A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscrarúja , nf Definizione gregu levante, bentu chi benit de NE Sinonimi e contrari gregale Terminologia scientifica tpm. Etimo srd.

iscràsamu , nm Definizione dannu mannu, disastru Sinonimi e contrari desacatu, istràssia, salina 2 Etimo srd.

iscrastólu , nm: isgrastolu Sinonimi e contrari aghentolu*, bilguzu, gaigastolu, ingrastolu, ingullidorzu, valgastolu Frasi agiummai li aeschet sa salia in s'iscrastolu! ◊ unu cucumiau ndhe bogat unu miàulu dae s'isgrastolu ◊ cudhas fitas de sartitza no li fint arrividas mancu a s'iscrastolu Terminologia scientifica crn.

iscrasumàre , vrb Definizione fàere assicare, fàere fuire Sinonimi e contrari asciuconare, iscrasumire, ispabajare Frasi lasseit andhare un'úrulu chi fagheit a trèmere su ràmene de cughina: pro pagu no si ndh'est iscrasumada sa muzere! (P.Deledda)◊ sa súrbile, suber de iscrasumare petzi sos pitzinnos, at iscrasumau peri sos mannos 2. fut gasi iscrasumau chi no renessiat a ispricare faedhu.

iscrasumíre , vrb Definizione fàere a tímere Sinonimi e contrari acicai, asciuconare, iscrasumare*, ispabajare, ispramai, isprauriri.

iscràtza , nf Definizione sa gente chi est dipéndhia de calecuna famíglia, de is mannos de unu parentau, cun is calidades puru, pruschetotu naturales Sinonimi e contrari aredeu, arénsia, arràcia, arrampile, arrépula, iscrípia, istripa, istripile Frasi cussa est zente de mala iscratza Traduzioni Francese souche, lignée Inglese descent Spagnolo estirpe, descendencia Italiano discendènza, stirpe Tedesco Herkunft, Stamm.

iscratzàda , nf Definizione su iscratzare; istragatzu, moida chi faet sa linna isperrandho / iscratzada de tronu = tzacarrada, iscorriada de tronu Sinonimi e contrari istratzada / traghidada, tzacarrada Etimo srd.

iscratzadítu , agt Definizione nau de linnas, de matas, chi s'iscòsciant po pagu pagu chi si faet fortza Etimo srd.

iscratzadúra , nf Definizione su iscratzare, su segare cosa (es. cambos) a tiradura, a isperradura (in sa frochidha) Sinonimi e contrari iscosciadura Etimo srd. Traduzioni Francese fente de branches Inglese breaking by drawing Spagnolo arranque Italiano scosciatura Tedesco Abbrechen von Zweigen.

iscratzàre , vrb Definizione segare a tiradura e isperradura, a iscórriu, naes, cambos e cosas deasi (fintzes bestimentu in sa cosidura) Sinonimi e contrari ilgratzare, iscosciai, scascellai Frasi no pighes a cussa camba ca est fine e ndhe l’iscratzas! ◊ comente mi so imbassiadu mi apo iscratzadu sos pantalones in mesu de ancas ◊ su limone si ndh'est totu iscratzadu de cantu ndhe zughet: cheriat afurcarzadu! Traduzioni Francese déchirer Inglese to break by drawing Spagnolo arrancar Italiano divèllere, scosciare Tedesco die Schenkel ausrenken.

iscratzonài iscaltzonàre

iscràu isciàu

iscravadòre , agt, nm Definizione chi o chie iscravat Etimo srd.

iscravadúra , nf Definizione su iscravare Sinonimi e contrari iscravamentu | ctr. inclavadura Etimo srd. Traduzioni Francese action de déclouer Inglese unnailing Spagnolo desclavamiento Italiano schiodatura Tedesco Aufnageln.

iscravaméntu ilgravaméntu

iscravàre isclavài

iscravatàre , vrb Definizione atundhare is atzas de is muros, impalitare s'ischedradura.

iscravatóriu , nm Definizione gherra, su pigare a s'iscúdere s'unu cun s'àteru Sinonimi e contrari afarratóriu, atzufatóriu, atzufu, bria, certu, gherra Frasi ant fatu brigas e iscravatórius po is làcanas Etimo srd.

iscravatzòne , nm Sinonimi e contrari ilgravamentu Frasi una tzia mea ischit cantzones de s'iscravatzone Etimo srd.

iscravàtzu , nm Definizione bregúngia, cosa de no fàere; fintzes iscónciu po pagu abbistesa faendho unu trebballu / a i. = a befe, a birgonza Frasi abboigheit e che catzeit sas atitadoras: oco birgonza, iscravatzu che cussu no si ndh'at mentovadu mai in bidha! ◊ fortuna chi so chena dentes, sinono ti aia istropiadu a iscravatzu! (T.Giagu)◊ contra a cudha tzia faghiat un'iscravatzu e inchendhiat tota sa carrela a boghes.