A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

impítzu impíciu

impiubaràda , nf Definizione imbrutadura de pruine Sinonimi e contrari | ctr. irbruinada Etimo srd.

impiueràre , vrb Definizione imbrutare de prúghere, de pruine Sinonimi e contrari imbruinare, imprugherare | ctr. isprugherare.

impiugheràdu , agt Definizione chi est totu pruine, brutu de pruine Sinonimi e contrari bruerosu, bulvaritzosu, imbruinadu, impiueradu, impruerinatu, peuerosu, preunosu / ttrs. impiubaradu | ctr. límpidu, netu Frasi giuchio sas iscarpas impiugheradas ma no mi ndhe importavat nudha! Traduzioni Francese poussiéreux Inglese dusty Spagnolo polvoriento Italiano polveróso Tedesco staubig.

impiumbadúra , nf Definizione su impiumbare.

impiumbàre , vrb: implumbai, imprumai, imprumbai Definizione pònnere su prumu, assigurare cun prumu; pigare a fusiladas Sinonimi e contrari piumbare 2. imprumaus boliant, a palletonis de sali a su fundu de is cracionis!

impixadúra impigadúra

impixài, impixàre, impixàri impicàre 1

impíza , nf, nm: impizu Definizione pígiu de sida chi si ponet in pitzu de is muros in su sartu po no lassare passare bestiàmene; cosa chi giaet istrobbu / dare impizu = èssiri de istrobbu, fastidiai Sinonimi e contrari pígiu, pillada, impizada, impizadura, infrasconzu Frasi mancari no bi apat impizu in su muru, de animales no bi ndhe intrat 2. mi daiat impizu su caldu ◊ si furrieit a sos chi prus li daiant impizu e lu fint dellezendhe Etimo srd.

impizàda , nf Sinonimi e contrari pígiu, pillada, impiza Frasi sa sardina degogliada si assentat a impizadas in s'isterzu e si cundhit cun salipone Etimo srd.

impizàdu , pps, agt Definizione de impizare; chi dhi ant postu unu pígiu de calecuna cosa (mescamente de crispiones, nau de muru, po no passare bestiàmene) 2. sos muros de su cunzadu sunt impizados e s'animale no bi essit.

impizadúra , nf Definizione su impizare; su chi si ponet in is muros de su sartu (mescamente bàscios) po no passare bestiàmene, serrare méngius Sinonimi e contrari cresura, impannadura, impinnatura, impiza, infrasconzu, serru Etimo srd.

impizàre , vrb Definizione pònnere pígiu, s'impizadura, pònnere crispiones, sida in pitzu de is muros bàscios, a manera de serrare méngius unu logu Sinonimi e contrari impinnare 2, inchesurare, infrasconare, spinai Frasi sas puntas de sos montes s'impizant de nie.

impizósu , agt Definizione chi giaet o faet impíciu, ifadu, istrobbu Sinonimi e contrari agghegiosu, ifadosu Etimo srd.

impízu impíza

impízu 1 , nm Definizione ifadu, incruescu Frasi ite impizu chi dant, custas abbadrinas: so sempre ratendhe! Etimo srd.

implatiài , vrb: impratai, imprateare, impratiare Definizione pònnere unu pígiu de prata a un'àteru metallu Sinonimi e contrari argentai 2. is grammófulus unu tempus portànt sa trumba de òru impratau Etimo spn. in + platear Traduzioni Francese argenter Inglese to silver plate Spagnolo platear Italiano inargentare Tedesco versilbern.

impleài, impleàre imperài

impléu , nm: impreu, impriu Definizione su impreare o pònnere a calecuna cosa; faina, trebballu chi si faet prus che àteru coment'e mestieri, professione, nau mescamente de unu chi tenet postu Sinonimi e contrari afainu, berza, faina, impiegu, impita 1, impitonzu, trabàgiu Modi di dire csn: pònnere i. in carchi cosa = dàresi a fàghere una cosa, ponnerebbei cabu; no fàghere àteru i. = fàghere petzi cussu, petzi una cosa (nadu prus che àteru de cosas chentza cabu, de pagu contu) Frasi sa campana est betza de s'impreu e cannida ◊ male as fatu, si no ndhe as fatu impreu candho ndhe aias, de tempus! ◊ ge dhu ponis a impriu su dinai, tui!… 2. deo chentza impreu no bi cherjo istare! ◊ su fogu est faghendhe malu impreu ◊ o andhas a sa zoronada o ti acordas pastore: ses mannu e no tenes perunu impreu ◊ so ancora in s'impreu de bacarju ◊ apo resortu de no fàere male e de no torrare a malu impreu Etimo spn. Traduzioni Francese emploi, utilisation, poste Inglese job Spagnolo empleo Italiano impiègo, uso, pósto Tedesco Benutzung, Stelle.

implícitu , agt Definizione chi (una cosa, un'idea, unu significau) dhu'est fintzes chentza dhu nàrrere apostadamente e duncas si podet cumprèndhere su matessi Frasi si una tenet fizos est implícitu chi est mama.