A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pistidhàe , vrb Definizione imbudhidare meda, fintzes iscagiare Sinonimi e contrari imbudhidae, iscagiae.

pistidhài , vrb: apistidhai, pistidhari Definizione nau de is ogos, apèrrere e tancare is prabaristas impresse, tantas bortas coment'e bolendho abbaidare méngius o chentza arrennèscere a bíere bene, o fintzes timendho una manigiada, unu cropu Sinonimi e contrari intzinnire, ispinnulare, pistincai Frasi at fatu unu pràngiu de cosas lichitosas chi faint isciabudhai s'istògumu, pistidhai is ogus! ◊ iscummiteus: a chini pistidhat is ogus pagat a bufai! Etimo srd.

pistidhàre , vrb Definizione pònnere is pistidhos, pedras de làcana tra una propiedade, unu terrenu, e àtera Etimo srd.

pistidhàre 1 , vrb Definizione fàere pistidhore, abbruxore, fàere nàrrere pistidha! po cosa budhia o chi punghet o tastandho cosa pitzigorosa, giare ifadu / no lu pòdere p. = no dhu pòdiri baliai, no dhu pòdere padire Sinonimi e contrari piciai, pistidhire, spurtiri Etimo srd.

pistidhàre 2 , vrb Definizione fàere sa saba; isciúndhere is oruletas in su mele Etimo srd.

pistidhàri pistidhài

pistidhàu , nm Definizione ispétzia de turta o turrone fatu cun chíghere pistau e cotu cun saba o fatu cun méndhula e mele; saba cun chiu postu in su fogu a cagiare po fàere caschetes Sinonimi e contrari pistidhu 1, tzidhina Terminologia scientifica drc Etimo srd.

pistidhènti , agt Definizione chi pistidhit, pítziat, nau de cosas chi punghent o de papare chi tenent sabore forte Sinonimi e contrari piperosu, pissiosu Etimo srd. Traduzioni Francese piquant, poivré Inglese peppery Spagnolo picante Italiano pizzicante, pepato Tedesco scharf, pikant.

pistídhi , nm: pistidhu 2 Definizione abbamele prus cagiada; genia de druche fatu cun pasta e mele Frasi sa chera si lavat chin s'abba e si faghet s'abbatu o abbamele, o pistidhu, budhíndhela e consumíndhela fintzas chi est ghelada ◊ pistidhu e binos bonos sunt bufendhe 2. sas durgalesas fachent sas panedhas de pistidhu chin su mele intro ◊ in sas tibazas istérrias ant postu sa peta e una córbula de pane-pistidhu Terminologia scientifica drc Etimo ltn. pistillum.

pistídhi! , iscl Sinonimi e contrari pisti!, pistidha! Etimo srd.

pistidhíre , vrb Definizione fàere pitzigore, abbruxore, fàere nàrrere pistidha! po cosa budhia o chi punghet o tastandho cosa pitzigorosa Sinonimi e contrari piciai, pistidhare 1, pistire, spurtiri Etimo srd. Traduzioni Francese brûler Inglese to burn Spagnolo quemar Italiano scottare Tedesco brennen.

pistidhòne , nm Definizione minestra fata cun freguledha e oos Sinonimi e contrari pistizone* Terminologia scientifica mng.

pistidhòre, pistidhòri, pistidhóriu , nm: pistidhuri Definizione su pistidhire po abbruxadura o maladia; genia de erba, de diferentes calidades ma totu prenas de puntighedhas piticas chi punghent e faent a ispirtidura: segundhu sa calidade dhi narant ‘fémina’ (U. pilulifera), o ‘mascru’ (U. dioica) Sinonimi e contrari budhiorza, pistidhu 4, spultori / bistiori, boltíula, granudu, ociada, oltija, picianti, pistígia, pistioli, pitigallella, pitziafui, puntriga, pústica, spitzuafua Frasi sa cussorja est lubada de pistidhori ◊ bufant arculentu, frazia, pistidhori, sentziana, doradilla pro meichina Terminologia scientifica rba, Urtica atrovirens, U. dioica, U. pilulifera, U. urens Etimo srd. Traduzioni Francese ortie Inglese hedge-nettle Spagnolo ortiga Italiano ortica Tedesco Brennessel.

pistidhósu , nm, agt Definizione pistidhos, druches cun símbula cota in su mele o in binu; segundhu de ite si narat, chi pistidhit Sinonimi e contrari ispurtidhosu 2. custu sole est pistidhosu Terminologia scientifica drc Etimo srd.

pistídhu , nm Definizione sa parte de apalas de sa conca, tra su tzugu e su cúcuru / su fossu de su p. = genia de fossighedhu chi si paret, in gatzile, mescamente segundhu comente si portat posta sa conca Sinonimi e contrari assili, chelfija, gassile 1, tidíngia, tubitzu Frasi e unu cropu de mallu a su pistidhu! Cognomi e Proverbi smb: Pistiddu Terminologia scientifica crn Etimo srd. Traduzioni Francese nuque Inglese nape Spagnolo nuca, cogote Italiano nuca, collòttola Tedesco Genick.

pistídhu 1 , nm Sinonimi e contrari pistidhau, pistidhosu Terminologia scientifica drc Etimo srd.

pistídhu 2 pistídhi

pistídhu 3 , nm Definizione pedra chi si ponet in sa làcana a singiale intremesu de duos terrenos o propiedades diferentes.

pistídhu 4 , nm Definizione su pistidhire, calore forte, pitziosu Sinonimi e contrari budhidore, pistidhore Frasi su piciochedhu at camminau oras e oras in su pistidhu de su soli (M.A.Cappai) Etimo srd.

pistidhúdu , agt Definizione nau de ccn., chi portat trempas grassas, prenas Sinonimi e contrari trempedhudu, trempudu Etimo srd.