A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ispigulitàre , vrb: ispulighitare Definizione nau de is animales cambiandho pilu, essire de pilu bellu, lúghidu; in cobertantza, ispreculare Sinonimi e contrari ispricuedhai, precontare, scrocollai Etimo srd.

ispigulòsa , nf Sinonimi e contrari cambiruja, ebraentu, pigolosa* Terminologia scientifica rba, Parietaria officinalis.

ispígulu , nm Definizione atza de muru, s'ala de fora ue duas línias o duos muros si atóbiant apare Sinonimi e contrari cantonada, cantone 1.

ispígulu 1 ispícu

ispijolàre ispigiolàre

ispilibúdhas , agt, nm Definizione nau de ccn., chi est arrestigu e aprofitadore Sinonimi e contrari aggangadore, aggantzadu, assuriu, ingurdone, issotzigadore, limidu, soridu, susuncu Frasi cussu ispilibudhas no faghet àtera berza che prèndhere s'imbíligu a totus! Etimo srd. Traduzioni Francese usurier Inglese usurer Spagnolo usurero Italiano strozzino Tedesco Wucherer.

ispilicíre , vrb Definizione tirare, bogare is pinnias, is pilos, illimpiare bene de su pilu un'animale chi ndhe portat Sinonimi e contrari ispilire, ispinnare, ispinnicire Traduzioni Francese plumer Inglese to pluck Spagnolo desplumar Italiano spennare Tedesco rupfen.

ispilidòre , agt, nm Definizione chi o chie ispilit (fintzes olia, tirandhodha cun is pódhighes de is cambos) Etimo srd.

ispilidórzu , nm Sinonimi e contrari ispilidura Frasi no bi aiat ne ispilidorzu e ne sinnale de istrinnigadorzu: no si cumprendhiat chie o ite aiat mortu su pudhighinu Etimo srd.

ispilídu , pps, agt: ispilitu, ispiliu, spiliu Definizione de ispilire; chi che dhi ant tirau su pilu, chi no portat pilos (fintzes coment'e difetu); nau de cambu de matedu, chi at pérdiu o che dhi ant tirau (o che dhi ant papau) sa fògia, is cambighedhos piticos Sinonimi e contrari ispinniadu, ispiumadu, spilurciu | ctr. pilosu 1, piludu 2. est conchi ispilidu che cucu betzu ◊ custu fit ispilidu che cucu, chin su nare a punta e chin d-unu paxu de ispixitos própriu in punta de nare ◊ is duas si ndhe ant tirau pilos de dogna logu… aungadas e ispilidas dhas iat dividias unu carabbinieri 3. in sas cortinas de sas piantas setzi bidias ramos ispilidos, manigados a bacas e berveghes Traduzioni Francese pelé, glabre Inglese plucked, hairless Spagnolo pelado, lampiño Italiano pelato, glabro Tedesco haarlos, bartlos.

ispilidúra , nf Definizione su ispilire; manera de bodhire cosa pitica chi si faet passandho su cambu in mesu de is pódhighes, coment'e in d-unu pètene, e tirandho Sinonimi e contrari spinniadura / ispilinzu 2. s'olia de cufetu l'amus fata a ispilidura a manu Etimo srd. Traduzioni Francese pelage Inglese plucking Spagnolo peladura Italiano pelatura Tedesco Enthaarung.

ispiliessàre , vrb Definizione isconciare is pilos, betare apare Sinonimi e contrari ispilurtire, ispilusare, scrabionai, spetonai.

ispiliessàu , pps, agt: ispiriessau Definizione de ispiliessare; chi est cun is pilos totu male postos, chentza petenare, betaos apare Sinonimi e contrari irtzufau, ischerritzadu, ispilurtiu, ispilusadu, sgrinau, spubusau / aciarollau 2. non ti lasses is pilos ispiliessaos!

ispiligàmba , agt, nm: spilligamba Definizione chi o chie aprofitat a face manna de is cosas angenas Sinonimi e contrari brunzeri, imbolicosu, mangiafrancu, smurfidori, tramperi / mandronàciu Frasi benint pro fàghere promissas istrambas a sa manera de sos ispiligambas (L.Ilieschi)◊ su babbu at àpidu sa fiza passizendhe cun d-unu ispiligamba ◊ si l'imbrocas in domo anzena cun sa banca aparitzada, s'ispiligamba ispilit fintzas sa conca de su mortu! Etimo srd. Traduzioni Francese escroqueur, trompeur Inglese cadger, cheat Spagnolo gorrón Italiano scroccóne, gabbamóndo Tedesco Schmarotzer.

ispilínzu , nm Definizione su ispilire; sa pérdia de is pilos; manera de bodhire s'olia de sa mata Sinonimi e contrari ispilidura Frasi s'ispilinzu de s'uliba Etimo srd.

ispiliortàre , vrb Definizione betare is pilos apare Sinonimi e contrari ispilucire, ispilultiare, ispilurtire, ispilusare, scrabionai, spilliortzai.

ispilíre, ispilíri , vrb: spiliri Definizione tirare, bogare o fintzes pèrdere is pilos; bodhire cosa a tiradura a manu passandho is cambos in mesu de is pódhighes (es. olia, murta, ma si narat fintzes de animales chi tirant a móssigu) Sinonimi e contrari iltzudhare, ispilicire, ispilujire, ispinnicire, spilissiri | ctr. pilire / irrampare, spibitzai Modi di dire csn: ispilíresi de su dispiaghere, de su disizu = tènnere dispiaghere, disizu mannu azummai de si ndhe dèpere ispilire; i. un'imbriaghera = isfegare, scexiai Frasi sos pudhos si sunt totu ispilidos a bicadas ◊ si moviat che maca ispilíndhesi e abbanzèndhesi che linu suta de s'àlghida 2. sas berbeghes si ant ispilidu sa sida ◊ ndhe amus ispilidu un'àrbure de olia ◊ ant ispilidu sas àlvures chei su cucu: no bi ant lassadu una cariasa! ◊ manzanu babbu ti giughet a ispilire olia 3. eh, ispilindhe si ndh'est de sa gana de triballare!…◊ no mi dias nudha, no mi ndhe so ispilindhe de su disizu! ◊ siscuros, candho bi lis apo nadu, de su dannu, pro unu pagu no si ndhe ispilint! Etimo srd. Traduzioni Francese peler Inglese to unhair, to pluck, to peel, to tear off the hair (fur) Spagnolo pelar Italiano pelare, spelare, spelacchiare Tedesco ausrupfen.

ispilisàre, ispilissàre , vrb Definizione bogare de pare, pilisare / i. una madassa = sòrbere o sciòlliri sa madassa Sinonimi e contrari ispertare 1, ispilusare, ispitzigare, spodhai Frasi fipo totu ispilisada ca fit tirandhe bentu forte ◊ dhi at passau sa manu in conca ispilisandhodhu 2. mi frundhit in cuchina supra de un'istojedha ispilisada 3. su cannedhu de s'ispola che est urrutu a suta de su telarzu e seo dépiu intrare zeo a che dhu ispilissare.

ispilítu, ispilíu ispilídu

ispílla , nf Definizione agúgia fata a lóriga in mesania, cun sa punta a un'ala, e a s'àtera una genia de conca ue intrat sa punta arreschendho po serrare; fintzes una genia de prendha de intrare a punghiduta in su bestimentu che un'ispilla Etimo itl. spilla Traduzioni Francese épingle Inglese pin Spagnolo alfiler Italiano spillo Tedesco Stecknadel.