A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscrammentài, iscrammentàre iscalmentàre

iscrammentósu iscalmentósu

iscramméntu iscalméntu

iscrammèra , nf: scrammera Definizione parte de su fassone o de una barca inue si ponet s'iscàlamu e s'intrant is arremos po arremare Traduzioni Francese dame (mar.), toletière Inglese rowlock Spagnolo tolete Italiano scalmièra Tedesco Ausleger.

iscramorài, iscramoràre , vrb: scramorai Definizione abboghinare cun boghe lastimosa coment'e de chie est pedindho agiudu, afrigiu disigiandho calecuna cosa o fintzes frastimandho Sinonimi e contrari abbochinare, atzerriai, giaculare, isclamai Frasi su sàmbene de sos mortos in gherra iscramorabat in pedes de Deus ◊ acàbbala de iscramorare: ite ndh'at a pessare sa zente chi est colandhe! ◊ chini dha bolit a s'imbressi, chini iscramorat, chini prangit e si acorat!

iscramòre, iscramòri , nm: scramori Definizione boghe lastimosa, afrigia, ma nau fintzes de sa boghe chi pedit vengantza e sa vengantza etotu Sinonimi e contrari isclamu Frasi su piciochedhu est prangendu a iscramori 2. su sàmbene umanu chircat iscramore Etimo ltn. ex clamore(m).

iscramósu , agt Definizione de iscramu, chi iscramat, lamentosu Sinonimi e contrari afligidu Etimo srd.

iscràmu isclàmu

iscrancagnàda iscalcanzàda

iscrancài , vrb: iscrancare Definizione isfrancare, iscabbúllere de calecuna cosa Sinonimi e contrari iscabbúllere, iscancarai Frasi isperat de che l'iscrancare sa mala sorte chi li est tocà ◊ si dh'at iscrancada de sa gherra ma funt arrimandudedhu in su cunfinu!◊ is cunsígius mius ti podent serbiri po t'iscrancai de dannu 2. po ringrassiare a Deus de su perículu iscrancau at fatu una promissa.

iscrancaméntu iscancaméntu

iscrancàre iscrancài

iscranciòfa iscartzòfa

iscràncu , nm Definizione su iscrancare / èssere chentza i. = chi no faghet a si la irfrancare, a s'iscabbúlliri; bèndhere a i. baratu = a sa fuliada Etimo srd. Traduzioni Francese exemption Inglese exemption Spagnolo exención Italiano esenzióne Tedesco Befreiung.

iscranculàre , vrb Definizione iscúdere, cancarare is manos Frasi sa pitzinna aiat proadu a l'iscranculare, a su mere, candho illonghiaiat sas manos a la tocare.

iscranfiòni iscorfiòne

iscrànnu iscànnu

iscraóllu , nm Definizione iscova de argiolas o mundha domos, genia de tupighedha bona po auscare porcos Sinonimi e contrari iscraporu, locasu, mummueu Terminologia scientifica rbl.

iscràpa , nf: scarpa Definizione tretu in calada meda, logu in costa, mescamente in oros de camminu, de istrada o de ferrovias comente ant apertu iscavandho po passare in logu de monte (o fintzes comente si est formau cun su tempus) Sinonimi e contrari palone, riartzu, tele, tèrema, trèmene, trempa Frasi chi no mi creis, pregonta a custas perdas, a custas matas, a dónnia mòri, a s'ebra de is iscrapas Terminologia scientifica slg. Traduzioni Francese escarpement Inglese escarpment Spagnolo escarpadura, escarpa Italiano scarpata Tedesco Böschung.

iscràpa 1 iscàlpa