A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

frucídhu forchídhu

frucidòri , agt: furcidori Definizione nau de pigiones e pudhas, chi est frochindho, chi frochit Sinonimi e contrari ciocanu, ciochidore, fruceri, frucianu Frasi teneus pudhas frucidoras Etimo srd.

frucidróxu , nm Definizione niu, logu inue is pigiones o is pudhas frochint is oos Sinonimi e contrari crochidógiu Frasi su locali pariat unu frucidroxu, prenu de ous pitirrinchedhus chi si moviant che pillonedhus apenas essius de su croxu Etimo srd.

frucidúra frochidúra

fruciméntu , nm Definizione su fruciri, su frochire is oos, su tempus chi sa pudha o su pigione istat frochindho Sinonimi e contrari crochidura, frochidura Etimo srd. Traduzioni Francese couvaison Inglese brooding Spagnolo echadura, empolladura Italiano cóva Tedesco Brut.

frucíri forcíre

frucòne, frucòni , nm: fulcone, furcone 1, furconi Definizione genia de fuste longu chi si ponet a màniga de iscova po mundhare su forru inchesu innanti de iforrare su pane; aina a màniga longa a corros po pigare fenu, orrumbulones de orruo e cosas deasi Sinonimi e contrari iscobile / forchidha / cdh. fulconi, furriconi Frasi chi bistis unu furconi, ti parit unu baroni ◊ s'iscobile est inferchidu in su furcone ◊ mandroni, curtu a fruconi siast! Etimo srd. Traduzioni Francese écouvillon, fourche Inglese ovensweep, pitchfork Spagnolo barredero, horcón, bieldo Italiano spazzafórno, forcóne Tedesco Ofenwisch, Mistgabel.

frúe frúa

fruèdha froèdha

fruedhàdu , agt Definizione chi est in frua, faendho fruedhas, bogandho linna noa Frasi in beranu sa natura est totu fruedhada Etimo srd.

fruédhu froèdha

frúere , vrb Definizione (o fruare?) its, bogare?, pillonai? Frasi s'umanidade l'ant mugrada bentos berminosos chi fràzigant pastura e armonia fruendhe magras ispinosas.

fruésu forési

fruferàrzu , nm: frufurarzu, fuferazu, fufuraju, fulferalzu, furferalzu, furferarzu, furfularju, furfuraju, furfurarju, furfurarzu, fusferarzu Definizione puzone trinu, de turra, de palatu, pigione múrinu o murinatzu, connotu meda ca faet meda su niu fintzes in is teuladas (e fintzes in is matas) Sinonimi e contrari afuràrgiu, bidhisone, brufulàgiu, craculeu, crucúciu, frufurinu, fúrfure 1, mamegherisi, muntonarjari, murinàgiu, pibischirra, poforinu, trinedha, tziria Frasi narant chi sunt andhendhe a catza russa e isparant a sos furferarzos! ◊ su cànticu tou est unu píliu de furfularju pérdiu in d-una temporada mala ◊ duos fufurajos ant carratu lana pro fàchere su nidu 2. est allegru che furferalzu Cognomi e Proverbi prb: fulferalzu in gianna temporada manna Terminologia scientifica pzn, passer hispaniolensis, p. montanus Etimo ltn. furfurareus Traduzioni Francese moineau Inglese sparrow Spagnolo gorrión Italiano pàssero Tedesco eine Sperlingssorte, Feldsperling, Feldspatz.

frúfere , nm: frúfure, fúfere, fúlfere, fúrfere, fúrfure, fúscere Definizione pódhini mannu, pódhine: de sa farra, pruschetotu de su trigu, sa parte prus grussa e pagu bona, sa parte de fora de su granu Sinonimi e contrari bilinzone, chilinzone, elinzone, gràngia, linzone, mussu, podhi, russarza, talau / cdh. brinnu Frasi a s'ainedhu li amos a dare frúfere ◊ su frúfere si poniat po fàghere sas bifaches a sos canes e s'impastada a sas pudhas 2. cussu mata de fúfere, fatu a sàbiu, aiat aiscultadu a un'orija solu! Etimo ltn. furfure(m) Traduzioni Francese son, mouture Inglese bran Spagnolo salvado Italiano crusca Tedesco Gabel.

fruferédhu , nm Definizione s'úrtima calidade de sa farra de trigu (a parte su pódhine) Sinonimi e contrari chiàgliu, cibraxedha, civraxedhu, frúfuru.

frufuràrzu fruferàrzu

frúfure frúfere

frúfuri , nm Definizione su f. de su linu = istupa.

frufurínu , nm: fulferinu, fulfurinu, furfurinu Definizione s’arratza sarda de su puzone trinu, de turra, de palatu, pigione múrinu o murinatzu; in cobertantza nau de ccn., feminari (furfurinu, paga vida!) Sinonimi e contrari afuràrgiu, brufulàgiu, craculeu, crucúciu, fruferarzu, mamegherisi, muntonarjari, murinàgiu, pibischirra, poforinu, trinedha, tziria Frasi sos furfurinos pienant un'àrvere manna de alas e de càntigos ◊ sos furfurinos si mànigant su laorzu ◊ e finidemindhela, o fulfurinos, custu ciulamentu! ◊ sos fulferinos chirchendhe asséliu punnant a trumadas a sa solzaga Terminologia scientifica pzn, passer hispaniolensis, p. montanus Etimo srd. Traduzioni Francese moineau Inglese sparrow Spagnolo gorrión moruno, gorrión molinero Italiano pàssera sarda Tedesco eine Sperlingssorte, Feldsperling, Feldspatz.