A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

imbonàe, imbonài, imbonàre , vrb Definizione tzucare, essire a unu logu; su pesare o aghedare de su pane (impastu) chi dhi ant ammesturau su frammentu; rfl. fintzes pònnere petza, abboniare de petzas, ingrassare / pane imbonau = pesadu, axedu, a puntu zustu pro lu còghere Sinonimi e contrari abiai, andai, impunnai, tocai 1 / imboniare / imprupire | ctr. allassorie Frasi - Aundi imbonas, piciochedhu? - A bidha! ◊ si m'imbarco m'imbono a sa corte de su re ◊ seus un'ora biaxendi, ma a innui seus imbonendi? ◊ si atuat sa màriga e imbonat a su grifoni 2. ciarreri arriu movit sítzili imbonau a mari 3. si mi los das, in tempus de unu mese finas sos porcos metzanos si podent imbonare Etimo srd.

imbonetàre , vrb Definizione pònnere su bonete, a bonete in conca Etimo srd.

imbonía , nf: imbonita Sinonimi e contrari abboniada, imbonidura Etimo srd.

imboniàre , vrb Sinonimi e contrari ammadricare / abboniare, imbonai Etimo srd.

imbonidúra , nf Definizione su imbonire Sinonimi e contrari imbonia Etimo srd.

imboniméntu , nm Definizione su imbonire Sinonimi e contrari imbóniu, mezoramentu | ctr. pejoramentu Etimo srd.

imbonínzu , nm Definizione su imbonire Sinonimi e contrari imbóniu, mezoramentu | ctr. pejoramentu Etimo srd.

imboníre, imboníri , vrb Definizione pònnere o cambiare in bonu, in méngius (fintzes de petza in sa carena); su pesare de sa pasta cun su frammentu (foedhandho de fémina, improssimare)/ imboniu = (nau de su forru) chi est a puntu giustu de budhiore po còghere su pane Sinonimi e contrari abboniare, ammellorai / pesare | ctr. pejorare Frasi est beniu po imboniri is trevessus e po dhus agiudai a pentzai coment'e is giustus ◊ su tempus si nche fit imboniu ◊ sa robba in s'ebra meda si est imbonia in d-una cuindixada ◊ s’ómine si est imboniu che porcu in tula de landhe 2. sas féminas mutias pro azuare a fàchere sa cota fint paraas ispetandhe a imbonire sa pasta 3. Fulanu at imboniu sa muzere Etimo srd. Traduzioni Francese améliorer Inglese to improve Spagnolo mejorar Italiano migliorare Tedesco verbessern.

imboníta imbonía

imbóniu , nm Definizione su imbonire, su si pònnere in bonu de sa salude, de su tempus, de sa sorte o àteru Sinonimi e contrari imbonimentu, mezoramentu | ctr. pejoramentu Frasi paret chi custu tempus no tenet imbóniu ◊ su chi contat est chi tenzat imbóniu sa salude! Etimo srd.

imbonòra , nf Definizione in bona ora: disígiu e ura de andhare o de fàere viàgiu chentza male, chentza dannu / dare s’i. a unu (candho est tzucandho a logu).

imbórbida, imbórbita , nf: imbórvita Definizione sa cosa chi si giaet po is ànimas, sa chena de is mortos, su pratu de cosa de papare (petza, macarrones) chi mandhant a is parentes (e bighinos, a gente bisongiosa) po unu mortu a is sete o is noe dies de sa morte, fintzes sa chena de is parentes de su mortu apustis de s’interru Sinonimi e contrari aconnortu, cantzolu, ispajone, moltànscia Terminologia scientifica sntz Etimo srd.

imborodhàre , vrb Definizione fàere imborodhos, atzorodhos, cosas fatas male Sinonimi e contrari abbaunzare, aciorobedhare, coredhai improdhai, inciapugliare, indrovigare.

imborodhéri , agt, nm Definizione chi o chie faet imborodhos, improdhos, cosas fatas male Sinonimi e contrari ciaputzeri, coredheri, impiasteri, improdheri.

imboródhu , nm Sinonimi e contrari abbaunzu, aciorodhu, coredhu, impiastru, impródhiu, mistréllia, mugoni Etimo srd.

imborrogài , vrb Definizione imbuscinare una cosa in sa farra, in sa terra o àteru a manera de dhi fàere unu pigighedhu, o de s’imbrutare Sinonimi e contrari imbardulare, imbultare, orroigai Frasi cun sa ciúrfua iscallara imborrogastis un'istràciu po fai su luchitu ◊ nosu imborrogaus sa petza in sa farra ◊ mi seu imborrogau is manus cun cussa colla ◊ at imborrogau is interrutoris cun sa manu insanguentada ◊ su gatu s'est totu imborrogau in su ludu, depit èssiri chi at certau cun àteru gatu.

imbortàre , vrb Definizione mudare, cambiare Sinonimi e contrari boltare, cambiai Frasi su bentu si che fit imbortadu dae maestrale in grecale (F.Dedola)◊ dae niedhu si fit imbortadu a ruju Etimo srd.

imbortighinàre , vrb: immortiginare Definizione pèrdere is atuamentos coment’e morindho, immadoinandhosi Sinonimi e contrari ammadainare, ammoltighinare, ammortiare, ammortogliare, ammustèlchere, immamoriscare | ctr. abbiatzai, abbiorare Frasi si furint totu imbortighinaos cricandho s'iscusórgiu ◊ pariat chi s'immortiginaiat de su chi aiat bidu

imbortighinàu , pps, agt: immortighinadu Definizione ammortisinadu, benniu mancu immadoinau, nau de gente Sinonimi e contrari ammortiginau, immadoinau, smardoscinau Frasi Busentu ruet immortighinadu, però betendhe sinceru faedhu (S.Lay Deidda)◊ su piciochedhu si fut imbortighinau, pisciau e cagau de s'assíchidu Etimo srd. Traduzioni Francese assommé Inglese senseless Spagnolo desmayado Italiano tramortito Tedesco betäubt.

imbortzighinadúra , nf Definizione su imbortzighinare Etimo srd.