A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

giàga , nf: zaca 1 Definizione genia de serru largu po corte, ortu, cungiau, fatu coment’e un’iscala a fustes e duos cosciales intraos apare / min. giaghita Sinonimi e contrari arrècia, geca Frasi sa giaga est totu istraessada Terminologia scientifica srr Etimo ltn. iacca Traduzioni Francese grille rustique Inglese country gate Spagnolo verja Italiano cancèllo rùstico Tedesco Holzgitter, Brettergitter.

giagàdu , agt: ciagadu* Definizione su late mortu, cagiau / vena giagada in conca = tupadura cun sàmbene apretadu Sinonimi e contrari cagiau.

giagadúra , nf Definizione su giagare, fintzes su ammadrigare sa farra cun su frammentu impastandho po fàere su pane Sinonimi e contrari acragadura, ammadricadura, ammadriconzu, axedadura Etimo srd.

giagàle , nm: giagari Definizione su fodhe inue unu pegus piticu giughet su càgiu Sinonimi e contrari cracale* Terminologia scientifica crn Traduzioni Francese abomasum Inglese rennet Spagnolo abomaso Italiano abòmaso Tedesco Labmagen, Käsemagen.

giaganía , nf Definizione s'impreu de su giàganu, su èssere giàganu Etimo srd.

giàganu giàcanu

giàgara , nf, nm: giàgaru 1 Definizione su giagarare Sinonimi e contrari fua, salarzu, zagarada Modi di dire csn: fàghere sas cosas a g. = a zagaradura, tropu impresse, chentza tènnere su tempus de las fàghere bene; leare a giàgaras = fai fuiri Frasi cussu at isperdisciadu sa gioventude in giàgaras de chimeras (Ptz.Mura) Etimo srd.

giagaradúra , nf: zacaradura Definizione su èssere giagaraos, su giagarare Sinonimi e contrari agiàgaru, salarzadura, salarzu Etimo srd.

giagaragàdhos , nm: giarigagadhos Sinonimi e contrari passalidolta, sughelate Terminologia scientifica pzn Etimo srd.

giagaràre gegherài

giagàre , vrb: giagrare Definizione betare su giagu (càgiu) a su late; cambiare cumportamentu in su sensu de si currègere, de pònnere conca, de arrexonare; brinchidare / giagare de chervedhos = callai a ciorbedhu, essiri giudisciosu Sinonimi e contrari abbeladinare, arruspiare, cagiare, ciacare 3, cragare*, pazare Frasi ndhe falat sa labia dae sa tríbide, giagat su late e daghi morit l'isfiorit chin sa múriga 2. cussu no giagat mai de chervedhos! 3. ant s'aera in pag'ora oscuradu niedhas nues, in su firmamentu giagat su lampu: in cussu mamentu paret su mundhu de fogu allumadu (P.Sulis) Traduzioni Francese cailler Inglese to curdle Spagnolo cuajar Italiano quagliare Tedesco gerinnen.

giagàri giagàle

giàgaru , nm: agiàgaru, zàgaru Definizione cane de cassa chi serbit po giagarare o pesare sa fera, fintzes cane de pagu contu Frasi calchi bolta, tzegu pàbaru, su catzadore isparat a su giàgaru Terminologia scientifica anall Etimo srdn.

giàgaru 1 giàgara

giàgaru 2 giàcanu

giaghí , cng: giaighí, zaighí Definizione giai chi… = sigomenti Frasi ello cun chie mi cherzo fidare, giaghí fide in nisciunu si agatat?! (P.Pisurzi) Traduzioni Francese puisque Inglese since Spagnolo ya que, pues Italiano giacchè Tedesco da.

giaghinàre , vrb Definizione mòvere pagu pagu Sinonimi e contrari mòere, tziricare Frasi "Salluri!", narat isse chena si giaghinare (M.Bua)◊ paret chi in custa terra apa postu raighinas: no mi so piús pótidu mancu giaghinare! ◊ fit betzu e non bi la faghiat nemmancu a giaghinare cussas manos chena filu de carre (N.Falconi).

giàgia , nf: ajaja, ijaja, zaja Definizione sa mama de su babbu o de sa mama Sinonimi e contrari aba* 1, bisàgia, donnamanna, mannedha, minnanna, tiatia Frasi giàgia tua fut bidumagioresa Terminologia scientifica ptl.

giàgiu , nm: ajaju, giaju, igiàgiu, zaju Definizione su babbu de su babbu o de sa mama Sinonimi e contrari abu*, bisàgiu, donnumannu, mannoi, minnannu, nannai, nonnoi 1, tadaju Frasi giàgiu in s'arregionu mi at nadu chi faghet temporale Terminologia scientifica ptl.

giagràre giagàre