A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

boetèra , nf Definizione istúgiu mannu inue si ponet sa boeta.

boetòne , nm: buatone, buatoni Definizione genia de persona fata de istràcios po dh'apicare in bíngia a giagarare pigiones; fintzes persona mascarandho, bestia a màscara / passare s'innotzente a b. = ghetai sa nexi a chini no ndi tenit Sinonimi e contrari bustaglioni, ispantamata, malmuntone, màscara, mustagione Frasi malestidos e istratzulados pariamus sos buatones chi ponent in binza ◊ est faladu a terra a costa longa che unu buatone! 2. custos boetones, cun cudha caratza longa de linna in cara, aiant una crispa mala chi faghiat a timire sa pisedhina 3. a fora sos buatones: cun issos no si podet piús campare! ◊ sunt passendhe s'innotzente a buatone! Etimo cdh. buattoni Traduzioni Francese épouvantail Inglese puppet Spagnolo títere Italiano fantòccio Tedesco Vogelscheuche.

boètu boèta

bòfa , nf Sinonimi e contrari befa, mofa* Frasi unu pinzos as a fama chi bi rient sos cosinzos… tenes a fama unu pinzos: béstilu a mudas e bofa (P.Pisurzi).

bofetàda , nf: bufetada Definizione cropu giau a cara cun sa manu; fintzes una genia de nada in cobertantza Sinonimi e contrari bussinada, cabbessu, iscantargiara, iscantulada, iscaputzone, istuturada, sporsugada Frasi a issu donzi pitzinnu minore li betiat sa bufetada! Etimo spn. bofetada.

bofetài, bofetàre , vrb: abbofetai*, bofitare Definizione pigare a bofetadas, iscúdere a ciafos; fintzes foedhare in cobertantza Sinonimi e contrari ciafitare, iscarigai, scantergiai Frasi indovina e nara chie ti at bofitadu!

bófiru , pps: bófiu, bólfiu, bórfiu, bólliu, vólfiu Definizione de bòlliri Sinonimi e contrari chélfidu, chertu 1, gófiu, lófiu 1, vórtziu Frasi dhi apu nau a dhu pigai ma no dh'at bófiu ◊ cussa no nd'at bólliu mancu duus tocus e si ndi est pesada coment'e una píbera Traduzioni Francese voulu Inglese wanted Spagnolo querido Italiano voluto Tedesco gewollt, gewünscht, gemocht.

bofitàre bofetài

bófiu bófiru

bòfo , nm Definizione cropu, bofetada, fintzes pistincu Sinonimi e contrari bussinada, ibbatulada, iscantulada, iscantargiara, iscavanada / pistonca Frasi su babbu li at dadu duos bofos ca est torradu tropu tardu.

bofolítu , nm: brufolitu, bufulitu Definizione civraxu piticu, genia de pane modhe, ispongiatzu, de símbula Sinonimi e contrari mofoitu.

bòga , nf Definizione genia de pigione mannu cantu s'untúrgiu e a logos própriu custu pigione; coca puru? (a./c. oga 1) Frasi a bolu in sas aeras sas bogas cantant puru isprammendhe sas aeras (C.Dettori) Terminologia scientifica pzn.

bòga 1 , nf: buga 1 Definizione genia de pische de mare Terminologia scientifica psc, boops boops Traduzioni Francese bogue Inglese bogue Spagnolo boga Italiano bòga Tedesco Blöker, Goldstrich.

bogabbòtas , nm Definizione genia de aina chi aguantat firmu su carcàngiu po si ndhe bogare s'istivale Sinonimi e contrari tirabbotas Etimo srd.

bogàda : bocàda

bogàda 1 , nf Definizione genia de arretza po piscare.

bogadèntes , nm Definizione chie bogat dentes Etimo srd.

bogadèra , nf: bugadera Definizione istrégiu po samunare, po fàere sa bogada 2. cudhu zòvanu istaiat che istratzu brutu a modhe in sa bogadera luada de sa vida Terminologia scientifica stz Etimo ctl. bugader.

bogadéri , nm Definizione su chinisu de sa lissia chi abbarrat a fundhurúgiu Sinonimi e contrari àtzula Etimo ctl. bugader Traduzioni Francese charrée Inglese ash rests inside an ash-pot Spagnolo cernada Italiano ceneràccio Tedesco Laugenasche.

bogadòre, bogadòri , nm Definizione chie tenet s'impreu de bogare calecuna cosa (es. chie bogat pedra, su ortigu a is suèrgios) Sinonimi e contrari iscortzinu Frasi sos bogadores za faghent lestros a ndhe bogare su ortigu de s'àrbure, ca sunt pràtigos Etimo srd. Traduzioni Francese carrier Inglese quarryman Spagnolo sacador Italiano cavatóre Tedesco Zieher.