen.

abborticàre , vrb: abbortigare, abbortijare, abbortixare Definizione batire un’arremu, mescamente postu male chi no passat bene su sàmbene, de pàrrere coment’e totu puntu cun ortiga, o fintzes de no si dhu intèndhere coment’e chi siat sicau, de ortigu Sinonimi e contrari addormicare, addrommentire, aggurticiare, iformicare, immortigare, indoliminzare, intrementíre indormicare Frasi comente fia corcadu mi at abbortigadu su bratzu ◊ candho si pesabat fit totu abborticau e addozau e pro si cossolare bibiat una tassa de birra Etimo srd. Traduzioni Francese engourdir Inglese to benumb Spagnolo entorpecer Italiano intorpidire Tedesco gefühllos machen.

abborticàu , pps, agt Definizione de abborticare Sinonimi e contrari abboltijadu, ammoltijadu, infromigau.

abbortigàre, abbortijàre, abbortixàre abborticàre

abbortzài , vrb Definizione cricare o giare s'intesa cun ccn. o fintzes cricare de si dhu fàere a sa manu po calecunu torracontu.

abboscicàre , vrb Definizione ufrare, fàere a busciuca 2. ojos abboscicados Etimo srd.

abbósu , agt: acuosu Definizione chi portat abba, nau pruschetotu de frutos chi portant súciu meda, ma fintzes de su tempus in su sensu chi proet fatuvatu; nau de cosa po sa modhesa chi tenet, chi est isabbisabbi, modhe meda agiummai che abba Sinonimi e contrari suciosu / pioanu | ctr. asciutu, sicu Frasi bi at pira abbosa e bi at pira assuta ◊ cust'aràngiu est bellu acuosu 2. ocannu at fatu un'istiu abbosu 3. su mele daghi si betat a su chedhàrgiu, faendho su turrone, depet èssere abbosu Etimo ltn. aquosus Traduzioni Francese succulent Inglese succulent Spagnolo jugoso Italiano succulènto Tedesco saftig.

abbotài , vrb Definizione andhare coment'e a cropos, a iscutuladas Sinonimi e contrari assachitai Frasi su carru caminendi abbotat Etimo srd.

abbotài 1 , vrb Definizione nau de su casu, ufrare (segundhu comente est fatu si ufrat a friscu e fintzes candho est asciutu).

abbotinàda , nf: abbutinada Sinonimi e contrari abbútinu Etimo srd.

abbotinàre , vrb: abbutinae, abbutinare Definizione fàere a una befa catzigandho, betandho a terra, faendho dannu, imbrutandho o àteru (in sensu morale puru): dhu’est fintzes s'idea de pònnere tréulu, trumbullu, iscúdere, atripare / abbutinare su logu = distrúere, burdellare, imbrutare su logu Sinonimi e contrari abbadinare, acacigai, arroinare, bíncere, destrui, istraitzare / imbratare Frasi no mi lasso abbutinare s'oltu meu ◊ su colzu pensamentu ti abbutinat s'ànima e su corpus ◊ unu càmiu at abbutinadu a unu ◊ unu trimizone de pessamentos istrambos mi ant abbotinatu ◊ cussu ist abbituau a isperditziae e abbutinae sa cosa 2. eris sa turulia mi fit abbutinandhe sos pannos 3. custa fardeta mi l'istràvio, ca in su telarju falat su pilu e mi abbutinat ◊ est in cherta de si nche labare su ludru chi l'at abbutinau su lúmene ◊ mamma tua mi at totu abbutinau e aviliu Traduzioni Francese piétiner Inglese to trample on Spagnolo pisotear Italiano calpestare Tedesco zertreten.

abbótu , avb Definizione a botu, nau in su sensu de aira, meda, e manigiau che a meda etotu, a bortas fintzes a pronúmene Sinonimi e contrari aira, meda Frasi sa tzicória vocat tudhos abbotu ◊ sèmenant pisellu abbotu pro lu vèndhere ◊ bos sezis divertitos abbotu! ◊ non bi tenzo abbotu a che agabbare su libbru! ◊ como de zente ndhe suprit abbotu 2. bi ndhe at abbotu chi amant cosas chentza valore Cognomi e Proverbi prb: a riu bulluzatu piscatores abbotu! Etimo srd.