A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bídhiu bídhicu

bidhixèdha bidhichèdha

bidhóri , nm Definizione bestimentu de fémina, fatu de bidhu (de linu), a pònnere asuta, de chintzu in bàsciu) Sinonimi e contrari cànsciu, cansitu, suntanu, tetela, trintzedhu Terminologia scientifica bst.

bídhu , nm Definizione sa parte prus bona de sa lana, de su linu Sinonimi e contrari istàmene Frasi sighiat su pistighinzu de s'incràs carissianne su bidhu de una fàuna a ranedhu ◊ de bidhu si faghiant bértulas bonas e bestimentas Etimo ltn. villus Traduzioni Francese étamine Inglese stamen Spagnolo estambre Italiano stame Tedesco Faden.

bídhu! , iscl: billu!, villu! Definizione bih + dhu Sinonimi e contrari allodhu!, midhu! Frasi bidhu s'ómine chi azes arrestadu: culpa no tenet, bos lu so narenne!

bidhúnculu , nm Definizione nau a disprétziu de unu, chi est de is bidhas, chi faet contu solu de bidha sua Sinonimi e contrari bidhaju, bidhínculu Frasi ses alleputziu che bidhúnculu afrodhieri! Etimo srd. Traduzioni Francese paysan, villageois Inglese rude Spagnolo aldeano Italiano villano Tedesco Bauer, Flegel, Grobian.

bidhúri , nm: budhuri, udhuredhu, vudhuri Definizione genia de erba chi faet in is errios, assimbígiat unu pagu a s'àpiu, ma toscosa e po cussu dhi narant puru erba de cogas, imbriaga molentis o feurra pudéscia, lau adhini Sinonimi e contrari búdharu, budhúrigu, dhúdhulu, gudhútulu, medhure, mudhuru, pisciaforru, pudimanu, údhuru Terminologia scientifica rba, Conium maculatum Etimo srdn. Traduzioni Francese ciguë Inglese hemlock Spagnolo cicuta Italiano cicuta Tedesco gefleckter Schierling.

bídi bíde

bidichèdha , nf: vidighedha Definizione min. de bida: vidighedha, nau sèmpere in su sensu de una vida tropu mala, difícile, metzana.

bidichínzu , nm: bidighignu, bidighíngiu, bidighinzu, bidrighinzu, idighinzu, vidichíngiu Definizione duas calidades de una genia de linna chi faet a cannàile longu longu e fine e si che àrtziat a pitzu de is matas; genia de filighedhu chi unas cantu linnas (es. bide) bogant e imbodhigant a calecuna cosa po si mantènnere; bide Sinonimi e contrari atzara, auciada, bentzígliu, elighinzu, ertessu, firighinzu, inteltzu, medichinzu, ortéssiu, pilighinzu, tichíngiu / auciada / agrustu, barrali, bégula, berguladu, imbragu, lú, parra, pórtiu, trica, tricarju / bentzígliu 1 Frasi rú e bidighinzu assacarrant taularis e muros (V.Falchi)◊ si ch'est intanadu in duas molas de modhitza, bene acrobadu e cun cabitzana de titione e bidighinzu 2. cudhu sàmbene passeit a sas raighinas, a su bidighinzu, a sos budrones, a su mustu Terminologia scientifica rbl, Clematis cirrhosa, c. vitalba Etimo lat. *viticineu Traduzioni Francese clématite Inglese clematis Spagnolo clemátide Italiano clemàtide Tedesco Klematis, Waldrebe.

bididuidídu , avb Sinonimi e contrari addidudentu, apostadamenti Frasi mi abbirgonzat a bididuididu Etimo srd.

bidighígnu, bidighíngiu, bidighínzu bidichínzu

bidighínzulu , nm Definizione bruncone de bide sicau.

bidíle, bidíli, bidílli bedíle

bidímba, bidímbua , nf: bidúmbua, bidúmbula, birumba, birimba, birímbua, birúmbula, pirímbua, vidúmbula Definizione una calidade de lissa / b. carroci groga = lissa mannita de unos duos chilos (mugil cephalus) Sinonimi e contrari bocalassolu, túmbula Terminologia scientifica psc, mugil saliens Traduzioni Francese muge, mulet Inglese a kind of mullet Spagnolo galúa, lisa aguda Italiano mùggine musino Tedesco Springmeeräsche.

bidíri bedíle

bídiu , pps: bidu, bítiu, bitu, biu Definizione de bídere Sinonimi e contrari bistu Modi di dire csn: a bidu tentu = bene a s'atenta, azummai faghindhe bidu e tentu; fàchere una cosa a biu a biu = bene meda, a minudu, a s'atenta Frasi bida l'as, s'ampulla, inue che l'ant posta? ◊ bidos los azis a inue che sunt dados? ◊ dèu de malàdius ndi apu bitu prus de issu ◊ si ia tentu s'edadi tua, a gravellu ti ndi dh'ia pigau, cussu giòvunu: comenti e bitu! ◊ apu biu ca no nci fias e fia po mi nci andai 2. fimus fatu sa trata una vintina: onzunu est impinnadu a bidu tentu (M.Dore) 3. ti chèglio dimandhare s'intesu l'as colare cudhu tziu chi atraissat sa tanca a biu a biu (G.Farris) Traduzioni Francese vu Inglese seen Spagnolo visto Italiano visto, veduto Tedesco gesehen.

bidólzu , agt Definizione de bufare, bonu o chi faet a dhu bufare Frasi su cadinu est pienu de abba bidolza (P.Fogarizzu) Traduzioni Francese potable Inglese drinkable Spagnolo bebible, potable Italiano bevìbile, potàbile Tedesco trinkbar.

bidòne, bidòni , nm Definizione genia de istrégiu mannu, de làuna, de allumíniu, de plàstica, prus che àteru tundhu, e serrau cun tapu / bidones de late, de ozu, de abba = bidones a pònnere late, ozu, abba (o fintzas su late, s'ozu, s'abba de unu bidone, su tantu chi cabet in d-unu bidone) Sinonimi e contrari tolla Frasi sos bidones de su late cherent samunados ◊ s'àcua po bufai dha portaus a bidonis 2. apo comporadu unu bidone de ozu ◊ apu portau dus bidonis de àcua Cognomi e Proverbi smb: Bidoni Terminologia scientifica stz Traduzioni Francese bidon Inglese drum Spagnolo bidón Italiano bidóne Tedesco Kanne, Kanister, Tonne, Behälter.

bidòre, bidòri bibidòre