A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ispadhiciàre , vrb Sinonimi e contrari ispaghinare, ispàlghere, isparcinare, isparminare, isparpinare, isprabinare | ctr. ammuntonae Traduzioni Francese éparpiller Inglese to scatter Spagnolo desparramar, esparcir Italiano dispèrdere, sparpagliare Tedesco zerstreuen, verstreuen.

ispadínu , nm: spadinu Definizione gurtedhu mannu: dhue at logu chi dhu narant a una genia de aina segante fata unu pagu a forma de segure, a manighedha curtza che a unu gurtedhu etotu ma de impreare a acropadura Sinonimi e contrari brotzone, dagone Frasi mischinu… una tzacarrada de ispadinu! ◊ at arrodadu s'ispadinu ◊ su turronaju at fatu a cantos su turrone cun s'ispadinu 2. zughet dogni sanna cantu un'ispadinu! Terminologia scientifica ans Etimo srd.

ispadínu 1 , nm Definizione pigione mannu, papadore de petza Sinonimi e contrari arcidedhu, tilibbriu Frasi mi che andhaia sempre a su monte in chirca de nidos de ispadinu ◊ che un'ispadinu at a bolare in àteras aeras Terminologia scientifica pzn.

ispadonàdu , agt Definizione nau de trigu, chi at fatu isvilupu meda a erba ma cun s'ispiga aortitza po basca forte e cabudàrgia.

ispadriàre , vrb Definizione foedhare bene, craru, pàdriu, nau prus che àteru de sa manera de nàrrere is foedhos; a logos fintzes abbaldantzare, bagianai, fàere su bantaxeri, su pageri Frasi a bídere giustu e ispadriare mi est piús de profetu (Ptz.Mura) Etimo srd. Traduzioni Francese prononcer Inglese to pronounce Spagnolo pronunciar, articular, recalcar Italiano pronuntziare Tedesco aussprechen.

ispadrièsa , nf Definizione nau de ccn., su èssere ispàdriu, su àere s'abbitúdine de foedhare cun craresa, chentza cuare nudha, chentza timoria e ne bregúngia Sinonimi e contrari franchesa.

ispàdriu , agt Definizione nau de ccn., chi foedhat cun craresa e chentza cuare nudha.

ispadronizàre , vrb Definizione fàere is prepotentes, cumandhare e fàere su chi paret e praghet coment'e meres ma faendho male puru e dannu a is àteros Sinonimi e contrari galligiai.

ispàdua, ispàdula , nf: spàdua Definizione fenu de ispàdula o de impagliadas, fenu o folla de istoja: genia de erba chi faghet in is errios, arta, a fògias laditas e longas, bona po fàere istojas, po ammontu, a fàere fundhos de cadiras Sinonimi e contrari buda, ispadarzu, istògia, tuturatzu Frasi de ispàdua si faint is istojas Terminologia scientifica rba, Typha angustifolia, T. latifolia Etimo ltn. spathula Traduzioni Francese laîche Inglese reed-mace Spagnolo aneas Italiano sala Tedesco Riedgras.

ispàdula 1 , nf: spàdula 1 Definizione genia de tauledha po magiare s'orrobba samunandho o po dh'ispruinare Sinonimi e contrari matola, tabedha.

ispadulàre , vrb: spadulai Definizione iscutulai is pannus isciacuendidhus Etimo srd.

ispadulàrzu , nm Definizione logu de ispàdula, terrenu de abba chi dhue creschet ispàdula (buda) meda Etimo srd.

ispafarràu , agt: spifarrau Definizione chi est foras de su normale, fintzes istravanau Frasi sa corroneta faet unu sonu ispafarrau.

ispàgaru , nm: ispàragu, ispàralu, isparau 1, ispàrau, sparau Definizione genia de tupighedha chi de is arraighinas bogat bullones o pigionatzos (upm) bonos a papare candho funt modhes / i. biancu = sega caltzeta, su chi bogat sa tiria o isparau cràbinu (Asparagus albus); àtera creze, i. niedhu = A. aphyllus Sinonimi e contrari arbarau, barau, brodau 1, inghésperu / ttrs. ipàramu Frasi de s'ispàrau si collint sos briones noos, modhes ◊ a manigare amus cotu s'ispàrau ◊ est chircandhe ispàragu pro lu bèndhere ◊ in cussa costera dhoi essit isparau meda Terminologia scientifica rbl, rbz, Asparagus acutifolius Etimo itl. spàrago Traduzioni Francese asperge Inglese sparrow-grass Spagnolo espárrago Italiano aspàrago Tedesco Spargel.

ispagatzài , vrb: ispedatzare 1, spadatzai 1 Definizione fàere a orrugos, a pedassus; ispèndhere in cosas de pagu contu, in fioleras Sinonimi e contrari atzimare, chimentare, iscualtare, ispetatzare Etimo spn. despedazar.

ispagatzàre , vrb Definizione a logos, ispalatare, nau de s'aera annuada chi si aperit abbarrandho a tretos límpia Sinonimi e contrari ispalaciae.

ispaghinàre , vrb: ispagnai, ispainai, ispainare, ispaniai, ispaniare, isprainare, spagnai Definizione pigare e betare o pònnere ispratu a ispergiadura, ispainau peri su logu; isterrigorzare, pònnere crocau totu istérriu Sinonimi e contrari illaizare, isciudrare, ispàlghere, isparcinare, isparminare, isprabinare / isterrighinare, isterrinai | ctr. ammuntonae, collire Frasi a su fenúciu a pizu si ghetat unu pacu de sufrissu vene ispaghinau e un’ispiugherada de casu ◊ Bidhanoavorru est diventada famosa po sa cultura chi arrennescit a ispaniai ◊ s'ispagnat su concimi ◊ ossus ispainaus a ingíriu de su foghidoni ◊ isciú sa pudha, chi m'ispànias sa palla!◊ est ispaghinendhe sa chisina 2. sa gatu est ispaghinàndhesi in terra 3. sas crapas sont ispainatas in sas ripas de su monte Etimo ltn. *expaginare Traduzioni Francese étendre, répandre Inglese to spread Spagnolo esparcir, derramar Italiano spàndere, spàrgere, diffóndere Tedesco ausstreuen, verbreiten.

ispagiàre, ispagliài , vrb: ispazare, ispaxae, spalgiai Definizione bogare sa pàgia, chèrrere sa pàgia de mesu de su laore po dhu chistire límpiu; nau de ccn. su si giare a bíere prus de su chi est, unu, fàere braga, fàere su pageri Sinonimi e contrari abentuai, irghinitiare, spalligai / abantai, bragai, ispallerai, pazesare Frasi si che ispazat s'arzola iss'etotu: no cheret azudu ◊ a dedie fimus ispazendhe, a denote carruzendhe ◊ su laore in s'argiola ispagiavas si fut bentu in favore 2. tandho, ca as oliàriu, ite ispazas si de su chi produit no ndh'assazas? ◊ sunt ispazendhe pro sos milliardos chi nachi tenent ◊ sos catziadores ispazant narandhe chi cun issos cunillos e sirvones ant pacu vida Etimo srd. Traduzioni Francese dépailler Inglese to separate wheat from straw, to show off Spagnolo aventar, jactarse Italiano spagliare, brezzare Tedesco das Stroh entfernen von.

Ispàgna , nf Definizione natzione e istadu de sa penísula ibérica: at dominau sa Sardigna de su 1478 a is primos annos de su 1700, cosa chi at eredau de is Aragonesos (o Catalanos) chi iant fatu is gherras a is Sardos.

ispagnài ispaghinàre