A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

crogorísta chichirísta

crógu cròca

cròi , vrb: cròiri Definizione fàere su croimentu, s'arcu de is gennas acabbandhodhu cun sa crae po mantènnere bene is pedras e àteru pesu in pitzu / petzu de croi = sa crae de unu muru, de un'arcali (sa craincroa) Etimo ctl. croar Traduzioni Francese croiser Inglese to interlace Spagnolo voltear Italiano incrocicchiare Tedesco kreuzweise verschlingen.

cróida , nf Definizione sa boghe de is crobos, de is corrogas Sinonimi e contrari cro Terminologia scientifica bga Etimo srd. Traduzioni Francese croassement Inglese croak Spagnolo graznido Italiano gràcchio Tedesco Krächzen.

croidàre , vrb Definizione istare a cróidas, nau de crobos e corrogas Sinonimi e contrari carcagliare Etimo srd. Traduzioni Francese croasser Inglese to crake Spagnolo graznar Italiano gracchiare Tedesco krächzen.

croiméntu , nm Definizione in is fàbbricos, su tretu de su muru in pitzu de un'apertura, mescamente si est fatu a arcu Sinonimi e contrari arcali, incroamentu, travone Etimo srd.

cròiri cròi

crollài, crollàre , vrb Definizione nau de fàbbricos, orrúere o calare a terra, bènnere mancu a isciusciadura a sola Sinonimi e contrari falare, isciarrocai, rúchere.

cròma , nf Definizione coma, sida chi si ponet po ammontare is barracos a punta.

cromadòre , nm Definizione chie faet sa cromadura.

cromadúra , nf Definizione su pònnere su cromo, trebballu (eletrólisi) po pònnere unu pígiu de cromo a un'àteru materiale Traduzioni Francese chromage Inglese chroming Spagnolo cromado Italiano cromatura Tedesco Verchromung.

cromàle coromàlu

cromàre , vrb Definizione pònnere unu pígiu de cromo po ammontu de àteros metallos Traduzioni Francese chromer Inglese to chrome Spagnolo cromar Italiano cromare Tedesco verchromen.

cròmo , nm: cromu Definizione metallu, elementu chímicu de símbulu Cr, númeru atómicu 24, pesu atómicu 52: s'impreat po pònnere unu pígiu de ammontu a un'àteru metallu po àere prus dura, o fintzes ammesturandhodhu po dhi giare prus fortilesa Terminologia scientifica mtl Traduzioni Francese chrome Inglese chromium Spagnolo cromo Italiano cròmo Tedesco Chrom.

cromosòma , nm Definizione elementu de una céllula chi portat su DNA cun su patrimóniu genéticu de un’organísimu: in sa céllula somàtica est a loba portandho deosi su patrimóniu genéticu de ambos organísimos, mascu e fémina, chi ant ingenerau sa céllula somàtica cumenciandho s’organísimu/èssere nou.

cròmpere còmprere

crompídu comprídu

crompiméntu , nm: crumpimentu, cumprimentu, giompimentu, lompimentu Definizione su cumprire de is cosas, su crèschere e lòmpere a su puntu giustu, bonas de serbire, nau fintzes de personas, de òperas e de fatos de sa vida; si narat fintzes po brindhu, su cumprire a un'istràngiu, a un'amigu, donu chi si giaet, giare o nàrrere cosa chi dhi podet fàere praxere Sinonimi e contrari cumpridura, dimprimentu 2. a su cumprimentu de s'annu a su pobidhu sa fiuda dhi at fatu su cocòi ◊ - a su crompimentu! - Deus cherzat! ◊ mancu l'ischiabamus chi fizis ammorandhe: a su crumpimentu! ◊ a su crumpimentu: a lu bierezas mannu e birtudosu, su pitzinnu! ◊ a su crumpimentu potant arribbare! 3. su binu pro su cumprimentu no at a mancare! ◊ su cumprimentu cheret fatu: ca s'est cojuau, Chírigu depet tènnere un'arregodu de su nonnu! 4. totu si frimmaiant a li fàghere sos cumprimentos ca aiat dadu sos ixàminos ◊ de carchi parente petzi ndhe at tentu malos cumprimentos Etimo srd. Traduzioni Francese accomplissement Inglese fulfilment Spagnolo realización Italiano compiménto, realizzazióne Tedesco Durchführung.

crompíre , vrb: crumpire, cumplire, cumpliri, cumprire, cumpriri Definizione nau de cosas chi creschent, bènnere o batire a puntu giustu, bonas de pòdere serbire; fàere bonu a cara a unu, mescamente cun chie si tenet calecunu óbbrigu; fàere un'óbbrigu, unu dovere, atèndhere, mantènnere una promissa / cumprire unu disizu, una promissa Sinonimi e contrari abbasolare, abberare, achiare, ammadurae, còchere, ciòmpere*, còmprere, demprire, impertiae, ingranire, lòmpere Frasi sos àrbores crumpint su frutu ◊ cust'àrbure si bàrriat de frutu meda ma no lu cumprit ◊ su trigu fit crómpiu e de messare ◊ femu piciochedhu de doxi o trexi annus apena cumprius ◊ como apo crómpitu vinti annos 2. già l'ischiat deghí su tempus meu si cumpriat ◊ eo su tempus meu l'apo cumpridu! ◊ ant comintzadu una galleria ch'in tota sa vida mia no l'apo a bídere cumprida! 3. menzus cumprire a tardu chi no mai ◊ peruna fémina lu cheriat a cojare, ma totu lu cumpriant ◊ timendhe fis a mi cumprire sos amigos, chi no as abbertu sa gianna?! ◊ cudhu at cojadu una fiza, cudh'àteru at tentu dannu e a totugantos amus cumpridu ◊ za cumprit a totu, su pitzinnu: no ndhe lassat unu chentza saludadu! ◊ andhat a missa ma no cumprit a su pretzetu! ◊ a su mortu, cun megus cumprendhe bi fit su cumpanzu meu ◊ candho si est laureada za l'ant cumprida totu: parentes, amigos e connoschentes! Traduzioni Francese mûrir Inglese to ripe Spagnolo madurar, cumplir Italiano maturare, adempire Tedesco reifen, erfüllen.

crómpitu, crómpiu , pps, agt: crúmpiu Definizione de cròmpere / ómine crómpiu = ómine fatu Sinonimi e contrari assupridu, lómpidu Frasi crómpios a su cubile, tziu Missente deretu cumintzat a mi dare sas primas letziones ◊ ch'est crómpiu coitandhe a una vidha Traduzioni Francese arrivé Inglese arrived Spagnolo cumplido Italiano arrivato Tedesco angekommen.