A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

giunài geunàre

giuncàgiu , nm: giuncarzu, zuncarzu Definizione venadórgiu, logu inue sumit abba e dhue creschet su giuncu Sinonimi e contrari benassu, giunchedu, tinnialzu Frasi at bogadu a nou sas íscias de giuncarzu pro las semenare a laore Terminologia scientifica slg Etimo srd. Traduzioni Francese jonchère Inglese reed-bed Spagnolo juncar Italiano giuncàia Tedesco Binsendickicht.

giuncarèsti , nm Definizione binistra fémina, una calidade de martigusa chentza ispina, a cambos fines agiummai che a su giuncu e su prus de su tempus chentza fògia Sinonimi e contrari binistra, einestra Terminologia scientifica mt, Spartium junceum Etimo srd.

giuncàrzu giuncàgiu

giunchédu , nm: zunchedu Definizione venadórgiu, logu úmidu chi dhue creschet su giuncu Sinonimi e contrari benassu, giuncàgiu, tinnialzu Terminologia scientifica slg Etimo ltn. iuncetum.

giunchèta , nf: zuncheta Definizione cagiau chi si mantenet in istrégiu (frussella) de giuncu, fintzes giodhu Sinonimi e contrari casaxedu, fruja, giodhu, mezoradu / vischidale Terminologia scientifica mng Etimo itl. Traduzioni Francese joncheé Inglese junket Spagnolo requesón Italiano giuncata Tedesco Quark

giunchíglia, giunchígliu , nf, nm Definizione giunchígliu a frori biancu, genia de erba bona fintzes po meighina Frasi in sa mesíglia bi at postu rosas e giunchíglias Terminologia scientifica rbc, convallaria maialis Traduzioni Francese muguet Inglese lily of the valley Spagnolo muguete Italiano mughétto Tedesco Maiglöckchen, Maiblume.

giunchígliu 1, giunchílliu, giunchíllu gionchígliu

giunchígliu 2 , nm Definizione una genia de erba Terminologia scientifica rba, Narcissus jonquilla.

giúnchina , nf: giúnghina Definizione genia de fune filada a manu cun bàtoro codriolas de fògia de pramma / filare una giúnchina = fàghere una fune Sinonimi e contrari reste, restiga 1 Frasi dalis nodos de giúnchina, chi sinono tue ndhe as s'annada mala e su tintiedhu! ◊ si calchi cadhu fit andhantanu e de malos pes, tandho l'aschilaiant cun giúnghinas russas de pilu cadhinu Etimo srd.

giuncósu , agt Definizione nau de logu, chi dhue at giuncu meda, chi est totu giuncu Etimo srd.

giúncu , nm: zuncu Definizione genia de erba chi creschet in logos de abba (errios, venadòrgios)/ genias de giuncu: g. fémina = sèssene, tudhu a tres atas, bogat su fiore própiu in punta e no punghet (Cyperus longus); g. mascru = (Juncus acutus) li narant fintzas tinnia, a tudhu tundhu, prus forte, bogat su fiore unu pagu suta de sa punta e punghet (una zenia de zuncu mascru est sa tinnia o sónnia, Lygeum spartum, prus fine e prus débbile)/ dogna puntu unu scudu de giuncu = si narat de istrexu de fenu fatu mali, po fai is cosas chen'e cóidu Frasi sa sorrighedha li poneit su redinaju de giuncu a su crabolu ◊ dhoi nd’at, giuncu, in s’arriu de bidha!…◊ mi at ammostau cumenti si faint is crobis, is palinis e is cofinus imperendi sèssini, giuncu e ràfia ◊ est essiu peri is benatzus a bodhiri giuncu e sàlixi po bestiri ampudhas e fai iscartedhus ◊ una ran'e martzu paris a su bruncu, cambas de giuncu, bratzu de tzinniga! (R.Locci) Terminologia scientifica rba Etimo ltn. iuncus Traduzioni Francese jonc Inglese reed Spagnolo junco Italiano giunco Tedesco Binse.

giuncumàsciu , nm: zuncumascru Definizione giuncu a cambu tundhu, forte, longu longu, bogat su frore unu pagu asuta de sa punta e punghet, faet in logos de venadórgiu, a molas mannas, s'impreat murtu (atrotigau) e irmurtidu po acapiare o àteros trebballos: a logos dhi narant sinniga, tinnia, tzinnia, chi funt fintzes àteras genias de erba chi si assimbígiant Sinonimi e contrari tinnia Terminologia scientifica rba, Juncus acutus Etimo srd. Traduzioni Francese jonc épineux, j. piquant Inglese reed Spagnolo junco espinoso Italiano giunco spinóso o pungènte Tedesco stechende Binse, stachelige Binsensorte.

giúnghere , vrb: ciúnghere, giungi, giúngiri, zúnghere Definizione pònnere su giuale a is boes; andhare impare Sinonimi e contrari ingiualare / acucuai, agiobare, agiuai, apagiare, azuvalare, ingainare | ctr. igiúgnere Frasi babbu m'iat fatu unu carrighedhu e po dhu tirare giunghia unu giuitedhu a giualedhu de canna ◊ a giúnghere su maschinganna, loros de figu e giuales de pramma! ◊ giuntu ant sos carrulantes ma no est die de trivàgliu, est su séichi de giannàgliu! (G.Farris)◊ meritas giuntu cun su própriu giuali! 2. sos pisedhos, giunghèndhesi a manu apare, incomintzeint a si asciare in bolu (G.Murtas) Etimo ltn. iungere Traduzioni Francese atteler les bœufs au joug Inglese to yoke Spagnolo uncir Italiano aggiogare Tedesco einspannen.

giúnghina giúnchina

giunghínzu , nm Sinonimi e contrari acopiada, unione Etimo srd.

giúngi giúnghere

giungidúra , nf: zunghidura Definizione su giúnghere is boes Sinonimi e contrari agiobadura, agiuamentu Etimo srd. Traduzioni Francese mise sous le joug Inglese yoking Spagnolo el uncir Italiano aggiogaménto Tedesco Einspannen ins Joch.

giúngiri giúnghere

giúngiu giaúgnu