A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

botadòri , nm Definizione chie costumat a nàrrere botadas Etimo srd.

botàdu , agt Definizione postu de botas, chi portat botas, catzolas Sinonimi e contrari botudu 1, incracadu | ctr. isciurtzu Etimo srd.

botadúra , nf Sinonimi e contrari botassione.

botadúra 1 , nf Definizione cosa chi si narat a befa, po erríere Sinonimi e contrari botada Etimo srd.

botài , vrb: botare Definizione pigare a befa, betare botas, foedhare a befa de ccn. Sinonimi e contrari diciare, isciafetai Etimo srd. Traduzioni Francese plaisanter, badiner, persifier Inglese to joke (about s.o., stg.) Spagnolo picar, vacilar Italiano motteggiare Tedesco spötteln.

botàju , nm: butàgiu, butaju Definizione maistu de cupas, chie faet carradas Sinonimi e contrari cubàrgiu, dolatore Frasi fiat maistu bonu de carrus e si arrangiada a fai su butaju ◊ sos butàgios aritzesos faghent carradas de linna castagnina Etimo itl. Traduzioni Francese tonnelier Inglese cooper Spagnolo tonelero Italiano bottàio Tedesco Böttcher.

botànica , nf Definizione s'isciéntzia chi istúdiat is erbas e totu su matedu Traduzioni Francese botanique Inglese botany Spagnolo botánica Italiano botànica Tedesco Botanik, Pflanzenkunde, Pflanzenlehre.

botànicu , agt, nm Definizione de sa botànica, chi pertocat sa botànica; chie istúdiat sa botànica / ortu b. = zenia de zardinu ue bi ponent àrbures de onzi creze, mescamente de sas chi no faghent desesi in su logu, prus che àteru pro istúdiu Frasi in Castedhu bi ant fatu s'ortu botànicu Traduzioni Francese botanique, botaniste Inglese botanic Spagnolo botánico Italiano botànico Tedesco botanisch, Botaniker.

botàre , vrb: botiare 1 Definizione leare, istratzare una cosa de botu, bogare fora, bènnere fora a cropu Sinonimi e contrari botulare, brincare, bulliare / arrúere, betare Frasi cun custos volos bi at arriscu de che botare in mare ◊ custos no sunt anneos, sunt colpos chi istremutint su leone e a mie mi ndhe sunt botendhe sos ojos! ◊ a s'isfrenada bótiat su coro in sinu a su poete chi in ilgiru andhat chirchendhe s'amadu tesoro ◊ sa funtana botaiat abbas bundhantes 2. ite fuighedha…: timo chi noche botet dae sedha!

botàre 1 botài

botàre 2 , vrb: votai* Definizione giare, betare su votu.

botarédhu , nm Definizione istugighedhu, boto piticu Sinonimi e contrari botichedhu, lamedhutza.

botassiòne , nf: botatzione, votassione* Definizione sa faina de giare e arregòllere votos Sinonimi e contrari botadura.

botatóriu , nm Definizione a logos, cava ue bogant pedra Sinonimi e contrari bocatorju, caba.

botatziòne botassiòne

botàtzu , nm Definizione genia de turdu, 'cabadhinu' de monte Terminologia scientifica pzn, turdus philomelos.

bòte , nm: botu, boto Definizione istúgiu no tanti mannu (de làuna, de imbidru, prus che àteru serrau e a fundhu tundhu) po pònnere cosa; in calecunu logu dhu narant in cobertantza a sa natura de sa fémina / min. botaredhu, botedhu, botichedhu Sinonimi e contrari boeta, lamedha, potu, tolla / testu Modi di dire csn: genti de bòtu = zente metzana; èssere a cara de boto = légiu?; segai su bòtu = (in cobertantza) irverzinare a una; sonare sos botes a ccn. = leàrelu a befe faghindhe burdellu sonendhe botes; sonare su bote a ccn. = donai una surra Frasi s'olia cufetada l'amus posta in botes de bidru ◊ est unu bòtu sena de cobercu ◊ passada su serghestanu cun d-unu bòtu chi ugiat un'istampu e incui sa genti nci betada su dinai ◊ a sa britzicreta si aiat ligatu botedhos meta chi fachiant unu degógliu niedhu ◊ su botighedhu de su tzúcuru dhu tenia prenu prenu 2. cussu est una persona de riguardu e tocat a fai aici, sinuncas porit pentzai chi seus genti de bòtu ◊ malu de vista, fit a cara de boto, però si renniat simpàticu chin totu e aiat amicos meta Cognomi e Proverbi smb: Botte, Botto Terminologia scientifica stz Etimo spn. bote Traduzioni Francese boîte Inglese tin Spagnolo bote, lata Italiano baràttolo di latta Tedesco Dose.

bòte 1 bòta 2

botecaría , nf: butecaria, buticheria, potacaria* Definizione logu, genia de butega, inue bendhent is meighinas Sinonimi e contrari butica Frasi bae a sa buticheria a comporare sa meighina! ◊ s'orjatu lu mannicavant sos canes, unu tempus: como lu vendhent in sas butecarias ◊ atamore si bos picat carchi refriu, ca est cosa de pònnere pedes in butecaria!…

botecàriu , nm: butecàriu, butecarju, buticàriu, buticarju, potecàriu Definizione su chi faet o bendhet meighinas; unu chi ingannat s'àteru Sinonimi e contrari potegariaxu / arrebuseri, imbodhiosu, imbusteri, inganneri, ingregheri, mariolu, tramposu 2. m'abbàida ite butecàriu, cussu! Etimo spn. boticario.