A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

imbuvonàre , vrb Definizione pigare is àteros coment’e bovos, cun ingannu Sinonimi e contrari abbovai, abbuvonare, coglionai, colovrinare, corogliare, imbelecare, imbusterai, improsae, ingannai, ingrangugliare, mariolare, scafai, trampai Etimo spn. embobar Traduzioni Francese embobiner Inglese to dupe Spagnolo engatusar, engañar Italiano abbindolare Tedesco betrügen.

imentrigàre ilmentigàre

imitassiòne, imitassòne , nf Definizione su fàere coment'e un'àteru Frasi su càlighe est su primu vasu sacru usadu in sa Missa, a imitassione de Cristos in s'última chena.

ímma íma

immachinàre , vrb Definizione rfl., coment’e fàere a macu, essire in machines, nau in su sensu de si fàere ideas, ibertu o àteru tropu atesu de sa realtade o de su possíbbile Frasi no t'immàchines ca tantu no est gai! Traduzioni Francese s'illusionner Inglese to deceive oneself Spagnolo ilusionarse Italiano illúdersi Tedesco sich etwas vormachen.

immaculàdu, immaculàu , agt Definizione chi no portat màcula e ne curpa peruna, chi est netu, límpiu de dónnia neghe Sinonimi e contrari | ctr. maculau Traduzioni Francese immaculé Inglese immaculate Spagnolo inmaculado Italiano immacolato Tedesco unbefleckt.

immadedhàu , agt Sinonimi e contrari abbentau, ammaudinadu, atolondrau, atontau Frasi ndi dhi fut arrutu in conca unu crastu mannu chi dh'iat abbungiau s'elmetu impari cun sa conca e Luisicu fut abarrau totu sa dí immadedhau (B.Lobina).

immadoinàu , agt Definizione nau de ccn., chi at pérdiu is atuamentos, chi est coment’e mortu, mortu puru Sinonimi e contrari ammortiginau, imbortighinau Frasi unu cambu de sa mata che dh'est orrutu in pitzus e de asiche est mortu, immadoinau! Etimo srd.

immadonàre imbidonài

immaduríre , vrb Definizione fàere o essire prus matucu, maduru Sinonimi e contrari ammadurae Etimo srd.

immagasinàre , vrb Definizione chistire o assentare, pònnere in magasinu, nau prus che àteru de cosa meda Sinonimi e contrari incamasinare.

immaginài , vrb: immaginare, immazinare, irmaginare, irmazinare Definizione pentzare is cosas chentza dhas bíere e ne ischire, faendhosindhe un’idea, una figura in sa mente Sinonimi e contrari apensare, figurae Frasi podides irmazinare su cascavellu chi mi at postu candho mi at allegadu de "sos àteros astros"! (A.Deplano) Traduzioni Francese imaginer Inglese to imagine Spagnolo imaginar Italiano immaginare Tedesco sich vorstellen.

immaginaméntu , nm Definizione su immaginare Sinonimi e contrari immaginascione, pensamentu Etimo srd.

immaginàre immaginài

immaginasciòne, immaginassòne, immaginatziòne, immaginatziòni , nf: immazinassione, irmazinassione Definizione su immaginare, sa cosa immaginada, su chi unu si pentzat fintzes chentza dh’àere bistu mai Sinonimi e contrari immaginamentu, inventiva Frasi mi est bénniu su birbílliu de iscríere contos de sa bida e de irmazinassione ◊ cutzi s'immaginatzione mea si unit a is contos chi apo inténniu ◊ de comente fit sa vida nostra no ndh'azis sa mímina immaginatzione! ◊ su chi bideit fit piús a cudh’ala de calesisiat immaginatzione ◊ non cumprendia si su chi naràt issu fiat berus o immaginatzioni.

immàgini , nf: immàzine, irmàzine Definizione genia de figura o fintzes s’idea de sa cosa chi unu si pentzat o si ndhe faet in sa mente; genia de figura o disegnu chi arrapresentat calecuna cosa Sinonimi e contrari cona, figura, màgina 2. in su libbru bi aiat pintadu un'irmàzine Traduzioni Francese image Inglese image Spagnolo imagen Italiano immàgine Tedesco Bild.

immagliàtzu , nm, agt: ismagliatzu Definizione chi o chie costumat a si bantare meda, a si crèdere tropu, a fàere su barrosu, su prepotente Sinonimi e contrari camandhuleri, fanfarrone, ispacone, margiatzu Frasi passizant cun berrita in chizos fatendhe sos ismagliatzos, ma sos impleos no si dant a macos! Cognomi e Proverbi prb: cadhu curridore, giòvanu bellu e ómine ismagliatzu pagu durant Terminologia scientifica ntl Etimo itl. Traduzioni Francese fanfaron, vantard Inglese show-off Spagnolo fanfarrón Italiano smargiasso Tedesco Prahlhans.

immagnàre ilmagnàre

immagníre , vrb: irmannire Definizione fàere mannu, a mannu Sinonimi e contrari crèschere, ilmagnare, immannitare | ctr. ilminorigare Frasi sa pitzinna est irmanninne ◊ custu cuncursu a su postu de l'immagnire l'imminórigant! Etimo srd.

immagulàdu , agt Definizione its (B.Sini, Pattada, 96) Frasi a tiu Miali ndhe lu bateint immaguladu, inteteradu, chena si poder mòvere de su mossu de s'alza.