A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

imbuvonàre , vrb Definitzione pigare is àteros coment’e bovos, cun ingannu Sinònimos e contràrios abbovai, abbuvonare, coglionai, colovrinare, corogliare, imbelecare, imbusterai, improsae, ingannai, ingrangugliare, mariolare, scafai, trampai Ètimu spn. embobar Tradutziones Frantzesu embobiner Ingresu to dupe Ispagnolu engatusar, engañar Italianu abbindolare Tedescu betrügen.

imentrigàre ilmentigàre

imitassiòne, imitassòne , nf Definitzione su fàere coment'e un'àteru Frases su càlighe est su primu vasu sacru usadu in sa Missa, a imitassione de Cristos in s'última chena.

ímma íma

immachinàre , vrb Definitzione rfl., coment’e fàere a macu, essire in machines, nau in su sensu de si fàere ideas, ibertu o àteru tropu atesu de sa realtade o de su possíbbile Frases no t'immàchines ca tantu no est gai! Tradutziones Frantzesu s'illusionner Ingresu to deceive oneself Ispagnolu ilusionarse Italianu illúdersi Tedescu sich etwas vormachen.

immaculàdu, immaculàu , agt Definitzione chi no portat màcula e ne curpa peruna, chi est netu, límpiu de dónnia neghe Sinònimos e contràrios | ctr. maculau Tradutziones Frantzesu immaculé Ingresu immaculate Ispagnolu inmaculado Italianu immacolato Tedescu unbefleckt.

immadedhàu , agt Sinònimos e contràrios abbentau, ammaudinadu, atolondrau, atontau Frases ndi dhi fut arrutu in conca unu crastu mannu chi dh'iat abbungiau s'elmetu impari cun sa conca e Luisicu fut abarrau totu sa dí immadedhau (B.Lobina).

immadoinàu , agt Definitzione nau de ccn., chi at pérdiu is atuamentos, chi est coment’e mortu, mortu puru Sinònimos e contràrios ammortiginau, imbortighinau Frases unu cambu de sa mata che dh'est orrutu in pitzus e de asiche est mortu, immadoinau! Ètimu srd.

immadonàre imbidonài

immaduríre , vrb Definitzione fàere o essire prus matucu, maduru Sinònimos e contràrios ammadurae Ètimu srd.

immagasinàre , vrb Definitzione chistire o assentare, pònnere in magasinu, nau prus che àteru de cosa meda Sinònimos e contràrios incamasinare.

immaginài , vrb: immaginare, immazinare, irmaginare, irmazinare Definitzione pentzare is cosas chentza dhas bíere e ne ischire, faendhosindhe un’idea, una figura in sa mente Sinònimos e contràrios apensare, figurae Frases podides irmazinare su cascavellu chi mi at postu candho mi at allegadu de "sos àteros astros"! (A.Deplano) Tradutziones Frantzesu imaginer Ingresu to imagine Ispagnolu imaginar Italianu immaginare Tedescu sich vorstellen.

immaginaméntu , nm Definitzione su immaginare Sinònimos e contràrios immaginascione, pensamentu Ètimu srd.

immaginàre immaginài

immaginasciòne, immaginassòne, immaginatziòne, immaginatziòni , nf: immazinassione, irmazinassione Definitzione su immaginare, sa cosa immaginada, su chi unu si pentzat fintzes chentza dh’àere bistu mai Sinònimos e contràrios immaginamentu, inventiva Frases mi est bénniu su birbílliu de iscríere contos de sa bida e de irmazinassione ◊ cutzi s'immaginatzione mea si unit a is contos chi apo inténniu ◊ de comente fit sa vida nostra no ndh'azis sa mímina immaginatzione! ◊ su chi bideit fit piús a cudh’ala de calesisiat immaginatzione ◊ non cumprendia si su chi naràt issu fiat berus o immaginatzioni.

immàgini , nf: immàzine, irmàzine Definitzione genia de figura o fintzes s’idea de sa cosa chi unu si pentzat o si ndhe faet in sa mente; genia de figura o disegnu chi arrapresentat calecuna cosa Sinònimos e contràrios cona, figura, màgina 2. in su libbru bi aiat pintadu un'irmàzine Tradutziones Frantzesu image Ingresu image Ispagnolu imagen Italianu immàgine Tedescu Bild.

immagliàtzu , nm, agt: ismagliatzu Definitzione chi o chie costumat a si bantare meda, a si crèdere tropu, a fàere su barrosu, su prepotente Sinònimos e contràrios camandhuleri, fanfarrone, ispacone, margiatzu Frases passizant cun berrita in chizos fatendhe sos ismagliatzos, ma sos impleos no si dant a macos! Sambenados e Provèrbios prb: cadhu curridore, giòvanu bellu e ómine ismagliatzu pagu durant Terminologia iscientìfica ntl Ètimu itl. Tradutziones Frantzesu fanfaron, vantard Ingresu show-off Ispagnolu fanfarrón Italianu smargiasso Tedescu Prahlhans.

immagnàre ilmagnàre

immagníre , vrb: irmannire Definitzione fàere mannu, a mannu Sinònimos e contràrios crèschere, ilmagnare, immannitare | ctr. ilminorigare Frases sa pitzinna est irmanninne ◊ custu cuncursu a su postu de l'immagnire l'imminórigant! Ètimu srd.

immagulàdu , agt Definitzione its (B.Sini, Pattada, 96) Frases a tiu Miali ndhe lu bateint immaguladu, inteteradu, chena si poder mòvere de su mossu de s'alza.