A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

molinàre molinài

molinàrgiu, molinàrju, molinàrzu, molinàzu molinàju

molíndru melíndru

molinédhu , nm: mulinedhu Definizione genia de molinu a manu o a elétricu, pitichedhu, po mòlere cafè aturrau o fintzes àteru (mescamente a granu, es. píbere); abba o bentu chi girant forte a molinadura Sinonimi e contrari maghinedhu, molinete Cognomi e Proverbi smb: Mulineddu.

molinète, molinèto, molinètu , nm: molinitu, mulinete Definizione genia de molinu a manu o a elétricu, pitichedhu, mescamente po mòlere cafè aturrau o fintzes àteru; in is errios mescamente, tretu ue s'abba girat forte a moliadura e si che dh'ingurtit su fundhu, fintzes bentu chi si movet a molinadura / molinetu de tancadura = ue s'intrat sa crae, segundhu sos friscos Sinonimi e contrari maghinedhu, moledha, molinedhu, molixedha Frasi si in s'ora ias pigau su molinetu e ias móliu su cafei ias fatu mellus! 2. cussu tretu de su riu est perigulosu ca s'abba faghet a molinete ◊ ite podet fàchere una foza contra a sos mulinetes de sas traschias?! ◊ su lavandinu za falat, faghet fintzas a mulinete ◊ sos molinetes in s’aera cardiada bulionant e ndhe irraighinant totu dae su terrinu Etimo srd. Traduzioni Francese moulin à café, mixeur, mixer Inglese coffe-grinder, blender Spagnolo molinillo de café, licuadora Italiano macinacaffè, frullatóre Tedesco Kaffeemühle, Mixer.

molingiàe, molingiài , vrb Definizione girare coment'e in sa mola, istare a s'andha e torra de unu logu a s'àteru, istare in giru; fintzes cuncordare o trassare calecuna cosa Sinonimi e contrari arrociare, arruxulare, bandhulare, garronai, istrusciare 2. est citiu citiu parit molingendu caleguna trevessura Etimo srd.

molingiàna , nf Definizione fémina chi atendhet a su molinu o a sa mola po mòlere; burricu fémina postu po mòlere 2. andai a sa bidhixedha chi est innòi: eis agatai una molingiana e cun issa su burrichedhu suu acapiau ◊ benit sétziu asuba de una molingiana.

molingiànu , agt, nm: molinzanu, mulinzanu Sinonimi e contrari molinaju / àinu, borricu, burràgliu, mobenti Frasi como chi so betzu e malandradu fatendhe so su cadhu molinzanu 2. si a unu de bosatrus dhi arruit a su putzu una molingiana o unu bòi ndi dhu tirais a foras luegu, mancai siat sàbudu! Etimo srd.

molíngiu , nm: molinzu Definizione su mòlere; su trigu móliu, mescamente sa farra de paga po sa molidura Sinonimi e contrari maghinonzu, molidura, molimentu 1, molinonzu Frasi is ainas po su molíngiu unu tempus furiant sa mola e su bistiolu 2. su molinàrgiu andàt e torràt totu sa dí, cun trigu o cun molíngiu, de is domus a su molinu e de su molinu a is domus Etimo srd. Traduzioni Francese mouture Inglese grinding Spagnolo molienda Italiano macinatura, molitura Tedesco Mahlen, Gemahlene.

molinítu molinétu

molinónzu , nm Definizione su mòlere Sinonimi e contrari maghinonzu, molidura, molíngiu Etimo srd.

mólinu 1 , agt Definizione nau de pedra, chi est bella po fàere a mola, po mòlere Etimo srd.

mólinu 2 , nm: muiu, múlinu Definizione su molinare Modi di dire csn: istare a mólinu = a molinadura, a rodeu de carchi cosa, zúghere a su fúrria fúrria (es. s'ispidu arrustindhe cosa), fintzas a s'inghíria inghíria chentza fàghere nudha de zudu Frasi su nie sighit a falare a múlinu ◊ su mojaresu zuchet un'ape a múlinu ◊ seu pallasina chi su bentu muimui portat a muiu a muiu in is argiolas de su mundu? (D.Maccioni) Etimo srd.

molínu, mólinu , nm: mulinu Definizione machinàriu mannu a motore po mòlere cosa meda, siat laores, olia o àteru (segundhu sa genia: m. de ógiu o de olia, de trigu, de pedra); su logu, sa domo ue su machinàriu est postu / partes de unu molinu: su radu, sa mola (in su m. de s'olia funt duas orrodas poderadas impare, prantadas, cun s'àrbure o albureta), sa supressa, su separadore, sa furredha / m. po piscai abba = arroda cun is túvulus po piscai àcua de funtana; m. de bentu = bentu forte chi faghet a moliadura (nadu de zente, chie no tenet frimmesa) Sinonimi e contrari franassu Frasi sos molinos de s'olia triballant in atunzu e mescamente in zerru ◊ unu tempus, s'àcua impelliat s'arroda de is molinus 2. sunt andhadas a molinu a che leare su trigu a maghinare Cognomi e Proverbi smb: Molinu, Mulinu Etimo ltn. molinum Traduzioni Francese moulin, broyeur (macchina), pressoir (luogo) Inglese mill (oil-) Spagnolo molino, lagar Italiano mulino, frantóio Tedesco Mühle, Ölmühle.

molinzànu molingiànu

molinzòne , nm Definizione est ue che betant sa cosa a mòlere, in sa mola sarda Sinonimi e contrari magiolu 1.

molínzu molíngiu

moliòne , nm: mulione Definizione nue forte de bentu chi si movet a molinadura, fintzes àteru chi si movet coment'e molinadura, cosa ammuntonada Sinonimi e contrari bulione, mummugione, mumujolada Frasi un'oreta su bentu a muliones batidu ndh'at sas nues dae mare ◊ si pesant a bolu muntones de piúere a muliones ◊ sa fioca est calendhe a muliones 2. sa machinedha de segare erba lassat s'erba segada a moliones e no isprata Etimo srd. Traduzioni Francese tourbillon Inglese whirl Spagnolo torbellino Italiano vòrtice d'ària Tedesco Luftwirbel, Wirbel.

molionósu , agt Definizione chi faghet a molione, chi si moet a molinadura Sinonimi e contrari tramughinosu Frasi est un'abbolotu molionosu che araganu (S.Arru) Etimo srd.

mòliri mòlere