A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

fèi fèbi

feidúdine , nf Definizione su èssere légiu de is cosas Sinonimi e contrari feura, legesa, legiori | ctr. bellesa Etimo srd.

feighédhu , agt Sinonimi e contrari legedhu, legixedhu.

felàu fabàu

felchíre , vrb Sinonimi e contrari fichire.

fèle fèbi

fèlega , nf Definizione genia de bobboi niedhudu chi faet fintzes in is domos si dhue at umidore, asuta de is móbbiles Sinonimi e contrari babbasaju, cadalana, partabúdiga, sasàgia Terminologia scientifica crp.

felenàdu , agt: ferenau, verenau* Definizione chi est male arrennegau, acrumonau de tzacu, agiummai coment'e chi portet ferenu Sinonimi e contrari físchidu, infelloniu, inferenau, saredhosu Frasi mi ndi seu istrantaxau arrósciu e ferenau e nci seu essiu! ◊ Tatana est felenada e arrebbentada chirchendhe s'annaemele, ca li est faghindhe dannu ◊ fut ferenau che un'àrgia.

felenài , vrb: abbelenare*, fenenare, ferenae, ferenai, ferenare, ferenari Definizione betare ferenu, guastare a ferenu; arrennegare meda, pigare o sentire dispraxere o tzacu meda Sinonimi e contrari alluae, atoscai, atossicai Frasi ite as àpidu chi in tres chidas ses morzendhe, o ti ses fenenada issutzendhe meighinas? ◊ semus ferenandhe s'aera prenendhodha de óssidu de carbóniu (P.G.Mura) 2. ferenandhe che píbera, cumintzat a boghes contras a su fizu ◊ si pensu chi oi…, bastat, no mi bollu ferenai!◊ oi megas de mi fai ferenai su sànguni, lah!…◊ cudh'ómine ferenandho dh'at frastimau: Bae in chentu diàulos!

felénu fanéu

feleòga , nf Definizione foressia de fele Terminologia scientifica mld Traduzioni Francese perte de bile Inglese bale leak Spagnolo pérdida de bilis Italiano colerragìa Tedesco Gallenfluß.

fèli fèbi

felicidàde, felicidàdi , nf: felitzidade Definizione su èssere cuntentos, prexaos Sinonimi e contrari ajubore, biadesa, biadia, cuntentesa, dícia, gosa Frasi sirena meravizosa est sa felicidade, at aparéntzia atraente piús de dogni cosa: li mancat solamente… s'esisténtzia! (Bore).

felinósigu , agt Sinonimi e contrari febosu Frasi at fuedhau cun d-unu fai ameletzosu e felinósigu Etimo srd.

felitzidàde felicidàde

fellàda fallàda

fellòne , nm: filone Definizione chie si fúrriat contr’a su superiore chi dhu cumandhat Sinonimi e contrari rebbellu, rebelde Etimo itl. Traduzioni Francese félon, rebelle Inglese scoundrel, rebel Spagnolo rebelde Italiano fellóne, ribèlle Tedesco Aufrührer.

fellonía , nf Definizione idea de fàere male Sinonimi e contrari malincrinu, malíndula Traduzioni Francese perfidie Inglese treachery Spagnolo perfidia Italiano perfìdia Tedesco Treulosigkeit.

fellúdu fallúdu

felòne , nm Definizione genia de arrennegu, de tzacu, coment'e candho unu si che artzat, si atrivit cun s'àteru / segare su f. = fàere lassare su fele, s'atrivimentu Sinonimi e contrari afuta, airu, aragoni, arrenigna, arrennegu, bischiza, bústica, búzara, corina, crocone, gormone, grema, stacu, studugu / atrevimentu Etimo srd. Traduzioni Francese bile, dépit, animosité Inglese gall, anger, spite Spagnolo rabia, animosidad Italiano bile, stizza, animosità Tedesco Ärger, Grimm.