A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbruscàre , vrb: abbruschiai, abbruschinai, abbuscai, bruscae Definizione còere in sa braxa, in sa fràmula, coment’e lassandho abbruxare unu pagu, si est cosa de papare, o abbruxandhodha deunudotu si est cosa de fuliare Sinonimi e contrari abbrugiai, abbruschillai, aframuscai, ulciare / aflachilai, aframatzare, allampiai 1, summuscrare Frasi tui, terra salia chi pesas pudhecus sena de frenu, ti abbrúschiant sa pedhi e no fuedhas? ◊ su procu si depit abbruschiai po ndi dhi arrasigai is tzudhas ◊ is ponidoris de fogu ant abbuscau sa Sardigna una meca de annus (G.Desogus)◊ ti ses totu abbruschinau cun cussa braxa! Etimo itl. Traduzioni Francese faire griller Inglese to toast Spagnolo tostar Italiano abbrustolire Tedesco rösten.

abbruscàre 1 , vrb Definizione pigare o aciapare cropos Sinonimi e contrari bruscare* Frasi tanno comintzaiant sas brias e carcunu nche las abbruscaiat e metas vias n'apo bistu volànnenche a branca in susu e carcunu totu male bullonatu.

abbruschetàre , vrb: bruschetare Definizione fàere bufare bruschete, imbriagare a bruschete.

abbruschiadínu , nm: abbuscadinu, bruschiadina Definizione erba, frore de Santa Maria o de Santu Zuvanne, genia de erba linnosa, fragosa meda, fine, bona po allúere fogu, auscare procos, ma fintzes a meighina po prus de unu male Sinonimi e contrari alchemissa, alluevogu, calecasu, mortidhus, muntedhos, murgueus, saizone 1, simu, usciadina / cdh. buredha Terminologia scientifica rbl, rbc, Helichrysum italicum Etimo srd. Traduzioni Francese hélichryse, immortelle d'Italie Inglese helichrysum Spagnolo perpetua amarilla Italiano elicriso Tedesco Strohblume.

abbruschiadúra , nf: abbuschiadura Definizione su abbruschiai; su èssere abbruschiau Sinonimi e contrari abbruschiamentu, sumuscradura, usciadura Etimo srd. Traduzioni Francese grillage Inglese toasing Spagnolo abbrustoliménto Italiano abbrustoliménto Tedesco Rösten.

abbruschiài abbruscàre

abbruschiaméntu , nm Definizione su abbruschiai Sinonimi e contrari abbruschiadura, usciadura Etimo srd.

abbruschillài , vrb Definizione auscare a fogu, abbruxare unu pagu Sinonimi e contrari abbruscare.

abbruschinài abbruscàre

abbrúschiu , nm Definizione su abbruschiai; fintzes s'erba linnosa bona po auscare Sinonimi e contrari abbruschiadura, abbruschiamentu, usciadura / abbruschiadinu Etimo srd.

abbrusciàda , nf Definizione su abbrusciare; matzitedhu de cosa chi si podet pigare a una manu 2. chimbe abbrusciadas de lavore fachent una manada e chimbe manadas unu mannúciu Etimo srd.

abbrusciài , vrb Definizione fàere bruscerias, fatúgios, maginas Sinonimi e contrari afatugiare, afaturai, ammaghiare, ammainai, apungare Etimo srd.

abbrusciàre , vrb: abbrussare, abbrutzai, abbrutzare, abbultzare, abbursai, abburtzai, abburtzare Definizione tocare su brúciu po connòschere su motu de s'artéria, su tochedhu de su coru; mòvere is bratzos, istrínghere cun is bratzos, cun is brúcios, a logos giare e istrínghere sa manu saludandho Sinonimi e contrari apulsai, brucitai / anatare Frasi bengat, su dotori, a mi abburtzai! ◊ bi at dutore chi ti faghet sa retzeta e mancu ti abbrutzat ◊ mi abbultzo: su coro est martedhendhe ◊ pustis chi si l'at bene abbadiada l'abbrúsciat e fit débbile de motu 2. Tzipirianu si nc'est ghetau a s'àcua: dhu bideis abbrutzendi? ◊ ndhe apo abbrussadu de àrbures, sempre a su piga e fala a segare sida a su bestiàmine!… 3. aus annovau e abbursau is amigus partendu Etimo srd. Traduzioni Francese tâter le pouls au poignet, prendre le pouls Inglese to feel s.o.’s pulse Spagnolo tomar el pulso Italiano tastare il pólso Tedesco den Puls fühlen.

abbrussàda , nf: abbultzada, abbultzata Sinonimi e contrari pulsada 2. sa frebba chin dillírios acutos como ti dat penosas abbultzadas Etimo srd.

abbrussadúra , nf Definizione su abbrussare Sinonimi e contrari abbrussonzu Etimo srd.

abbrussàre abbrusciàre

abbrussónzu , nm Sinonimi e contrari abbrussadura Etimo srd.

abbrutadórgiu , nm Definizione logu a ue si nche fúliat s'àliga Sinonimi e contrari muntonàgliu Frasi tuchent deretu a muntonarju, abbrutadórgiu a sa bauneesa, si ant galu de trabicare Terminologia scientifica bdh Etimo srd. Traduzioni Francese fosse aux ordures Inglese rubbish dump Spagnolo vertedero Italiano mondezzàio Tedesco Müllabladeplatz.

abbrutài, abbrutàre , vrb Definizione fàere brutu, ingòllere brutore Sinonimi e contrari abbotinare, afeai, ammusinzare, imbratare, imbudrigai, immusungiai, incrastiare, insuciai, musucare, sordigai | ctr. innetare, limpiai Frasi su logu fuat totu abbrutau de sànguni ◊ us pipius si funtis abbrutaus 2. is cosas chi abbrutant s'ómini funt is cosas malas chi fait Etimo srd. Traduzioni Francese salir Inglese to dirty Spagnolo ensuciar Italiano sporcare Tedesco beschmutzen.

abbrutzàda , nf Definizione su abbrutzai; fintzes matzu de cosa Sinonimi e contrari matulada 1 2. at portau un'abbrutzada de isparau Etimo srd.