A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apicaméntu , nm Definizione su apicai, su trebballu de apicare cosa (meda), genia de costuma po sa cojuada noa Frasi su domínigu innantis de s'isposóriu nci fut s'apicamentu de s'arrobba, andànt totus is parentis e fadiant su letu e totu is cosas e fadiant festa.

apicapísinu , nm Definizione impicu, genia de giogu.

apicàre, apicàri apicài

apicarròne , nm Definizione bellei, prendha de apicare in dossu Sinonimi e contrari apicàglia.

apicastérgiu , nm Definizione genia de parastàgiu po chistire is pratos límpios e àteru istrégiu de coghina; in su cuile, istante, frucàgiu Sinonimi e contrari apicaverràmini, fascellau, barastazu, piatera Etimo srd.

apicàta , nf Definizione pesada, logu po passare chi faet andhandho e artziandho Sinonimi e contrari alciada, altzadòglia, ampuada, ficada, muntada, petorru, picada, pigadorza, pugiada | ctr. cabada, falada, pénnita Frasi currenne in sos gurutos de s'apicata fachiant sa frúschita!…◊ fit artziandhe in sas apicatas avia de su monte 2. su contare suo iscurret fàtzile chene apicatas e ne pénnitas (B.Bandinu) Etimo srd.

apicaverràmini , nm Definizione coment'e unu móbbile, tàulas postas in su muru po apicare pingiadas, ischidones, crobetores, terudhas e àteros istrègios mannos Sinonimi e contrari apicastérgiu, fascellau, barastazu, piatera Etimo srd.

apichedhài, apichedhàre , vrb: apicuedhai Definizione artzare in logu malu, andhare in artziada meda, a in artu Sinonimi e contrari acadhai, aperricare, aperrociai, apicai, apicocai, apiculai, apilicare, apitzuligare Frasi si apichedhat in dónnia logu ◊ mi apichedho a s'iscala ◊ su mari andat e torrat, si apicuedhat in s'arena ◊ mi nci seu apichedhau a una mata ◊ nci fia apichedhada dèu puru a monti ◊ nci apicuedhastis a pícius de is matas de s'ocalitu Etimo srd. Traduzioni Francese grimper Inglese to climb (up) Spagnolo trepar Italiano arrampicarsi Tedesco klettern.

apichedhósu , agt Definizione chi si apichedhat, chi si che imbodhigat a calecuna cosa e àrtziat a in artu (nau de erbas o linnas chi faent a cannàile) Frasi sa crocoriga est un'erba apichedhosa Etimo srd. Traduzioni Francese grimpant Inglese climbing Spagnolo trepador Italiano rampicante Tedesco kletternd.

apichetàre , vrb Definizione pònnere o fichire pichetos Sinonimi e contrari acerbonai, arradicare, arrochitare, cradiare, impalai Etimo srd.

apíchi , avb Definizione a bíere si… Sinonimi e contrari abbissi Frasi sos pegos malàidos apo provau a dhos lassare a bíere apichi si sanant.

apichiàre , vrb Definizione pònnere aficu mannu a calecuna cosa, su si pònnere cun cabu, cun atentzione, cun apentu Sinonimi e contrari impiciai, remenare Frasi mi so apichiadu e l'apo frinta 2. cust'ómine fit gosi apichiadu chi no at mancu artziadu sa conca candho est lómpiu su printzipedhu (A.Deplano)◊ est unu pitzinnu apichiadu a s'istúdiu.

apichionàdu , pps, agt Definizione de apichionare; chi tenet disígiu mannu, ispédhiu de ccn. cosa Sinonimi e contrari apilliadu spedhiosu 2. mamma nos comporaiat sa merendha pro iscola, onzi die una cosa divessa ca no aiamus de istare apichionados (S.Saba)◊ zia mi cheriat torra, ndhe fit apichionada e mi lu naraiat de continu.

apichionàre , vrb: apiconiare Definizione pònnere apicónias, apicàllios; fintzes disigiare / su pps. apiconiadu nau de ccn. = chi est apedhiau, disigiosu, in s'ibertu de calecuna cosa 2. a ite cosa ti apichionas tue? Etimo srd.

apichiónu , nm Definizione cosa licante, chi praghet meda, cosa de apédhiu, ma fintzes solu cosa a papare Sinonimi e contrari licantzadoria / abbicónia 2. su maridu est tuchendhe a triballu e sa muzere li at preparadu su pannitzu chin s'apichionu Etimo srd.

apichirichinàre , vrb Definizione pònnere, ammuntonare cosa a s'afaiu, a brétiu, fàere pichirichinos.

apichiriónu , nm Definizione su istare apitu o apedhiaos a calecuna cosa o a ccn. chi praghet prus de un'àtera o de un'àteru Etimo srd. Traduzioni Francese accrochage, attachement Inglese attaching Spagnolo apego Italiano attaccaménto (psicologico) Tedesco Anhänglichkeit.

apichirriàu , agt Sinonimi e contrari amantiosu, intinnadu Frasi gei ses apichirriau a cussa computera… fidau e atacau a sa computera ses! Traduzioni Francese passionné Inglese passionate Spagnolo apasionado Italiano appassionato Tedesco leidenschaftlich.

apíchiu , nm Definizione cabu, interessamentu o contivígiu chi si dhue ponet faendho sa cosa Sinonimi e contrari aficu, apentu, imprastu Frasi mi at cussizadu de mi pònnere chin apíchiu a fàchere unu bellu disegnu (A.Deplano) Etimo srd.

apicigài , vrb: apicigare, apitzicare, apitzigai, apitzigare, picigai Definizione pònnere cosa, prus che àteru cun colla o àteru de apicigosu, a manera chi abbarret totu impare cun àtera; nau in cobertantza, istare aifatu de ccn. in manera ifadosa; nau de cosas de papare, fàere bene, pònnere prupas / a./c. apitzigandhe = (a logos) èssere a costazu, a fiancu, lacanante Sinonimi e contrari apodhai, atacare / acadenanciare, acadrancai, apegai, incadranancare | ctr. ispitzigare Modi di dire csn: no apítzicat ne a muru e ne a gianna = no b'intrat in nudha; apitzigare una trampa, apicigaidha a unu = arrennèsciri a cuncordai un'ingannu, ingannai, fàghereli brulla mala; apicigai unu mali, una maladia = colare sa maladia de unu a s'àteru Frasi pàspia podha in sa banchita ca sinono sa pasta cariendhe ti si apítzigat, totu! ◊ is tancus de su pani in su canistedhu si ponint unu pagu atesu po no si apitzigai 2. de su chi papant no ndi dhis apitzigat nudha 3. apitzigada ti l'apo sa trampa: deo puru, si cheres, so tramposu! 4. sos boes funt paschindhe in su cunzau apitzigandhe Etimo itl. Traduzioni Francese coller Inglese to stick Spagnolo pegar Italiano appiccicare Tedesco ankleben.