A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

malagàrre , nm Definizione unu malu: petzu de m. Etimo srd.

malaggàna , nf, avb Definizione genia de tréulu de s'istògomo, ma mescamente mancamentu de gana, o gana contrària de fàere calecuna cosa / a m., de m. = contr'a sa volontade, chentza ndh'àere gana Sinonimi e contrari agrúngiu, ganamala, isvilimentu / malaboza 2. puru de malaggana, si ponit in camminu e bandat a sa bidha acanta a circai unu gopai Etimo srd. Traduzioni Francese à contrecœur Inglese unwillingly Spagnolo de mala gana, a regañadientes Italiano malvolentièri Tedesco ungern, widerwillig.

malagganínu , avb Definizione a m. = ammarolla, contras a sa gana, contras a sa volontade, ammalaògia.

malaggradéssiu , agt Definizione chi no est aggradéssiu o chi est pagu aggradéssiu Etimo srd.

malàghera malàera

malagolóstia , nf Definizione its, malauta? Frasi no ndh'isco oje it'est su chi at imbertu: est totu angustiada e de malagolóstia.

malaidàre , vrb: ammaladiai* Definizione orrúere a malàidu, ingòllere maladia Sinonimi e contrari apuntorai, ilmaladiare, tunconire | ctr. sanai.

malaidítzu , agt Definizione chi est pagu sanu, unu pagu malàidu, chi s'immalàidat fatuvatu Sinonimi e contrari maladióngiu, malaidosu, malesanu, tacadu, temósigu, tunconidu, tzimiliosu Frasi malaiditza fit dae minore e pagu sana a giòvana est restada Etimo srd.

malaidógnu, malaidóngiu, malaidónzu maladióngiu

malaidósu , agt: malavidosu Definizione chi o chie est pagu sanu, tenet neghe a sa salude Sinonimi e contrari aciacosu, maladióngiu, tunconidu | ctr. sanu Frasi sas àmbrias de sa cambigana, frigadas che una pumada in sa parte malaidosa, faghent bene pro sos dolores romàticos ◊ sa pitzinna fit minujedha e malavidosa, ma candho giuchiat su bundhu no resessiant a la mantènnere ómines mannos ◊ su maridu fit semper malaidosu e si che li fit mortu Traduzioni Francese maladif, souffreteux Inglese sickly Spagnolo enfermizo Italiano malatìccio Tedesco kränklich.

malàidu malàdiu

malaígere, malaíghere , vrb: malarixi, maledixi, maledíxiri, maleíchere, maleígere, maleíghere, maleixi, maleíxiri, malerixi Definizione betare maleditziones, disigiare males a unu o a una cosa Sinonimi e contrari frastimai | ctr. benedixi Frasi pianghet e suspirat su terrinu maleighendhe s'atrivida manu, cudha chi at iscricadu su lominu (G.Monzitta)◊ sorga e nura torrant a malerixi e a si frastimai Etimo ltn. maledicere Traduzioni Francese maudire Inglese to curse Spagnolo maldecir Italiano maledire Tedesco verfluchen.

malaisciòne, malaissiòne maladissiòne

malaítu mabadítu

malaíu, malàiu malàdiu

malajàna , nf, nm, iscl: malejanu Definizione mala zana: sorte lègia, male; genia de frastimu: anchi tengat arrori, mabasorti Sinonimi e contrari mabasorti / arràbiu!, lampu!, malasorte!, male! Frasi donzi borta chi mi provo a bogare a pizu carchi faina paret chi si mi apíliet su malejanu 2. malajana, ti pasches de sàmbene innossente! ◊ su bentu, malajana!, cussu za lu timiant ca lis podiat brusiare sas piatzas de su carbone ◊ malajana, sos carabbineris li ant trabentau focu e li ant chimentau su bratzu! Etimo srd. Traduzioni Francese zut! Inglese damn! Spagnolo ¡mal dolor te dé! Italiano accidènti! Tedesco verdammt!, verflucht!, zum Teufel!, verflixt!, verwünscht!

malajàna 1 , nf: mebiana, meleana, meliana, miliana Definizione mela de zanas, rúbia de padente o fintzas sambucu areste, genia de matighedha chi assimbígiat unu pagu a su laru Sinonimi e contrari sambignu, siserbi Terminologia scientifica mt, Viburnum tinus Etimo srd. Traduzioni Francese viorne-tin, laurier-tin Inglese laurustine Spagnolo durillo Italiano laurotino, lentàggine Tedesco Lorbeerschlinge.

malallutrinídu , agt Definizione chi no dhi ant giau educatzione, chi est maleducau Sinonimi e contrari malarrispetau, maleducadu, malechischiau | ctr. educau Frasi bi at zente chi est malallutrinida Etimo srd. Traduzioni Francese mal élevé Inglese impolite Spagnolo maleducado Italiano maleducato Tedesco unerzogen, ungezogen.

malamanèra , nf Definizione manera esagerada de fàere cosa, malammodida, a tropu.

malamída , nf: mebabida, mebamida, melamida, melanida, melemida, melonida, meomida, meramida Definizione genia de erba chi portat longa longa siat s'arraighina chi calat a fundhu meda e siat su cambu, chi faet a cannàile longu, fine fine, s'imbodhigat totu a s'àtera cosa e bogat frores a campanedha de colore asulu, orrosa, biancu / calidades: melamida manna (Convolvulus sepium), un'àtera a frores orrúbios (Convolvulus althaeoides) e fintzes un'àtera genia de erba diferente (Fallopia convolvulus); melamidedha = àtera calidade de sa matessi erba (Convolvulus cantabrica); malamida marina = una zenia de cust'erba chi faet in logu de mare (Convolvulus elegantissimus); melamida burda = crocoriga aresti (Bryonia dioica) o fintzes itl. céncio mòlle minóre (Kickxia elatine) Sinonimi e contrari aligadorza, campanedhas, leadorza, marmida, mimira Frasi sa pastura po is brebeis est pagu: sa mebamida no est créscia chescedosus po dhas prandi (Gn.Piu) Terminologia scientifica rba, Convolvulus arvensis, C. cantabrica, C. elegantissimus, C. althaeoides, Calystegia sepium Traduzioni Francese volubilis, liseron des champs, vrillée, liseron des haies Inglese bearbind Spagnolo correhuela Italiano vilucchièllo Tedesco Ackerwinde.