A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

prupàra , nf Definizione genia de unchinu o cancarrone a tantas puntas (amos) po piscare prupu Terminologia scientifica ans.

prupèdha , nf Definizione babbucedha, genia de animaledhu de mare, de diferentes calidades Sinonimi e contrari babbúcia Terminologia scientifica anb, rossia macrosoma, sepiola rondeleti, s. vulgaris.

prúpu , nm: pulpu, purpu Definizione genia de animale de mare, chentza ossu, a prupa bianca, totu a farrancas longas (oto) a setzione tundha e sèmpere prus fines a cara a sa punta, cun bentosas a filera in totu sa longària (is sidhos), chi comente si ponent si apicigant a sa cosa e dhi permitint de camminare: duas calidades (eledone moschata, e. aldovrandii), chi faent abbitu meda in is mares sardos, portant una filera ebbia de sidhos; nau in cobertantza, unu chi est pagu abbistu, chi si lassat cullonare; genia de infetu a s'ogu, candho is venas s'ingrussant e s'ogu si faet orrúbiu / in su p. si distinghet: sa nuxi, conca o piberera, is cambas, is sidhus, sa buca; àteras calidades de p. = prupu biancu, p. muscau, p. giudeu (a una filera ebbia de sidhos); prupu cotu postu in s'axedu = cabutzellu; prupixedhu = cosa chi creschet coment'e tumore, e fintzes tumore etotu (is chi creschent in su nasu: coscanos, itl. pòlipi) Cognomi e Proverbi prb: prupu aguantau, pràngiu assigurau Terminologia scientifica anb, octopus vulgaris Etimo spn. Traduzioni Francese poulpe Inglese octopus Spagnolo pulpo Italiano pólpo Tedesco Krake.

prupúdu , agt: pulpudu, purpudu, purputu Definizione chi portat prupa meda (nau de gente, fintzes chi est a bentre manna, grassu) Sinonimi e contrari purposu / ttrs. puipósigu 2. sa parti prupuda de is figumoriscas si fiat purdiada Etimo srd. Traduzioni Francese charnu Inglese fleshy Spagnolo carnoso Italiano carnóso Tedesco fleischig.

prupúdu 1 , agt Definizione nau de unu, chi est tontatzu a bisura de prupu Sinonimi e contrari ballalloe.

prupúzu , nm, nf: pulpuza, pulpuzu, purpuza, purpuzu Definizione prupa etotu, ma mescamente segada a piticu po papare Sinonimi e contrari carre, peta, pipuzu, prupa / cdh. pulpúcia Frasi in su purpuzu za bi faghet, mih! ◊ pulpuzas de carre ◊ fizos, pulpuzos de su coro meu, in bon'aura bos apo penadu (P.Casu)◊ pro sa panada bi cheret pulpuzos de peta de anzone, o de porcu anniju o de ambidha Cognomi e Proverbi smb: Purpuza Etimo srd. Traduzioni Francese pulpe Inglese pulp Spagnolo pulpa despedazada Italiano pólpa Tedesco Fleisch.

pruràle pluràle

prus piús

prusabbéru , avb Sinonimi e contrari abberu.

prusapiàciu, prusapiàtzu , cng Definizione foedhu cumpostu cun prus po significare una cosa o fatu prus de un'àtera, a su postu de un'àtera Sinonimi e contrari masaprestu, piusaprestu, progai Frasi nami prusapiatzu comente seis istaos de acordu cun frade tuu! ◊ drutzeria no: prusapiatzu un'àtera tassighedha de binu! (M.Deiana)

prusapréstu piusapréstu

prusatótu, pruscatótu, pruschetótu , avb Definizione prus a totu, che totu: prus chi no po àteru Sinonimi e contrari assimas, mascamente, mesche, pertzipu Traduzioni Francese surtout Inglese above all Spagnolo sobre todo Italiano soprattutto Tedesco vor allem, über alles, insbesondere.

pruspàre , avb Sinonimi e contrari mascamente Frasi su sadru at inténdhiu su pesu de s'italianu, a pruspare dea candho s'istadu at cricadu de alfabbetizare a totus ◊ si ciciant po papare totu paris a pruspare sa domíniga.

pruspréstu piusapréstu

prussièra , nf Definizione pruine, prus che àteru su chi bolat aintru de miniera, pruine de pedra Sinonimi e contrari brúere, frussiera Frasi ndi ant ingúrtiu de prussiera is minadoris!…◊ tziu Salvatore fit consumidu dae sa prussiera (L.Pusceddu)◊ tziu Virgíliu est mortu a corant'annus: issu iat istampau su monti e sa prussiera dh'iat istampau is prumonis!

prussitziòne poltisciòne

prússu , nm: brúciu*, prutzu, purtzu Definizione sa parte de sa carena, in s'oru de s'annoigadórgiu, tra sa manu e su bratzu; ue acabbat (e abbutonat) sa màniga de una camisa, de una giacheta, de unu maglione Sinonimi e contrari brucinitu, pungitu / foltza Terminologia scientifica crn.

prutessòne, prutisciòne poltisciòne

prutòne prudòne

prutzénia , nf: pruxénia, pruzénia, pruzínia, pulzénia, purzénie Definizione sa gente coment'e genia, po comente est intrada apare in parentella e dipendhet de is antepassaos, nau fintzes po cosa o gente etotu de dispretziare po su malu fàere o su chi tenet de malu Sinonimi e contrari aredeu, arénsia, arràcia, arrampile, arrépula, eréscia, frugénia, iscrípia, istripa, istripile Frasi sa pulzénia umana ◊ no creia chi arriviat a tantu custa pulzénia maligna! 2. tue, o Luna, no ndh'ischis de custas prutzénias e mandhas sa luche pro totu e no miras a chie ◊ sa càusa de totu custu la tenet sa pruzénia romana Traduzioni Francese descendants Inglese progeny Spagnolo linaje, progenie Italiano progènie Tedesco Geschlecht, Gesindel.