A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

millímetre, millímetru , nm Definizione de su metro ispartziu in milli, una parte síngula, una de milli (incurtzau, mm.) Traduzioni Francese millimètre Inglese millimetre Spagnolo milímetro Italiano millìmetro Tedesco Millimeter.

millína , nf Definizione milli e prus de milli Sinonimi e contrari migliare, mila Frasi su tantu issoro fit miríades de miríades e millinas de millinas (N.Rubanu).

milliòne, milliòni , nm Definizione milli bortas milli, suma de milli migliaris Traduzioni Francese million Inglese a million Spagnolo millón Italiano milióne Tedesco Million.

millionístu , agt, nm Definizione chi o chie tenet milliones Sinonimi e contrari milionàriu Frasi chi bendis cussu corratzu mannu, ingunis, tui ti fais millionistu! ◊ chi po dogna pimpiridu de paperi óbbrigas a ti donai unu sodhu, acabb'e un'annu benis millionistu! ◊ immoi chi est millionistu est a postu po cantu bivit Traduzioni Francese millionaire Inglese millionaire Spagnolo millonario Italiano milionàrio Tedesco millionenschwer, Millionär.

milliorài megliorài

millioría mezoría

millíre , vrb Definizione regulare, pesare o cunsiderare bene a fine su chi si faet o chi si narat chentza iscassedhare, giare atentzione meda a si regulare Sinonimi e contrari | ctr. iscascedhai Frasi issa no deviat millire in nudha, mancu in d-un'oxada, si deviat cumportare che a sòmpere!(S.Saba)◊ custu casu pesat duos chilos: no millit nudha!

millòne , nm: mullone, mulloni Definizione pedra de làcana, pedras acostadas o postas ammuntonadas inue si atóbiant tres làcanas, ma fintzes pedra síngula, trebballada, a truncu cónicu in oru de istrada; pedra arregorta a muntone in is terras prenas a laore, pedra manna, fintzes muntone de àteru; pedras fraigadas a bisura de calecuna cosa po arregodare a unu; su contrapesu de is pesas o istadeas Sinonimi e contrari mammulloni, muntone, tirrione / monumentu / pirone, romanu Frasi a una parti sa miza, a s'àtera dus mullonis funt is límitis de su terrenu suu ◊ boleis pònniri mullonis a sa misericórdia de Deus?!◊ a parti e àtera de su portabi dhui at unu mulloni 2. no bies che predarjos e rubos e predarjos e mullones de morte (P.Mura)◊ su sede in s'arzola est a mullones mannos 3. s'emigrau méritat unu millone Cognomi e Proverbi smb: Mulloni Etimo ctl. molló

míllu!, mílluru! mídhu!

milòrdo , nm Definizione segnorone erricu Frasi mi tia èssere fatu unu milordo, ricu de prata e de oro: curpa issoro so coltzu indepidadu.

miltèla , nf: mistela, mistella Definizione genia de licore pagu forte Sinonimi e contrari rosóliu, semistella Terminologia scientifica bfg Etimo spn. mistela.

mílu , prn Definizione mi lu = a mimi, a mie, dhu, lu… (ccn. cosa): solu cun is vrb. in sa forma de s'impr. o de su ger. aciuntu apustis e totu a unu: torramilu!, istamilu!, naramilu!, leamilu!, torrendhemilu, istendhemilu, nendhemilu, lendhemilu.

mími , prn: ima, mimme, mimmi Definizione prn. de 1ˆ persona sing. siat m. o f. impreau in cmpl. indiretos e cmpl. ogetu: a mimme, che a mimme, cun mimi, de mimi, po mimi Sinonimi e contrari mea 1, mie Frasi commo tocat a mimme ◊ is crabas nd'ant liau de mimi su vicàriu ◊ dh'at torrau a mimi etotu ◊ su coro tuo, bella, chistidhu a mimmi solu, no dh'intreghes a nemmos!◊ acumpanza a mimme puru in caminos de pache! ◊ pro tènnere a mimme, at nau su sóriche, sórico sa soca! Traduzioni Francese moi, me Inglese to me Spagnolo mí Italiano me Tedesco mir (Dat.), meiner (Gen.).

mímina , nf: mínima Definizione su miminare, su torrare o portare una cosa a prus pagu, a prus pitica / nau de ccn., tènnere m. = àere bregúngia credendhosi prus pagu o peus de s'àteru (itl. complèsso di inferiorità) Sinonimi e contrari impiticamentu, irmíngua, irminorigamentu, ispachitzada, méngua, menguonzu, sméngua | ctr. acreschimónia, créschida Frasi est in mínimas s'amore chi usaimis una borta! ◊ in su suircu tessindhe gorfos li cherent fatas sas míminas ◊ sos binos budhindhe faghent mímina Etimo srd. Traduzioni Francese réduction, diminution Inglese reduction, decrease Spagnolo disminución, mengua, merma Italiano riduzióne, calo Tedesco Verminderung, Abnahme, Rückgang, Verkleinerung, Verkürzung.

miminàdu , pps Definizione de miminare Sinonimi e contrari imminoricau, menguau, torrau Frasi sa calura at miminadu ◊ faghindhe su gorfo at miminadu pro fàghere s'ischeadura de su suircu Traduzioni Francese décrû, rétréci, réduit Inglese reduced, restricted, decreased Spagnolo disminuido, menguado, mermado Italiano decresciuto, ristrétto, ridótto Tedesco verkleinert, verkürzt.

miminàre , vrb: minimare Definizione bènnere mancu, torrare a prus pagu, arresurtare prus pagu, prus piticu, torrare agoa de mannària o de cantidade, fàere is míminas Sinonimi e contrari abasciai, amenguai, ilminorigare, immeltzare, immenguare, impagonzare, irminguie, mindigai, minorai, torrae | ctr. ammanniae, crèschere Frasi cantant in sas chentinas miminendhe carradas e mesinas! ◊ imbetzendhe sos annos creschent, ma vertude e briu solint miminare ◊ custa Banca no creschet e antzis la cherent fàghere miminare ◊ creschet su lussu e míminat s'afetu ◊ cun custas sicagnas, sas funtanas sunt miminendhe ◊ sas dies bellas sunis minimendhe (A.Marceddu) Etimo ltn. minimare Traduzioni Francese décroître, rétrécir, réduire Inglese to decrease, to reduce, to restrict Spagnolo disminuir, menguar, mermar Italiano decréscere, restrìngere, ridurre Tedesco vermindern, senken, kürzen, verkleinern.

miminchéri , agt, nm Definizione chi o chie faet is cosas a puntinu fintzes tropu Sinonimi e contrari agataredhosu, pibigosu, pibincheri, pibincosu, pibincu Terminologia scientifica ntl.

miminghéri , agt, nm Sinonimi e contrari dengheri, dengosu, melindrosu, minghenghi

miminíta , nf Definizione erba de agúgias, de agullas, de puntzas, aguzas de santu Giuanne, genia de erba chi bogat unu frore chi candho iscutulat sa fògia abbarrat puntudu paret unu ciou Sinonimi e contrari arrelògius, elbavulcheta, frochitedhas, mammaita Frasi miminitedha, miminitedha, fai fai sa coitedha, miminita, miminita fai fai sa coita! Terminologia scientifica rba, Erodium cicutarium Traduzioni Francese herbe à aiguilles Inglese stork's-bill Spagnolo alfiler Italiano èrba cicutària Tedesco Reiherschnabel.

mimiòla , nf Sinonimi e contrari abbajola, bibbiolanda, mandioba, mariola, pupusedha, tzicamariola Frasi mimiola mimiola, piga su libbru e bae a iscola! Terminologia scientifica crp.