A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ischirchinàda , nf Definizione su ischirchinare; móvia de botu a dónnia betu Sinonimi e contrari iscoitada Frasi sa colora, si la leas, si moet a ischirchinadas Etimo srd.

ischirchinàre , vrb: iscrichinare Definizione coment'e iscutulare a forte, fruscinai, nau pruschetotu de movimentu chi faet incrubandhosi o furriandhosi a dónnia parte chie istat male, sentit dolore forte de no pòdere padire mescamente a bentre Sinonimi e contrari atapai 1, fruschinare, inchingiare, iscoitai / foichinare Frasi cussos titones sunt fumendhe: totavia los as iscrichinados cun su sulavogu! (G.Ruju)◊ si est ischirchinendhe che colora de su dolore chi zughet Etimo srd. Traduzioni Francese se démener, secouer Inglese to fidget, to wiggle Spagnolo menearse Italiano dimenarsi, scuòtere Tedesco sich hin und her bewegen, schütteln.

ischíre, ischíri , vrb: iscíara, iscie, iscire 1, isciri, issí, issire 1, sciri Definizione àere idea precisa de calecuna cosa, su connòschere sa cosa po comente est, arresurtau de su imparare, de su bíere o intèndhere, de su cumprèndhere, de su istudiare / ger. iscendo, ischindhe, ischindho, ischendhe; pps. ischidu, ischípidu Sinonimi e contrari connòscere, dischire Modi di dire csn: dare a i. una cosa = nàrrere, mandai s'isceda; bènnere a i. = arrennèsciri a isciri, ischire pro cumbinassione; i. a intèndhere = isciri pro dh'èssiri inténdiu; i. a (+ inf. vrb.) = èssiri bellu a…; i. una cosa chei s'abba = ischire una cosa bene meda; i. su logu, a unu logu = connòschere su logu, ischire inue est cussu logu, inue si colat pro bi lòmpere; i. unu logu = ischire inue…; i. sa lessione, una cantone, i. una limba = connòschere bene a puntu de la nàrrere, de la faedhare; ischiresila = pessare una cosa zusta innantis de cumbinare, inzertare sa cosa coment'e ischíndhela innantis; su de no ischire = s'ignoràntzia; ischire una cosa, una nova, dae calicunu = po dh'àere inténdhia a calecunu Frasi cussos no iscint it'est piedade: sos novellos cainos iscint solu a uchídere zente ◊ cussu est su brebu de is ci issiant s'arte de bivire (B.Liori)◊ ndhe isco una, de fémina, ma bella, mih: ti at a piàghere ebbia! ◊ eite si ti l’ischint: a caserma ti acusant! ◊ pro bi l'àere ischidu chi fit gai totu físsios… za no ti aia lassadu cojare cun isse! ◊ tue dh'issis: passo sa die tra bàtoro muros, tra líbberos e paperis e giornales ◊ ti l'at ischidu totu sa bidha! 2. l'apo ischidu a intèndhere chi fist isperiguladu fatu! (G.Ruju)◊ mancari fachendhe a pastore, ischiat a lèzere e a iscríere e fit de fàcheres e de allegas a sa mannina ◊ gai iscat a manigare cantu ischit a fàghere faina! 3. a l'ischis a sa pinneta issoro? ◊ a Monte Unturzu no l'isco, no bi so andhadu mai ◊ eo puru l'isco su caminu! ◊ isco unu logu chi bi ponet antunna meda ◊ chi sa domu mia no iscínt, dhus pregu de domandai! (Sitzia) 4. si ch'est andhadu a iscola chentza ischire sa lessione ◊ bae, rispondhe tue ca ischis su frantzesu! ◊ de cantzonis no ndh'ischiu mancu una 5. importat pagu a ti dare a ischire inue totugantu so istadu ◊ a s'amigu tou li cheret dadu a ischire chi ses cojendhe ◊ bos lu fato a ischire comente est 6. tue ti l'as ischida, maridu nanu chirchendhe! (P.Mossa) 7. su de no ischire za est cosa bona!… Cognomi e Proverbi prb: a chini no iscít est parenti o cumpàngiu de chini no bit Etimo ltn. scire Traduzioni Francese savoir Inglese to know Spagnolo saber Italiano sapére Tedesco wissen, kennen.

ischiría iscaría

ischirighía! , iscl: isghirighia Definizione allegria!, eviva!: boghe de cuntentesa Sinonimi e contrari isga! Frasi ajó, bella, ischirighia!, che candho fimis minores ballemus! ◊ ischirighia pro sos cojuados noos!

ischirigósu , agt Definizione chi est de colore (pilu) iscuriosu Sinonimi e contrari bujosu, fuscu, iscuricosu* Frasi a Nughedu una borta andhesi a sant'Antoni gloriosu e intrendhe in sa porta gridaiant "Tzi, tzi, ischirigosu!" (P.Pisurzi)◊ Ischirigosu, múilas, iscorratzas minetosu: già est cosa e ti m'acurtziare!…

ischiringiài iscadangiài

ischiriúngia inghiriúngia

ischirradòrza , nf: scirradroxa Definizione aina segante a punta acancarronada e a màniga longa po segare a acropadura e a tiradura Sinonimi e contrari cana, cirradroxa, faltzone, fústina, luatorja, rultàglia, urvajola Etimo srd.

ischirradúra , nf Definizione su ischirrare; cosa (matedu, pàmpinu) segada a scirradura, a ispuntadura 2. est andhau a buscare ischirradura frisca pro sa crapa Etimo srd.

ischirràre , vrb Definizione segare o ispuntare su pàmpinu Sinonimi e contrari isbitare, ischimare, scirrai / issarmentare Frasi tenio àsiu, deo, a ischirrare, a ilmutzare, a bogare in loba, a pudare, a immelmare, a isalmentare: nudha! (A.Cossu) Etimo srd. Traduzioni Francese épamprer Inglese to strip of its leaves (a vine) Spagnolo despampanar Italiano spampanare Tedesco ablauben.

ischirriàda , nf Definizione su ischirriare / i. de càvana = cropu de càvana (coment'e segandho a scirradura) Sinonimi e contrari iscéberu, sceberu Frasi semus zente de prima ischirriada o mentes incultziadas? Etimo srd.

ischirriadòlza , nf Definizione aina, serros de pudare; a logos, càvana Terminologia scientifica ans.

ischirriadólzu , nm Definizione su ischirriare, chirriare, seberare Sinonimi e contrari chirrionzu, ischirriadura Etimo srd.

ischirriadúra , nf Definizione su ischirriare, nau fintzes in su sensu de fàere partzialidades Sinonimi e contrari ischirriada / paltesa, partzialidade, protzebboria 2. e cudhos ateterrandhe, a nàrrere ca in sa demogratzia totus sunt a sa paris e no dhue cheret ischirriaduras Etimo srd.

ischirriàre ischerriàre

ischirriolàda , nf Sinonimi e contrari iscorriada, nerbiada / ttrs. ischirriurada Etimo srd. Traduzioni Francese coup de cravache, coup violent et imprévu Inglese whipping Spagnolo latigazo, golpazo Italiano scudisciata, cólpo violènto e improvviso Tedesco Peitschenhieb.

ischirriolài, ischirriolàre , vrb: iscorriolare, schirriolai Definizione bogare unu trastu a corriolos, a tiras Sinonimi e contrari imbroconare, irbinarjare, iscorriare, iscorriaxai, isteressare, istratziolare, minutzare, schirrionai, spetzimingiae Frasi su rú li at iscorrioladu sa bestimenta ◊ sos canes ti ant a ischirriolare sas carres! Etimo srd. Traduzioni Francese réduire en lambeaux Inglese to tear to shreds (in) Spagnolo despedazar, destrozar Italiano sbrandellare, stracciare Tedesco zerfetzen, zerreißen.

ischirriótu , nm Sinonimi e contrari scedatzadori Etimo srd.

ischirritzàdu ischerritzàdu