A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

maletéri , agt Definizione ómine fàcile a si dha pigare po maleta, chi no padit brullas, chi si ofendhet luego Sinonimi e contrari asciosu, assumbrósigu, aumbraditu, primmósigu, strugnu Etimo srd. Traduzioni Francese susceptible Inglese touchy Spagnolo susceptible Italiano permalóso Tedesco übelnehmerisch.

maletísta , nm Definizione chie s'ispàssiat a giare maleta a is àteros Sinonimi e contrari befajolu, befianu, bufoneri, ciacoteri.

maletrassàdu malatrociàu

maletratàre malatratài

maletràtu , agt Definizione male tratu, matratu, chi istat male, làngiu Sinonimi e contrari maltratu* / maletratau Frasi sa pitzinna est maletrata e no resessit a si règhere ritza ◊ fit unu catedhu maletratu irbandhonau ◊ at bidu un'ómine maletratu e male vestiu coment'e unu peduglianu.

maletzài , vrb: ammabetzai, meleciare, melessai, meletare Definizione impromítere unu castigu po su male chi si faet o fintzes po calecuna cosa chi no si bolet Sinonimi e contrari ammenetzare*, assenetzare Frasi fiant maletzendidhu de dhu bociri ◊ cussu predi est sempri melessandu inferru e dimónius ◊ meleciannodhu ses?!

maletzósu , agt: ammeleciosu*, melessosu Definizione chi ammeletzat, chi faet a tímere calecuna cosa o promitit cosa de tímere Sinonimi e contrari menetosu, minateri Frasi merxani si parat innantis a s'argalla maletzosu ◊ si nd'est incrarau unu cani, melessosu, castiandumí a culurdogu.

maleúca , nm Definizione maladia chi benit a buca: faet a essiduras coment'e bubburuchedhas Sinonimi e contrari bucamala Frasi bi at annadas chi su bestiàmine est totu a maleuca Terminologia scientifica mld Etimo srd. Traduzioni Francese stomatite Inglese stomatitis Spagnolo estomatitis Italiano stomatite Tedesco Stomatitis, Mundschleimhautentzündung.

malevadàdu, malevadàtu, malevadàu malafadàu

malevadía, malevaldía, malevardía malavadhía

malevaedhàdu malefavedhàu

malevàtu mabivàtu

malevidàtu , agt Sinonimi e contrari alevosu, ifidau, isfidau, traitore, traixinu | ctr. fidadu, securu Etimo srd.

malfusàda , nf Definizione fata de marfusos Sinonimi e contrari arrusa, astrúscia, malinnidade, malíscia, malesa, marfuseria, transa Frasi in cussu tribàgliu no bi ndh'at de malfusadas! Etimo srd.

malfusidàde , nf Definizione su èssere malfusos Sinonimi e contrari malinnidade Etimo srd.

malfúsu , agt: marfusu Definizione nau de ccn., chi portat trassas, chi no est singillu Sinonimi e contrari chentupizas, fraissinu, fulbu, maciaresu, marfuseri, marrascu, prinnigheri, totupizas Frasi cheret chi ti fatas malfusa e abbista ◊ a connòschere un'ómine marfusu bi cheret tempus ◊ a sa funtana de su perdonu sos fizos mirant cun chizos marfusos ◊ si ses dotori marfusu, preparau e inteligenti, lassa a parti s'asurímini! ◊ su furone, marfusu, po istraviai is àndhalas s’iat fatu ferrare su cuadhu a su traessu Etimo spn. marfuz Traduzioni Francese rusé, malin, astucieux, hypocrite Inglese wily, false Spagnolo listo, hipócrita Italiano furbo, accòrto, scaltro, ipòcrita Tedesco schlau, pfiffig, Heuchler, Hypokrit.

malgaída , nf Definizione genia de frore de campu a bisura de sitzia Frasi ue no aiant tzapitadu, onzi tantu annotaia calchi pinzellada de malgaidas grogas.

malgiólu magiólu

malgòne , nm: margone Definizione genia de pigione mannu chi faet in logos benatzosos (paule, lagu), dormit e faet su niu in s'abba: est pigione chi in Sardigna nidat puru e faet is pudhighinos a ispertiadas biancas e niedhas; nau de gente, unu chi giughet trassas Sinonimi e contrari gangorra / fraíciu, trassosu 2. bentos trasuleris e margones l'ant ammajadu e trobeidu! Terminologia scientifica pzn, podiceps cristatus Etimo ltn. mergo, -onis Traduzioni Francese grèbe Inglese loon Spagnolo somorgujo Italiano svasso maggióre Tedesco Haubentaucher.

malgúra , nf: amalgura*, margura Definizione su sabore marigosu de su chi acontesset a unu de male, de dannu, de su chi dhi andhat in contràriu Sinonimi e contrari amaresa, amargori, dispiachere, tragu Frasi in custu mundhu no pro isagura a su frade su frade dat margura (M.Salis)◊ no as de ndhe collire margura! ◊ fit cun su coro pienu de margura.