A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ghiadúra , nf Definizione su ghiai, ghiare Sinonimi e contrari ghia, ghiamentu Etimo srd. Traduzioni Francese conduction Inglese management Spagnolo conducción Italiano conduzióne Tedesco Führung.

ghiagiànti , agt, nm Sinonimi e contrari biaxadori.

ghiài , vrb: agghiai, ghiare Definizione inditare su camminu bonu, acumpangiare in su camminu giustu, cossigiare su de fàere; fintzes bogare, fàere istesiare gente o animales, imbiare Sinonimi e contrari giúchere, leai / mandai Frasi su pastore fit ghiendhe sas berveghes a sa pastura ◊ su Segnore mi at ghiadu che Babbu ◊ sighi s'istiga de s'arte chi ghiat a portos de lugura! (P.Casu)◊ cherzo un'ispera de lughe chi mi ghiet ◊ at ghiadu sos sentidos mios in caminos de amore ◊ cun sa lughe de un'istedhu Deus los at ghiados a innue fit su pitzinnu 2. su libberedhu chi ti apo nadu ti che lu ghiant issos (M.Ghiacciu)◊ ti ghio sos menzus saludos!◊ Cristos at seberau dogi apóstulos po dhos ghiare a perdicare Etimo spn., ctl. Traduzioni Francese conduire Inglese to drive Spagnolo guiar Italiano guidare Tedesco führen, leiten.

ghiaméntu , nm Definizione su ghiare Sinonimi e contrari ghiada, ghiadura Etimo srd.

ghiàni , agt: chiani Definizione nau de su pilu de is animales (boes, cuadhos), chi est de intina agiummai niedha / su bòi ghiani = una genia de boe muliache chi iat a foedhare su note de santu Giuanni tocandho mesunote… Sinonimi e contrari moraschinu Frasi teniat unu cuadhu ghiani píxidu Cognomi e Proverbi smb: Ghiani Terminologia scientifica clr Etimo grcb. kyáne(os) Traduzioni Francese moreau Inglese black horse Spagnolo negruzco Italiano néro, morèllo Tedesco schwarz.

ghiàre ghiài

ghiàtzu ghiàciu

ghíbba , nf: ghirba, gribba Definizione genia de istrégiu de pedhe po binu; in cobertantza, sa bentre Sinonimi e contrari búgia, udre / bentre 2. gei ti dh'as prena sa ghirba, oi! Terminologia scientifica stz Etimo itl. ghirba.

ghibbàu , agt Definizione nau de ccn., chi est ingiogatzau, giau a su giogu, chentza imprastu, iscabiladu, chi dha tenet a bibba Sinonimi e contrari ingiogansau Frasi su pitzinnu essit unu manzanu a puzonare, a contu suo, cuntentu e ghibbau (R.Carta)◊ macas ghibbadas, no lu cumprendhides chi sos sordados tenent ammorada in donzi locu?!

ghíciu , agt: ghitzu Definizione si narat de is sèmenes male o pagu cumprios, aortitzos, mortos, chi no ant averau Sinonimi e contrari bíciu*, agurtiu, caliu / acaramau, allacanadu, allaunitu, allizadu, ammalmiadu Frasi cussu est sèmene ghíciu!

ghidaítzos garaítzos

ghidàre , vrb: guidai, guidare Definizione fàere de ghia; pruschetotu pigare o manigiare unu mezu, una màchina Sinonimi e contrari agghiai.

ghidhía , nf: bedhia Sinonimi e contrari ghidhighia*.

ghidhídu , agt Definizione its, ghidhitu in su sensu de meda, carcu? (S'Ischíglia 10,94,300) Frasi sos buscos murmutant a su bentu e mi saludant chin d-un'ànima de néula ghidhida…(P.Pittalis)

ghidhighía , nf: chidhighia Definizione pigighedhu de lentore astrau (paret podhibodhi) chi ponet in terra in tempus de fritu meda su note, si est neta s'aera; astrau puru (fintzes nau in cobertantza) Sinonimi e contrari bedhia, celexia Frasi pro che bocare sas crapas s'isetabat a che pesare sa ghidhighia ◊ si che at tzacau sa manu fascada a petorras pro la reparare dae sa ghidhighia ◊ in manzanos de bentu e ghidhighia cun s'issalledhu in palas essit fora pro andhare a s'olia 2. sa ghidhighia de sa tristura pariat chi si nche fit iscallandhe (G.Piga) Terminologia scientifica tpm Etimo ltn. gelicidium.

ghidhighiàre , vrb: agghidhighiare Definizione fàere o betare chilighia Sinonimi e contrari astragare, bidhiare, chilighiare Etimo srd.

ghidhítu , agt Sinonimi e contrari càdriu Frasi za nch'est falatu ghidhitu!…◊ za nch'est vénnitu ghidhitu!…

ghidhòstra, ghidhòstre, ghidhóstru , nf, nm: chidhostre Definizione iscoba màsciu, o màscina, genia de linna chi no faet tanti manna, ma a cotzina grussa, bona po crabone e a fàere pipas, cun sa fògia minudedhedha e unu frorighedhu biancu minudedhedhu e cracu cracu Sinonimi e contrari cantentarzu, castagnarza, idhostra, obiostri, salinavémina, sechintrese, túfera Frasi foresta d'élighe, de ghidhostre e de lidone Terminologia scientifica mt, Erica arborea Etimo srdn. Traduzioni Francese bruyère Inglese heather Spagnolo brezo Italiano èrica Tedesco Baumheide.

ghididàle , nm: dighidale Definizione coment'e unu cugudhedhu de làuna chi si ponet a sa punta de su pódhighe po ispínghere s'agu cosindho Sinonimi e contrari bidale, deidale.

ghighílliu , nm: chichígliu* Definizione boghes de gente a chistionu Sinonimi e contrari abbatúliu, biuldu, carralzu, chimentu.