A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cóssu 3 , nm Definizione una de is duas partes de s'agu, sa chi portat s'istampighedhu inue s'intrat su filu: s'ogu de s'agu Etimo ctl. cos Traduzioni Francese chas Inglese needle's eye Spagnolo ojo Italiano cruna Tedesco Nadelöhr.

cossumàre consumài

cossumídu consumídu

cossumidúra , nf: cussumidura Definizione su si che consumare, andhare a su fini fini / mòrrere a c. = a pagu a pagu po maladia longa, becesa Sinonimi e contrari arrannosigamentu, finidura 1, finigoni, ispitinzu Frasi cussu muntone de fenu, si li pones terra subra, mancari li lompat fogu si che tenet a cossumidura ma no pesat frama arta Etimo srd. Traduzioni Francese consomption Inglese consumption Spagnolo consunción Italiano consunzióne Tedesco Abnutzung, Konsumtion.

cossumíre conciumíre

cossúmu consúmu

còsta còlta Frasi

costàdu , pps, agt, nm Definizione de costare (po s'ispesa, su trebballu, sa pelea) e de -are 1 (acontèssere) Sinonimi e contrari acontéssiu Frasi za nos est costadu a ndhe carrare totu cussa preda!…◊ nos est costadu su suore de s'ogru a fàghere cussa faina ◊ mi est costau a che dhu cumbínchere! 2. si mi est costadu una borta a fàghere cussu irballu no mi at a costare sa de duas! ◊ it'est chi vostè li at natu pro bi èssere costatu tantu disaocu? ◊ it'errore costau, già che so urrutu in mesu! ◊ pro chi bene adates sos mutos a su costadu, asculta chi su contadu ti fato in manera ispícia (Limbudu) Traduzioni Francese côuté, arrivé Inglese cost, happened Spagnolo costado, ocurrido Italiano costato, succèsso Tedesco gekostet, Erfolg.

costàgia , nf Definizione costalla, sa parte grussa de sa fògia, sa fògia etotu in su truncu de erbas mannas (gureu, càule, beda) Frasi a mimi mi coiat costàgia de càuli.

costàgiu coltàzu

costagòsta , avb Definizione manera de andhare in paris in logu chi faet a costera; manera de foedhare chentza arrespòndhere a tonu giustu po no bòllere arrespòndhere a sa pregonta Sinonimi e contrari palabala Frasi che so essidu costagosta chirchendhe sa robba ◊ sas istradas in logu de monte las faghent colare costagosta finas a che assuprire a subra 2. arguai a los tocare, ca che essint palabala costagosta! ◊ candho li apo chircadu su dépidu che est essidu costagosta Etimo srd. Traduzioni Francese évasivement Inglese evasively Spagnolo de forma evasiva Italiano in mòdo evasivo, evasivaménte Tedesco ausweichend.

costài , vrb: costare, costari Definizione àere unu prétziu, bòllere o arrechèdere unu tanti de ispesa, de trebballu, de pelea, de tempus o àteru po àere o fàere una cosa Sinonimi e contrari bàlere Modi di dire csn: costare su suore de s'ogru = èssiri tropu trabballosu, itl. sudar sètte camìcie; costai una perra de ogu = meda, tropu Frasi cantu costant custas iscarpas? ◊ dhu scis cantu costat, oi, a fai domu? ◊ cussa cosa ti costat parícios milliones 2. costat su suore de s'ogru a ti fàghere a cumprèndhere! ◊ dónnia borta mi costat una perra de ogu su bàsidu cosa tua! ◊ za mi costat a fàghere totu cussa cosa a sa sola!…◊ za nos est costadu ispatendhe rú e tetinosu pro fàghere s'olivàriu! ◊ mi at a costai su chi mi at a costari, ma bollu fari a fillu bonu! Cognomi e Proverbi prb: domo fata e binza posta mai si pagat cantu costat Etimo ltn. constare Traduzioni Francese côuter Inglese to cost Spagnolo costar Italiano costare Tedesco kosten.

costài 1 , vrb: costare 1 Definizione chi podet èssere, chi podet capitare de fàere, de nàrrere, e àteru, siat bolendho e siat chentza bòllere, fintzes in su sensu de tènnere dannu Sinonimi e contrari acontèssere, capitai, cumbinare, tantare Modi di dire csn: costare cosa = calai guta, àere dannu; costau dh'est partu! = si at bidu sa morte in ogros, si est àpidu in arriscos mannos Frasi ojamomia it'arrori chi m'est costau, connau miu arrestau! ◊ no apo ischidu su chi mi est costau ca fio galu in sonnos (P.Piga)◊ chi fachiant cussu mi costat a mimme, ca lu fachiat una tzia mea ◊ apo intesu cosas chi a las narrer no parent costadas (P.Mereu)◊ nara su fatu comente est costau! ◊ iscuru a chie costat, sa mala fortuna! ◊ perunu male ti aiat costatu si aias fatu comente ti apo natu! ◊ no ti costet chei sa candhela, issa matessi a si fagher iscuru! ◊ at contau su chi dhi fut costau e chini dh'iat fatu ◊ e de cudhu tziu ita nd'est costau? 2. ite ti ndh'est costadu de cudha cumpannia? ◊ candho est andhau a liu narrer, a su pride, ca su nonnu fit unu comunista, azommai no ndhe li aiat costau cosa! Etimo ltn. constare Traduzioni Francese arriver, se passer Inglese to happen Spagnolo acontecer, ocurrir Italiano succèdere, avvenire Tedesco geschehen.

costàle , nm Definizione logu mannu in costa, in calada Sinonimi e contrari colta, costera, costile, cugutada, pala | ctr. paris Frasi est andhau a chircare linna in su costale ◊ in custos costales niedhos no bi atichit puas de vida! Terminologia scientifica slg Etimo srd. Traduzioni Francese pente Inglese slope Spagnolo pendiente (f), cuesta (f) Italiano pendìo Tedesco Abhang.

costàlla, costàllu , nf, nm Definizione traessa longa, posta de fundhu a susu (e no in paris de unu cosciale a s'àteru) in is gecas, in is costanas de su carru; sa parte grussa de is fògias, is fògias etotu in su truncu de erbas mannas (gureu, càule, beda)/ trabballu fatu a costallas = cosa, mescamente linna, triballada a manera de pàrrere a costas Sinonimi e contrari listroni / colta, crosta / costana Frasi ant obertu s'eca de costallas, po intrai a domu ◊ est una geca a costallus 2. bella costalla chi portat custa beda! ◊ dh'est arréscia sa costalla e at bófiu piriciou a bufai ◊ sa costalla de su gureu, ispilloncada, est bella cota e crua Terminologia scientifica rbr Etimo srd. Traduzioni Francese nervure de certains feuilles Inglese rib Spagnolo listón, costilla Italiano listóne, còstola di alcune fòglie (càvolo, cardo) Tedesco mittlere Blattrippe.

costamazàre , vrb Definizione iscúdere, atripare a fuste deasi a forte de lassare s'ispertiada.

costàna , nf Definizione donniuna de is tzivinedhas frucaxadas chi si ponent in su carru in forma de arrestellu po usu de seidare trigu messau; is costaos de sa pica, de su lacu, de un'istrégiu; su muru a inghíriu de unu putzu; freadura in costas de un'animale / sas costanas de su carru sunt fatas cun bàtoro cannelas e bàtoro ultedhos (listellos): sas primas ficadas in su fundhu de su carru, sos àteros intrados in sas cannelas parallelos a su fundhu e muntesos frimmos cun sos tisidhos; c. de porta = antarile Sinonimi e contrari costazera, zerda 1 / malandra Frasi teniat trabballu meda: arrodas de fai e de arrangiai, butus e carrus cun is costanas segadas 2. sas costanas de sa córbula, de sa padedha, de su furru, de su poju, de su carru ◊ candu su forru est intrebigau si connoscit a su colori de is costanas ◊ sa mama dh'at ciciu in sa cadiredha a tres costanas, su pipiu 3. colaiat in costanas de istradone 4. est una calarina tota a costanas, romasa romasa Etimo srd. Traduzioni Francese paroi d'un récipient Inglese sides (container) Spagnolo costillas Italiano fianchi di un recipiènte o sìmili Tedesco Seiten eines Gefäßes.

costanàdu , pps, agt: acostanadu Definizione de costanare; chi portat freadura; nau de frutuàriu, chi portat taca, corpadura Sinonimi e contrari malandradu / corpadu.

costanàre , vrb: acostanare Definizione fàere costanas, freaduras Sinonimi e contrari friai, malandrare, piticare Etimo srd. Traduzioni Francese érafler, écorcher Inglese to produce a sore in sthg Spagnolo escocer, rozar Italiano fare guidalésco Tedesco Druckschaden machen.

costanàre 1 , vrb Definizione coment'e andhare costa costa, ororu, passare in is oros de unu logu.