A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

fenomenósu , agt Sinonimi e contrari ispantosu, meravigliosu, stravanau.

fenòmenu , nm Definizione in física e in natura, css. cosa chi acontesset: dónnia novidade o efetu físicu chi podet èssere in calecuna manera osservau; si narat fintzes coment’e cosa de ispantu Traduzioni Francese phénomène Inglese wonder Spagnolo fenómeno Italiano fenòmeno Tedesco Phänomen, Wunderding.

fènos , nm pl Definizione genia de male: is gremes (dioctophyna renalis) de s'afenadura de is canes e a bortas de su cristianu puru Sinonimi e contrari fermes, piperedhas, tilingiones Terminologia scientifica mld Traduzioni Francese strongylose Inglese strongylosis Spagnolo estrongilosis Italiano strongilòsi Tedesco Strongylosis.

fenósu , agt Definizione nau de logu, chi dhue ponet o faet fenu meda, logu bonu po fàere fenu Terminologia scientifica slg Etimo srd.

fènta , avb: fentas, fentra Sinonimi e contrari benas, fena, fintzamentas, finces, intas Frasi si fit postu fenta bentu fritu ◊ sos annos càmbiant fentra sas pedras ◊ si no fio istadu goi istropiadu che fio essidu fentra in su corru de sa furca a mi chilcare faina ◊ li rispondheit chi, si agataiat su sidhadu, si ndhe lu podiat fentra leare Traduzioni Francese même, encore Inglese even Spagnolo hasta, incluso Italiano persino Tedesco sogar.

fentallícu fantallícu

fentàna , nf: fontana, vantana Definizione apertura e serru in su muru de un'aposentu, a mesania de s'artària, po intrare ària e lughe / min. fentanedhu (braconitu); intrare in sa f. = passendi in sa fentana; fentana a punta de mitra = cun arcu a punta; sa pedra de sa f. = groníssia (itl. davanzale) Sinonimi e contrari balcone, bentana, fenesta Frasi mammai at serrau bèni is fentanas ◊ pro amare a tie isto a fruscitos suta a sa fentana (Z.Deriu)◊ Deus serrat una fentana e… ndi oberit un’antra!◊ sa bighina puru si acerat a sa fentana a iscultare ◊ seus a fentanas obertas po sa basca ◊ un'aposentu de domu bogàt fentana a foras, s'àteru a pratza Terminologia scientifica dmo Etimo spn. ventana Traduzioni Francese fenêtre Inglese window Spagnolo ventana Italiano finèstra Tedesco Fenster.

fentanéri , agt, nm Definizione chi o chie istat meda imbraconadu, incarau in sa fentana abbaidandho.

fèntas fènta

fentomàdu , pps, agt: fontomadu Definizione de fentomare; chi dhu numenant meda, chi at parau fama / torrare su fentomau = torrai a su connotu Sinonimi e contrari famadu, nodidu / cdh. funtumatu Frasi binu fontomadu su de Olíana! ◊ catzadore fentomadu, cussu: coglit sa perdija a su bolu! Traduzioni Francese renommé Inglese renowned Spagnolo renombrado, afamado Italiano rinomato Tedesco berühmt.

fentomàre , vrb: fontomare Definizione nàrrere su númene de unu, de una cosa, in su chistionu o iscriendho; portare a ispantu a unu, o una cosa / fontomare a ccn. che Perónnia in sa missa (su ltn. 'per omnia' in s'idea de sa gente est diventau una persona!)= zúghere a fontomu meda a ccn., che a 'Perónnia' in totu sas missas in latinu Sinonimi e contrari arranomonai, arremonae, funtaminare, mantovare, mentomare, nemonai Frasi como ti ammento e ti fentomo ◊ ti cherio preguntare si as intesu fentomare un'ae chi allatat sos fizos (F.A.Calvia)◊ Ulisse so, de Laerte su fizu, pro sas trassas connotu e fentomadu ◊ fimus gai a chistionu e mi est cumbinadu de fontomare a Fulanu Etimo itl. mentovare Traduzioni Francese citer Inglese to mention Spagnolo citar, mencionar Italiano citare Tedesco nennen.

fentómu , nm: fontomu, funtomu Definizione su nàrrere o iscríere su númene de unu o de una cosa, pruschetotu bantandhodhu Sinonimi e contrari arrenòmini, lumininzu, mentovu Frasi a fentomu lu connoschia ◊ de cussu no si ndh'at mancu piús fentomu ◊ no lu connosco mancu a fentomu Etimo srd. Traduzioni Francese citation, renommée Inglese mention, fame Spagnolo citación (f), fama Italiano citazióne, fama Tedesco Erwähnung, Ruhm, Ruf.

fèntra fènta

fèntza , prep: fentzas Sinonimi e contrari chentza Frasi est unu piciochedhu fentz'e conoscimentu ◊ sa bècia fuat abarrada fentzas de fanuga de lana ◊ tui as a guadangiai fentzas de ti fadiai.

fentzamèntas , cng: finamenta, finamentas, finamente, finamenti, finamentra, finamentras, finamentzas, fintzamentas, fintzamente, fintzamenti Definizione foedhu chi giaet s'idea de àteru puru, de calecuna cosa in prus; si narat cun sa cng. chi o cun s'avb. candho/candu po fàere a cumprèndhere chi unu fàere sighit e lompet a unu certu puntu Sinonimi e contrari benas, fena, fenta, finces, infintzamente, intas, povintzas, sennamenta Frasi su sèmene de su crabuvigu finamentas in sa roca atichit ◊ como finamentras su màndhigu lu bendhent belle e prontu ◊ ponzendhe aficu a su tribàgliu est diventadu finamentra ricu ◊ de tui mi ndi arregordu fintzamenti durmiu 2. comintzat a giogare a caltas finamenta chi est reséssidu a che torrare su chi aiat ispesu ◊ no si sunt abbizados de nudha finamentas a candho est bénnidu su dilúviu ◊ a s'èssere umanu nisciunu si est permissu de lu cumpudare finamenta a fundhu ◊ finamente a nos morre demus èssere comares ◊ est aturau totu sa noti finamenti chi iat orbésciu Etimo srd. Traduzioni Francese jusqu'à Inglese even Spagnolo hasta Italiano finanche, fino Tedesco sogar, bis.

fèntzas fèntza

fénu , nm Definizione totu s'erba sicada (ma fintzes solu lómpia, faendho su frore, su sèmene), pruschetotu sa chi si chistit po giare a papare a su bestiàmene: si podet nàrrere fintzes de unu solu cambu de erba sicau (e deosi si funt duos si faet su pl. fenos: is fenos bollet fintzes nàrrere campos, tancas, logos diferentes lassaos a fenu)/ f. bonu o erba de f. = (Anthoxanthum aristatum) erba chi daet unu fragu bellu a su f.; f. o erba de impagliadas, pro fàghere fundhos de cradeas = Sparganium emersum, Sparganium simplex; f. de impagliadas, de spàdula, f. (o folla) de stoja = buda (Typha angustifolia, T. latifolia); f. àvrinu o erba de perda = Brachypodium pinnatum Modi di dire csn: èssere a f. = nau de s’erba (o fintzas de unu logu), èssiri lassau po fai fenu, èssiri giai sicau, tostau che fenu; balla (a logos fintzas "pala") de f. = fenu passau in màchina (de imballare) e acapiau a istrintu; pane, pizu de f. = fenu imballau aici comenti si pratzit a solu candu s'iscàpiat sa balla; istrexu de fenu = palinas, canistedhus Frasi s'erva birde de deris como est fenu ◊ s'erva frisca pro me est fenu, fritzas su lizu doradu! ◊ custos duos funt coment'e su fogu acanta de su fenu! Cognomi e Proverbi smb: (De)fenu, (De)ffenu, Fenu Terminologia scientifica rba, rbzc Etimo ltn. fenum Traduzioni Francese foin Inglese hay Spagnolo heno Italiano fièno Tedesco Heu.

fenúciu , nm: fenucru, fenúgiu, fenugu, fenuju, fenungu, finúciu, finucru, finugu, frenucu, frenugu, frinucu Definizione duas calidades de erba: una chi faet desesi (fenugu aresti o fenuxedhu, frinucu de sartu, a tupighedha, a mola), a fundhighedhos fines chi essint in atóngiu de s’arraighina chi abbarrat bia annu cun annu (e fintzes in is nodos de su frenuganis o canna de fenugu de s'annu innanti), bonu mescamente po ebrúgiu, cotu, de sabore forte; s'àtera (fenuju tataresu, druche, o frinucu de ortu o furisteri), chi si prantat po birdura e faet a conca manna, cun is fògias ingrussadas acanta a s’arraighina a paris a terra o fintzes unu pagu carragiau: ambas calidades chimint e faent su frore ispratu a paracu / genias de erba assimbigiadas a su fenugu areste: fenugu forti, argu o marigosu = Foeniculum vulgare ssp. piperitum; fenugu de mari o erba de santu Perdu = Chrithmum maritimum; fenugu de àcua = erba velenosa de fàere mòrrere, turgusone 1 (Oenanthe crocata); fenugu de margiani = sichiria (Ridolfia segetum) Modi di dire csn: fàghere, fai a ferru fenugu = a sa biscaina, acomenti essit essit, arrogai, distrúiri totu; cricare a ferru fenugu = chircare a perda furriada, totu bene a s'atenta; frenugu de còscia = infetu a sas ràndhulas de ímbenas Frasi sas féminas ant batidu unu mànigu de frenugu ◊ si fustus cenaus cun pani, casu martzu e fenugu ◊ su minestrone chin su finucru agreste fit una cosa de drillíriu 2. cussus funt fendi a ferru fenugu: no lassant ne bidri e ne sicau Terminologia scientifica rbz, rbzc, Foeniculum vulgare, F. vulgare ssp. vulgare var. dulce Etimo ltn. fenuc(u)lu(m) Traduzioni Francese fenouil Inglese fennel Spagnolo hinojo Italiano finòcchio Tedesco zwei verschiedene Arten von Fenchel.

fenucràgliu, fenucràrju , nm: frinucarju Definizione logu de fenugu, inue dhue faet meda su fenugu areste Etimo srd.

fenúcru fenúciu