A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sciloriàu , agt: sciolloriau* Definizione chi acostumat a nàrrere isciolórios Sinonimi e contrari illeriadu, irbentiadu, isambrulidu, sciallocau.

scimadúra , nf: scimidura Definizione su segrestare Sinonimi e contrari scimamentu, segrestadura Etimo srd.

scimài , vrb Definizione segare is chimas, is puntas (de is naes, de is matas); menguare, essire prus pagu, bènnere mancu sa cosa, ispaciare su binu in sa carrada (es. budhindho, lassandho s'istrégiu istupau) Sinonimi e contrari isbitare, ischimare*, scirrai / abasciai, amenguai, immeltzare, irmenguai, miminare, torrae | ctr. ammerare, annànghere, crèschere Etimo itl. scemare.

scimaméntu , nm Definizione su scimai; sa méngua de su binu in is carradas Sinonimi e contrari segrestadura / méngua, mímina Etimo srd.

scimbrégu sciambrécu

scimidúra scimadúra

scimingiadúra , nf Sinonimi e contrari scimíngiu Etimo srd.

scimingiài , vrb: insimingiare, sciumingiai Definizione fàere a iscimíngiu, a illuinu, pèrdere su sentidu, pigare coment'e a conca de no cumprèndhere bene fintzes po cosa imbusticada, difícile meda, chi giaet pelea manna Sinonimi e contrari abbadhinare, ammolighinare, atambainare, ibbadhinare, imbatzinare, ingadhinae Frasi est scimingedisí sa conca in mesu de is libbrus ◊ e dèu scimingendumí sa conca circhendi cussa cosa! ◊ càstia ca no tengu tempus de mi scimingiai cun su chi bolis tui! ◊ custu fragu de sigarru mi est peri scimingiandu ◊ a dh'acabbas de bati cussa cosa, ca mi scimíngiat sa conca?! ◊ acabbadha de girai ca mi scimíngiat su logu! Traduzioni Francese abasourdir Inglese to stun Spagnolo aturdir Italiano stordire, scervellare Tedesco betäuben, sich den Kopf zerbrechen.

scimingiàu , pps, agt: iscimingiau Definizione de scimingiai; chi est coment'e pigadu a conca de no cumprèndhere bene, de si pàrrere orruendho, de no istare prantau Sinonimi e contrari ibbadhinau, istontorronau, scilibriu. Modi di dire csn: conca scimingiada (nadu de unu)= chi est irbentiadu; s. che unu mobenti = irbadhinadu che àinu a fortza de zirare sa mola

scimingiósu , agt Definizione chi faet o pigat a illuinu Frasi sa pressioni de su sànguni arta meda est scimingiosa Etimo srd.

scimíngiu , nm: insimíngiu*, sciumíngiu Definizione coment'e furriamentos de conca, genia de immarridura a conca; fintzes pentzamentu mannu po ccn. cosa, cosa chi istrobbat o faet pentzare meda Sinonimi e contrari abbadhinamentu, ammolighinzu, atambainamentu, badhinedha, batzinu 1, imbatzinamentu, loinu, luinore, scimingiadura / apeleu 2. puita connada mia si ndi pigat sciumíngiu?

scimíri , vrb Definizione ispaporare, pèrdere fortza, nau de una sustàntzia Sinonimi e contrari ilbentiare, scimai.

scimprài , vrb: assimprare, scimpriai Definizione fàere essire iscimpru; fintzes pèrdere o fàere pèrdere in parte su sentidu, is atuamentos Sinonimi e contrari allocai, ammachiae, sbalossai Frasi labai ca is iscimprus faint scimpriai is àbbilis! ◊ seu scimprendimidha circhendu cussa cosa! ◊ funt arrabiaus e su pensamentu dhus acabbat de scimprai Etimo srd.

scimpràu , pps, agt Definizione de scimprai Sinonimi e contrari allocau, allochiau, alloriau, atontau 2. scerau, scimprau comenti est no connoscit mancu sa mulleri!

scimpredàdi , nf: scimpridadi Definizione su èssere iscimpros, cosa de iscimpros Sinonimi e contrari scimpresa, scimpróriu / ttrs. iscimpiumu Frasi s’at a parri scimpredadi ca pongu in menti a unu machiori! ◊ medas oi nant ca certas cosas de su passau funt scimpridadis ◊ cun is scimpridadis cosa tua oi abarraus chen'e pràndiri! Etimo srd. Traduzioni Francese bêtise Inglese nonsense Spagnolo tontería Italiano sciocchézza Tedesco Dummheit.

scimprègu sciambrécu

scimprèsa , nf: simpresa Definizione su èssere iscimpros, cosa de iscimpros, su èssere chentza malítzia peruna Sinonimi e contrari bovéntzia, isambrúliu, isempiúmene, lolluine, scimpridadi Etimo ctl., spn. ximplesa, simpleza.

scímpri , agt, nm: scimpru Definizione chi o chie dhi fartat meda s'inteligéntzia Sinonimi e contrari bichillocu, cadhuabba, carusci, innóchidu, ispistulonadu, listrone, macu, scioncu, simple*, tontarrone, trasciadu | ctr. àbbili, abbistu, intelizente Frasi ma it'est, scimpru o basucu tontu, ca no cumprendit nudha?! ◊ mi at pigau coment'e unu macu, coment'e unu pipiedhu scimpri! Etimo ctl. ximple Traduzioni Francese sot Inglese dumb Spagnolo tonto Italiano scémo Tedesco dumm.

scimpriài scimprài

scimpríbi , agt, nm Sinonimi e contrari babbasucu, imprupudhu, scimprotu Frasi cussu chi at imbrutau sa funtana est unu scimpribi! ◊ no dhu potzu suportai: coment'e scimpru mi at pigau, coment'e scimpribi mi at lassau (F.Pilloni) Etimo srd.