A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bóti! , iscl Definizione genia de foedhu chi si narat a su pipiu, giogandhodhu Frasi lah ca fais a timi a su pipiu cun su boti boti tuu! Etimo srd.

botiàre , vrb: butiare Definizione calare a istídhigu a istídhigu, lassare andhare s'istídhigu / butiadu a sàmbene, a ozu, a binu = chi est totu istidhiau, brutu de sànguini, ollu, binu Sinonimi e contrari guciare*, ilgutare, istedhiare, lutiare, strichidhai, sucutare Frasi s'aera est annuada e comintzat a butiare ◊ cussa cosa ifusta est butiendhe ◊ ah, miradilu su boe corrudu che bocitedha botiendhe! (Limbaresu)◊ in sa cabertura bi at téula móida e candho proet butiat abba.

botiàre 1 botàre

botichédhu , nm Definizione min. de bote Sinonimi e contrari botaredhu, botuledhu, lamedhutza Traduzioni Francese petite boîte Inglese small tin Spagnolo botito Italiano barattolino Tedesco kleine Dose.

bótida , nf Definizione bota o addobbu Sinonimi e contrari banzu 1, colpu, dobbe Etimo srd.

botighínu , nm: butechinu, buteghinu Definizione genia de butega inue bendhent cosas de bufare, o de fumare Sinonimi e contrari cilleri / istancu / cdh. butighinu Frasi in su buteghinu chi aiat comporadu, Efis campaiat sa vida bendhendhe binos e licores ◊ su dinari si che l'at ispesu in su butighinu ◊ oe su mere de su buteghinu est diventadu perfetu alchimista: cun abba bruta e drogas faghet binu (Testoni) Traduzioni Francese gargote, bistrot Inglese tavern Spagnolo taberna Italiano béttola Tedesco Kneipe.

botigiài , vrb Definizione istare a su move move comente faent is cuadhos candho funt timendho in logu chi dhue at gente meda.

botigliòne, botigliòni, botillòne , nm: buteglioni, butiglioni, butillione, butillone, butilloni Definizione genia de ampudha manna Sinonimi e contrari ampullone, carrafone 1, pistone Modi di dire csn: su para butilloni = un'imbriagone; genti butillona = fata e lassada, chi est coment'e nemus, chi àtere ndhe faghet su chi cheret Terminologia scientifica stz Etimo itl. bottiglione.

botinàrju , nm Definizione maistu chi faet botinos Sinonimi e contrari caltzeraju, catolàgiu, mastruiscarpas, sabbateri Terminologia scientifica prf Etimo srd. Traduzioni Francese bottier Inglese boot-maker Spagnolo botinero, zapatero Italiano stivalàio Tedesco Stiefelmacher.

botínu , nm: butinu Definizione genia de iscarpa, bota fine, prus che àteru arta, bona / botinus de vacheta o de sciurè = iscarpa fine, de vacheta o (pedhe de) crabitu Sinonimi e contrari bota 2 Frasi e dèu depu abarrai atravau cun custus botinus chi funt papanduminci is carronis?! ◊ botinus istrintus, istrada longa ◊ Damiana si depiat comporai is botinus ◊ pórrimi sos botinos ca andho a bidha! Terminologia scientifica bst Traduzioni Francese botte Inglese ankle-boot Spagnolo zapatos, botas elegantes Italiano stivalétto, scarpina Tedesco Stiefelette.

botínu 1 , nm: butinu 1 Definizione s'ógiu chi portant totu is lates Sinonimi e contrari botirru* Frasi pro fríere oos no bi at menzus de su botinu ◊ su butatzolu sanat cun unturas de botinu ◊ de su late faghent casizolu, regotu e butinu.

botírru , nm: butirru, butiru, bútiru Definizione s'ógiu de is lates, ma mescamente de su bàchinu, seberau abbandha a panighedhos e impreau po cundhire Sinonimi e contrari botinu 1, manteca Frasi che betas su late e ndh'essit su butiru Etimo itl. butirro Traduzioni Francese beurre Inglese butter Spagnolo mantequilla Italiano burro Tedesco Butter.

botíta, botítu , nf, nm Definizione min. de bota 2 Frasi bi at unu paju de botitas rujas subra de unu muntone de botitas de pisedhos ◊ comporeit botitos a tacones altos Traduzioni Francese petit soulier Inglese small shoe Spagnolo zapato pequeño Italiano scarpétta Tedesco Schühchen.

botíu , nm, nf: butia, butiu, bútiu, gutia* Definizione unu tanti pagu pagu de cosa, prus che àteru iscagiada: abba, ógiu, mele, binu e àteru deasi (si narat fintzes po pagu pagu) Sinonimi e contrari guta 1, istidha, istídhigu, làmbria, lutia, paspia / paghitzedhedhu Modi di dire csn: butiu mortu, butiu intro de muru = male cuadu, male chi no si bidet ma chi faghet dannu meda própiu pro cussu, mancari parzat cosa paga; butiu mortu = pudha crionzana, su chi si ndhe tenet de unu bene chi ant lassadu sos mannos, arrenduda; meighina a butios = de pigai a istídhius contaus; betare a butiu a butiu = a pagu a pagu; bogàreche sos butios = acontzare su tretu de una cabertura ue bi butiat abba projana a intro; su mastru de sos butios = mastru chi mendhat sas caberturas pro che bogare sos butios Frasi s'abba est falendhe a butiu in s'isseta ◊ at betadu pagos butios de binu a s'abba ◊ at annuadu meda ma at fatu duos bútios ebbia ◊ tocat de che bogare sos butios de cabertura, sinono nos proet intro de domo 2. ancu no si potat comporare unu butiu de abba! ◊ de cussa cosa tue no ndhe depes bufare mancu butiu, ca ti faghet male! ◊ pònemi duos butios de gafè a mi che leare custu sabore malu de buca! 3. si assemizant che duos butios de abba 4. dépidos no ndhe ponzo mai, ca sunt che gutiu in intro de muru! 5. fit sa matessi bellesa: li mancabat petzi su gutiu Cognomi e Proverbi prb: butiu mortu intro de muru che betat sa domo Traduzioni Francese goutte Inglese drop Spagnolo gota Italiano góccia, góccio Tedesco Tropfen, Schluck.

bótiu , nm Definizione movimentu a sàrtidu, a brínchidu Sinonimi e contrari brinche, brínchidu, brínchili, brincu, giagu 2, sàltidu, sédhida / arratroxa Frasi atacat a cudhos ballos tundhos cun bótios e brincos de poledhos tocados de puntolzu Etimo srd. Traduzioni Francese saut, bond Inglese jump Spagnolo salto Italiano salto, làncio Tedesco Sprung.

bòto bòte

botói , agt, nm Definizione chi o chie giughet botu a tropu, ifadosu meda Sinonimi e contrari botuíschidu, pruaxu.

bòtolo , nm: bòtulu Definizione istúgiu no tanti mannu (de làuna, de imbidru, prus che àteru serrau) po pònnere cosa Sinonimi e contrari boeta, bote*, lamedha, tolla Frasi su carru portàt cadenas e bòtulus chi fiant unu carraxu mannu ◊ fait is partis a unu bagamundu, a genti de bòtulu! ◊ cun is bòtolos de cunserva is piciochedhos faiant giogos.

botolúdu , agt Definizione nau de ccn., chi portat trempas grassas, imprupias Sinonimi e contrari trempadhúciu, trempedhudu.

botonúdu , agt: butonudu Definizione nau de animale, chi portat is butones, chi no est crastau, ancora cogiudu; nau de ómine, chi si faet arrespetare, chi s'imponet Sinonimi e contrari botudu, cogiudu Etimo srd.