A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scorratzài , vrb Definitzione bogare o essire de su corratzu, de s'acorru Sinònimos e contràrios irmandrare | ctr. acorrae 1, impascialare Frases su boinarxedhu scorratzàt a mengianu e acorràt a su scurigadorxu ◊ su pastori at scorratzau e nc'est essiu a su sartu.

scórria , nf: iscórria* Definitzione tira fine de pedhe chi si acàpiat a sa punta de s'istrúmbulu Sinònimos e contràrios foete.

scorriàda , nf: iscorriada*, scurriara Definitzione cropu de corria, fintzes tzàcurru de ccn. cosa chi assimbígiat a su chi si faet iscudendho a corria Sinònimos e contràrios aciotada, illatigada, iscorriolada / cdh. scurriata / dannu, irbrúnchiu, male Frases cancuna borta si donànt una scorriada de strubbu puru, candu andaiaus infatu de su carru ◊ no as a bolli cancuna scorriada de pinnigosus?! 2. arràbiu, gei ses una scorriadedha de lampu!…◊ eus biu una scurriara de fogu.

scorriadúra , nf: iscorriadura* Definitzione s'iscorriare, su segare o bogare coment'e a corrias, a orrugos Sinònimos e contràrios iscorriolada, iscorrioladura, iscórriu, scorriamentu Tradutziones Frantzesu déchirement Ingresu laceration Ispagnolu desgarro Italianu lacerazióne Tedescu Zerreißen, Zerreißung.

scorriài , vrb: iscorriare*, scurriai Definitzione bogare o fàere unu trastu (o fintzes sa pedhe) a corrias, fàere a orrugos a tiradura Sinònimos e contràrios ildrigire, ischirriolai Frases chi no si biat prus genti scorriada a mendigu po su pani a trassa de canis istasius! ◊ su bestiri sempri scorriau teniast ◊ portamu sa giancheta totu scorriada, sa camisa totu istraciulada.

scorriaméntu , nm Sinònimos e contràrios iscorrioladura, iscórriu, scorriadura Ètimu srd.

scorriolài schirriolài

scórriu , nm: iscórriu*, scúrriu Definitzione segada in su traste, in su bestimentu, fintzes in sa pedhe; murrúngiu mannu tra personas Sinònimos e contràrios iscorriolada, iscorrioladura / disacórdiu / girma, iscurrúnciu Frases non bastat su tzàpulu a su scórriu ◊ est castiendi de unu scórriu chi dhui at ◊ depit èssi genti pòbira: in sa canadesa portat unu scórriu impipau ◊ depit èssiri arrésciu, ca in sa giancheta portat unu scórriu ◊ gi est nudha… dh'ant imbístiu e portat unu scórriu de su tzugu a brenti! Tradutziones Frantzesu déchirure Ingresu tear Ispagnolu rasgón Italianu strappo, squàrcio Tedescu Riß.

scorrobeciàu scarrabeciàu

scorrociàda , nf Definitzione atumbada de sa conca a calecunu logu, su giare cropos cun sa conca, ma fintzes cropu a conca Sinònimos e contràrios sconchiada, sconcorrada Frases iat incarrerau a iscudi fintzas a candu una scorrociada no fiat ferta a conca de cussu pòburu arresi Ètimu srd.

scorrociài , vrb Definitzione segare sa corròcia, sa conca; fèrrere, atumbare sa conca a unu logu, giare cropos de conca Sinònimos e contràrios isconchinare, sconcorrai 2. su bòi, pigau de sa matana, cumentzat a screnciai e a scorrociai, donat is corrus a unu truncu e segaus si dhus at Ètimu srd.

scorropài , vrb: iscarropai Definitzione betare in su corropu, iscavulare o betare de logu artu; betare abba de un'istrégiu a covecadura, a imbuidadura totu impare Frases po mi ndi pòdiri libbertai de su fàmini mi nc’ia a scorropai in mari! 2. nara ca fut acanta su segrestanu cun sa cracida de s’àcua santa e scorropau nci dh’at s’àcua a murrus, aghinnò ndi dh’iant bodhitu fatu a craboni! (M.Sanna) Ètimu srd.

scorrovài scarrovài

scorrovedhài , vrb Definitzione coment'e corrovai etotu, nau fintzes in su sensu de dimandhare, de bòllere ischire Sinònimos e contràrios scarrovai / chilcare, imbistigare 2. ses scorrovedhandu, scorrovedhandu… apu cumpréndiu agantu bolis erribbai! Ètimu srd.

scorrovédhu , vrb Definitzione fossu piticu Ètimu srd.

scorrovetài , vrb Definitzione cricare coment'e a forrogu, pigandho e ponendho sa cosa, iscarragiandho Sinònimos e contràrios corrovai, farrogai, iforrogare, isfossighinare, isfrasconare, sfossonai Frases e ita scorrovetas… iscrixoxu ses circhendi? Ètimu srd.

scorrovonài, scorrovunài , vrb Definitzione murigare, mòvere sa terra o àteru coment'e cricandho cosa Sinònimos e contràrios corrovai, farrogai, iforrogare, iscrucuzonare, isforronciare, scarrovai Frases est scorrovonendi sa fentana in dogna schinnirura ◊ is piciochedhus immoi s'ingrutant po scorrovonai e circai istrexu antigu chi bendint a martinica ◊ is sirbonis si funt postus a scorrovunai Sambenados e Provèrbios prb: a fortza de scorrovonai, is topis ndi essint a pillu Ètimu srd. Tradutziones Frantzesu farfouiller Ingresu to rummage Ispagnolu hurgar Italianu frugacchiare Tedescu stöbern.

scorrufài scarrovài

scorrulédhu , agt, nm Definitzione chi o chie iscóviat totu, no mantenet segretu Sinònimos e contràrios contaredhu, culivala, isculatzadu, scoviaredhu.

scorrutài , vrb: iscorrutare* Definitzione bogare su lutu, lassare de pònnere su bestimentu de dolu.