A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scorratzài , vrb Definizione bogare o essire de su corratzu, de s'acorru Sinonimi e contrari irmandrare | ctr. acorrae 1, impascialare Frasi su boinarxedhu scorratzàt a mengianu e acorràt a su scurigadorxu ◊ su pastori at scorratzau e nc'est essiu a su sartu.

scórria , nf: iscórria* Definizione tira fine de pedhe chi si acàpiat a sa punta de s'istrúmbulu Sinonimi e contrari foete.

scorriàda , nf: iscorriada*, scurriara Definizione cropu de corria, fintzes tzàcurru de ccn. cosa chi assimbígiat a su chi si faet iscudendho a corria Sinonimi e contrari aciotada, illatigada, iscorriolada / cdh. scurriata / dannu, irbrúnchiu, male Frasi cancuna borta si donànt una scorriada de strubbu puru, candu andaiaus infatu de su carru ◊ no as a bolli cancuna scorriada de pinnigosus?! 2. arràbiu, gei ses una scorriadedha de lampu!…◊ eus biu una scurriara de fogu.

scorriadúra , nf: iscorriadura* Definizione s'iscorriare, su segare o bogare coment'e a corrias, a orrugos Sinonimi e contrari iscorriolada, iscorrioladura, iscórriu, scorriamentu Traduzioni Francese déchirement Inglese laceration Spagnolo desgarro Italiano lacerazióne Tedesco Zerreißen, Zerreißung.

scorriài , vrb: iscorriare*, scurriai Definizione bogare o fàere unu trastu (o fintzes sa pedhe) a corrias, fàere a orrugos a tiradura Sinonimi e contrari ildrigire, ischirriolai Frasi chi no si biat prus genti scorriada a mendigu po su pani a trassa de canis istasius! ◊ su bestiri sempri scorriau teniast ◊ portamu sa giancheta totu scorriada, sa camisa totu istraciulada.

scorriaméntu , nm Sinonimi e contrari iscorrioladura, iscórriu, scorriadura Etimo srd.

scorriolài schirriolài

scórriu , nm: iscórriu*, scúrriu Definizione segada in su traste, in su bestimentu, fintzes in sa pedhe; murrúngiu mannu tra personas Sinonimi e contrari iscorriolada, iscorrioladura / disacórdiu / girma, iscurrúnciu Frasi non bastat su tzàpulu a su scórriu ◊ est castiendi de unu scórriu chi dhui at ◊ depit èssi genti pòbira: in sa canadesa portat unu scórriu impipau ◊ depit èssiri arrésciu, ca in sa giancheta portat unu scórriu ◊ gi est nudha… dh'ant imbístiu e portat unu scórriu de su tzugu a brenti! Traduzioni Francese déchirure Inglese tear Spagnolo rasgón Italiano strappo, squàrcio Tedesco Riß.

scorrobeciàu scarrabeciàu

scorrociàda , nf Definizione atumbada de sa conca a calecunu logu, su giare cropos cun sa conca, ma fintzes cropu a conca Sinonimi e contrari sconchiada, sconcorrada Frasi iat incarrerau a iscudi fintzas a candu una scorrociada no fiat ferta a conca de cussu pòburu arresi Etimo srd.

scorrociài , vrb Definizione segare sa corròcia, sa conca; fèrrere, atumbare sa conca a unu logu, giare cropos de conca Sinonimi e contrari isconchinare, sconcorrai 2. su bòi, pigau de sa matana, cumentzat a screnciai e a scorrociai, donat is corrus a unu truncu e segaus si dhus at Etimo srd.

scorropài , vrb: iscarropai Definizione betare in su corropu, iscavulare o betare de logu artu; betare abba de un'istrégiu a covecadura, a imbuidadura totu impare Frasi po mi ndi pòdiri libbertai de su fàmini mi nc’ia a scorropai in mari! 2. nara ca fut acanta su segrestanu cun sa cracida de s’àcua santa e scorropau nci dh’at s’àcua a murrus, aghinnò ndi dh’iant bodhitu fatu a craboni! (M.Sanna) Etimo srd.

scorrovài scarrovài

scorrovedhài , vrb Definizione coment'e corrovai etotu, nau fintzes in su sensu de dimandhare, de bòllere ischire Sinonimi e contrari scarrovai / chilcare, imbistigare 2. ses scorrovedhandu, scorrovedhandu… apu cumpréndiu agantu bolis erribbai! Etimo srd.

scorrovédhu , vrb Definizione fossu piticu Etimo srd.

scorrovetài , vrb Definizione cricare coment'e a forrogu, pigandho e ponendho sa cosa, iscarragiandho Sinonimi e contrari corrovai, farrogai, iforrogare, isfossighinare, isfrasconare, sfossonai Frasi e ita scorrovetas… iscrixoxu ses circhendi? Etimo srd.

scorrovonài, scorrovunài , vrb Definizione murigare, mòvere sa terra o àteru coment'e cricandho cosa Sinonimi e contrari corrovai, farrogai, iforrogare, iscrucuzonare, isforronciare, scarrovai Frasi est scorrovonendi sa fentana in dogna schinnirura ◊ is piciochedhus immoi s'ingrutant po scorrovonai e circai istrexu antigu chi bendint a martinica ◊ is sirbonis si funt postus a scorrovunai Cognomi e Proverbi prb: a fortza de scorrovonai, is topis ndi essint a pillu Etimo srd. Traduzioni Francese farfouiller Inglese to rummage Spagnolo hurgar Italiano frugacchiare Tedesco stöbern.

scorrufài scarrovài

scorrulédhu , agt, nm Definizione chi o chie iscóviat totu, no mantenet segretu Sinonimi e contrari contaredhu, culivala, isculatzadu, scoviaredhu.

scorrutài , vrb: iscorrutare* Definizione bogare su lutu, lassare de pònnere su bestimentu de dolu.