A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

boschíle, boschíli , nm Definizione pígiu de matedu, logu prenu de tupas o fintzes de matighedhas piticas Sinonimi e contrari buscale, buschedu, cràchiri Frasi in custu boschili dhoi agatu linna bella ◊ duos ant chimbe canes isfunadu, prontos a los betare in su boschile.

boschitzínu , nm Sinonimi e contrari buschedu Frasi passàndhoro in d-unu boschitzinu, a Giuanni dhi at essiu unu conillu (A.Flore).

bóscu , nm: buscu Definizione logu prenu de matas Sinonimi e contrari padente | ctr. campu Frasi sos buscos tuos si los ant distrutos cun picones cun serras e istrales, ant ingrassadu sos continentales e tue ses restada sentza frutos (A.Casula)◊ sos buscos si sunt cambiados in logos de rocas ◊ sunt buscos chi no bi rupit sa colora! ◊ prima bi aimis unu buscu mannu: como est totu campu! (Z.Melis) Cognomi e Proverbi smb: Boscu. Etimo itl. bosco.

bosétri bisàtere

bòsi bos

bosíe , avb Definizione de custa manera, gosi Sinonimi e contrari aggoi, aici, goe* | ctr. aggae Frasi nisciunu nadu ndhe restet bosie, ca menzus in sa tumba e a piore!

bosíncu , agt, nm: busíncu Definizione chi o chie est de Bosa / uliba businca Sinonimi e contrari bosanu Frasi Mariarosa tenit un'isciallu bosincu 2. sos bosincos ischint sa manera de aferrare sa manu a sa giua! Cognomi e Proverbi smb: Bosinco, Bosincu, Businco, Busincu Etimo srd.

bòso bóis

bosódhu , nm Sinonimi e contrari buciuca.

bossíca , nf: buscica, busica, bussica, bússica Definizione arremu, una genia de fodhe, bubburuca o sachitu ue, in sa carena, si arregollet e arrimat unu pagu calecuna sustàntzia chi sèberat calecun'àteru arremu (es. su fele, s'orina, su sèmene chi produint is butones de su mascu o de s'ómine); genia de ufradura ue si arregollet abbadúgia / su nodu de sa b. = su cundhutu ue ndh'essit sa cosa Sinonimi e contrari buciuca, pisica / bobbollonca, bubbulica, bulluca, bumbulla Frasi giughet sos pes biaitos, unfrados che bossicas (Z.A.Cappai)◊ l'ant operadu a sa busica ca nachi bi zughiat predas ◊ sa busica de su porcu la sulant e poi la prenant de ozu porchinu 2. sos de s'Altu ant detzisu chi pro rezer sa nassione totu devimus sulare buscichedhas de sabone… (Z.Zazzu) Terminologia scientifica crn Traduzioni Francese vessie Inglese vesica Spagnolo vejiga Italiano vescica Tedesco Blase, Vesica.

bostàda boltàda

bostè , prn: vostè* Definizione foedhu de arrespetu po personas chi no si connoschent o chi no si tenent in cunfidàntzia Sinonimi e contrari bois, fostea, samartzei Frasi si bostè si ndhe dinnat…◊ ma a l’ischit chi bostè est própriu curiosu?! Traduzioni Francese vous Inglese polite word (formula) Spagnolo usted Italiano lèi Tedesco Sie.

bóstru, bóstu , agt, prn: brostu, fostru, vostru Definizione (f. -a) agetivu e pronúmene mascu de 2ˆ persona plurale, chi apartenet a bosàteros, chi est de bosàteros Frasi custos fiados bostros sunt? ◊ fizas bostras che sunt mannas ◊ sezis galu a cumprèndhere chi sas ideas meas sunt diversas de sas brostas ◊ precae a fizu brostu pro nois pecadores! ◊ seo sestandho unu cosíngiu e cun is coígios che bogo is loros bostos ◊ su cane leat fragu de ógiu ambu, si pentzat ca est cosa de papare e móssiat is catzolas bostas! 2. leadebbochelu: custu est totu su bostru! Etimo ltn. *vostru(m) Traduzioni Francese votre, vôtre Inglese your (s) Spagnolo vuestro Italiano vòstro Tedesco euer, Ihr.

bóstu! , iscl Definizione foedhu po nàrrere chi bastat, de dh'acabbare, de lassare de fàere, de no sighire Frasi como bostu, eh, bellé! Etimo srd. Traduzioni Francese ça suffit, assez Inglese stop (it) Spagnolo ¡basta!, ya está Italiano basta! Tedesco genug!.

bòsu bóis

bòta , nf Definizione cropu; cosa chi si narat po erríere, a befa / dare botas = nàrrere cosa faedhendhe a befe Sinonimi e contrari colpu / botada, mofa Cognomi e Proverbi smb: Botta Etimo itl. Traduzioni Francese coup, boutade, moquerie Inglese banter Spagnolo golpe, broma Italiano bòtta, mottéggio Tedesco Schlag, Spott.

bòta 1 bòlta

bòta 2 , nf, nm: bote 1 Definizione genia de catzola, mescamente grussa, de orropu / min. botita Sinonimi e contrari botinu, buzu, iscalpa, iscarpone Modi di dire csn: sas botes = istivales; botas a trumba = zenia de istivales a mesu camba; botes russos = iscarpas russas, iscarpones; pònnereche sos pes in sas botas de un'àteru = detzídere e fàghere in parte sua chentza chi mancu ndh'iscat nudha Frasi mi at pitigadu sa bota ◊ che apo finidu chimbe paja de botes chirchendhe a issa ◊ sas botas pintirinadas chi ti mudant passizendhe las intendho tzirriendhe: abbisu no sunt pagadas?! ◊ si cheres botes bonos beni a innoghe! ◊ si sighit pruendi aici at a tocai de comporai botas povintzas a is brebeis! Cognomi e Proverbi smb: Botta, Botte Terminologia scientifica bst Etimo ctl. bota Traduzioni Francese brodequin Inglese boot Spagnolo bota Italiano scarpóne Tedesco Bergschuh, Stiefel.

botabbòta , nm Definizione su greme chi ponet a su casu fatu Sinonimi e contrari giambaghe, saltaredhu, sartasarta / cdh. saltaribídhulu Terminologia scientifica crp, piophila casei.

botàda , nf: butada Definizione cosa chi si narat po erríere, pigandhosi in giru; cosa a briga nada in cobertantza / a botada = de botu, a corpu Sinonimi e contrari bota, cistu, imbotada, mofa / cuciarada, scafitada Frasi óminis e féminas si ghetànt butadas befianas cantendusí partebari mutetus (S.A.Spano)◊ fiat sempri prontu a ghetai butadas a is bagadias ◊ su cabesusesu si poniat a ghetai botadas contras a is campidanesus ◊ de is botadas issu no ndi fait contu, si ndi arrít Etimo srd. Traduzioni Francese boutade, mot d'esprit Inglese witticism Spagnolo broma Italiano battuta Tedesco Scherz.