A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

piscixédhu pischighédhu

piscixédhu 1 , nm Definizione piscaredhu de muru, bobboitedhu piticu, longhitu, de forma a bisura de pische postu de ladu, bianchedhu asuta, cun tantos peighedhos, e de colore lúghidu in pitzu: faet in logu de paperi (chi papat) e no solu e no essit a sa lughe Terminologia scientifica crp, lepisma saccharina, ctenolepisma targionii, thermobia domestica. Traduzioni Spagnolo pececillo de plata Italiano pesciolino d'argento

piscobía , nf Definizione is domos inue istat su píscamu in sa sede de sa diócesi Sinonimi e contrari obispau.

pisèdha , nf Definizione pipia de pagos annos, ma fintzes picioca e fémina manna puru giòvona ancora Sinonimi e contrari piciochedha Frasi bi at pisedhas delicadas e fatas a pintura chi incantant a sa mirada! 2. Mamai Tzitza fit restada batia pisedha e chin maigantos fizos Etimo ltn. pisinna (cun àteru sufissu).

pisedhàda , nf Definizione nada o fata de piciochedhos, a conca de piciochedhos Sinonimi e contrari pitzinnada Etimo srd. Traduzioni Francese enfantillage Inglese childish action Spagnolo niñería Italiano bambinata Tedesco Kinderei, kindliches Geschwätz.

pisedhàmine , nm Definizione pisedhos, piciochedhos (nau unu pagu a disprétziu) Sinonimi e contrari pisedhina Etimo srd.

pisedhía , nf Definizione totu su tempus chi unu est pisedhu, giòvono Sinonimi e contrari gioventude, pisedhidade Frasi sunt sos ammentos de sa pisedhia chi s'intristant che a mie imbetzendhe ◊ est torra fiorida sa pisedhia, in su coro Terminologia scientifica vda Etimo srd. Traduzioni Francese jeunesse Inglese youth Spagnolo juventud Italiano giovinézza Tedesco Jugendalter.

pisedhidàde , nf Definizione su tempus de sa vida chi unu est pisedhu, giòvono; sa gente giòvona Sinonimi e contrari gioventude, pisedhia Frasi su mundhu at su malu e su bonu, sa betzesa e sa pisedhidade (G.Ruju)◊ at passadu sa pisedhidade sempre istudiendhe 2. a dies de oe sa pisedhidade est tota a bértula isorta Terminologia scientifica vda Etimo srd. Traduzioni Francese jeunesse Inglese youth Spagnolo juventud Italiano giovinézza, gioventù Tedesco Jugendalter, Jugend.

pisedhína , nf Definizione pipios matucos e piciochedhos Sinonimi e contrari edora, feduliu, fegliutina, fratamaza, pagina, pibidhia, piciocalla, pitzinnàglia, ratatúglia, rustia / cdh. pipiàglia, stidhina Frasi sa pisedhina li ponzeit fatu comente a su preíderu candho essit a betare s'abbasanta ◊ che assiles nois pisedhina lompiaimis a chimas de sa solzaga ◊ bi at acudidu zente manna e pisedhina ◊ sa piata sentza pisedhina paret beranu sentza rundhinedhas Etimo srd. Traduzioni Francese les enfants Inglese children Spagnolo los niños Italiano i bambini Tedesco die Kinder.

pisedhòne , nm Definizione pisedhu mannu, piciocu mannu Sinonimi e contrari piciocone Frasi mi ammento de candho andhaimis a carrascialare, deo minore e tue pisedhone.

pisédhu , nm Definizione denti de béciu, de bècia, basoledhu atzudu, genia de erba chi faet a cambu in terra che a su pisucre, o fintzes a in artu, e faet una teghighedha cun d-unu o duos granos che una faighedha atzuda, bona po su bestiàmene e fintzes po sa gente (ma a ndhe papare tropu faet male, est toscosa, difatis pipiu apisedhau = piciochedhu chi tenet neghe a fortza de papare pisedhu); a logos, una calidade de pane pintau a orrosinita e a serros, po is festas Sinonimi e contrari anchíscia, faisedha, fravaria, nasedhu, písiri, pisuvà, tresatzas Frasi passàt in giru un'ominedhu narendi ca molliat trigu, orxu, fà, cíxiri e pisedhu ◊ su minestroni cun pisedhu dèu a pipia dhu grisai poita sciemu ca portàt facioni Cognomi e Proverbi smb: Piseddu Terminologia scientifica lrs, Lathyrus sativus Etimo srd. Traduzioni Francese gesse Inglese chickling Spagnolo almorta Italiano cicérchia Tedesco Platterbse.

pisédhu 1 , nm Definizione pisedhu o pisu de coloru, una genia de erba chi faet a cannàile longu e bogat una teghighedha cun su granu Sinonimi e contrari chérigu, cogodi Terminologia scientifica rba, Lathyrus aphaca Traduzioni Francese lathyrus Inglese grass-pea Spagnolo afaca Italiano àfaga Tedesco Rankenplatterbse.

pisédhu 2 , nm Definizione una calidade de pisu, fasolu brenti de mòngia, corru de craba o fintzes pisolu faci de ómini Sinonimi e contrari fasedhu, fasoluniedhu, pisighedhu Terminologia scientifica lrs, Vigna unguiculata.

pisédhu 3 , nm, agt Definizione su cristianu candho tenet pagos annos: si narat de su piciochedhu (fintzes pipiu no tropu piticu), de su piciocu matucu, de su giòvono, ma fintzes (solu coment'e agt.) de ómine mannu no tropu antzianu (a/c.: candho si chistionat cun àtere, medas o pagos o unu solu, si narat fintzes in fràsias de meravíglia in forma pl.)/ su p. podet èssere: bonu, minore, mannu, bellu, cabosu, malu, abbistu, síncheru, faularzu, atrividu, botosu, paghiosu, arrebbugiu, mauchedhu, e àteru Sinonimi e contrari bibbigorredhu, pàgiu, picinnu, pipiu / giòvanu, minore, piciocu, pilocu | ctr. béciu, mannu Frasi sos pisedhos si daent a su zogu ca no tenent sos pidinos de sos mannos ◊ sos pisedhos minores… a s'asilo! ◊ a pisedhu fit unu rundhellu, ma a mannu at fatu una cambiada!…◊ pisedhos e pudhas imbrutant su logu 2. no fit betzu meda: fit ancora pisedhu candho est mortu ◊ che tenet prus de setanta annos ma cumparit pisedha meda 3. pisedhos mios, no bos faghet meraviza, custa cosa?! ◊ pisedhos mios, a ndhe cherides bídere de funtzione, a si che colare a sa resone chentza ndhe àere!… Cognomi e Proverbi smb: Piseddu Etimo ltn. pisinnus (cun àteru sufissu) Traduzioni Francese enfant, jeune garçon Inglese kid, child Spagnolo niño, chico Italiano bambino, ragazzino Tedesco Kind, kleiner Junge.

pisédhu 4 , nm: pisellu Definizione genia de laore chi assimbígiat unu pagu a su pisu, a tega prus curtza, a granos tundhos e prus piticos, druche de sabore: si papat a friscu Sinonimi e contrari pisu 2, pisuci, písulu, presúrtzisi Terminologia scientifica lrs, Pisum sativum Etimo itl. Traduzioni Francese petit pois Inglese pea Spagnolo guisante Italiano pisèllo Tedesco Erbse.

pisedhútzu , agt, nm Definizione chi est pitichedhu, pisedhu minore, mescamente de carena Frasi candho est tucadu za fit pisedhutzu, ma como ch'est mannu ◊ ndhe istupant duas pisedhutzas chin d-una córvula de arga e che la iscràbigant a su muntonarzu Etimo srd.

piséllu pisédhu 4

pisentínu pisantínu

pisércu , nm Definizione piciochedhu (f. -a) Sinonimi e contrari bachianedhu, giòvanu, piciocu 2. cherjo avertire su cumandhante de cussos pisercos de mantènnere a frenu su tazu!…

pisibísi , nm Sinonimi e contrari basolugadhinu, faiseta 1, ghirtzoru, pabasolu, píxaru, pisu 3 Terminologia scientifica rba, Vicia sativa.