A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sentzéru , agt Definizione chi est intreu, sintzillu, sanu Frasi sentzeru, de su forru, ci fiat aturau veti su mànigu ancora annuau acapiau a su tram Etimo ctl. sencer.

séntzia sénsia

sentzíglia , nf Definizione su èssere singillos Sinonimi e contrari singillidadi.

sentzígliu, sentzíllu , agt: signillu, singillu, sintzillu, sinzillu Definizione nau de ccn., chi est comenti mi bis m'iscrís, chi giaet a bíere giustu su chi sentit, chi no cuat a s'àteru su chi dhi sentit e dhue at de si fidare; nau de cosa, chi est bona, chentza pecu, sana / signillu che pesa = chi si paret bene chi est s. Sinonimi e contrari francu, ispontziau, santzeru, singillosu | ctr. alevosu, falsu, fraíciu, ifidau, traitore Frasi in su bene fitianu ses onestu e signillu ◊ fillu miu, no síasta batraxeri ma sintzillu cun sa terra chi ti poderat (S.Medved)◊ is maneras mias sunt sintzillas o de apariéntzia? (G.Solinas)◊ ita ndi naras, Coitedhu at a abarrai sintzillu cun nosu? ◊ unu coro frassu no cuncordat cun unu sintzillu! 2. si sunt muntesos semper cun usos e costúmenes singillos Cognomi e Proverbi prb: a linna sinzilla no dh'intrat bremi Terminologia scientifica ntl Etimo spn. sencillo Traduzioni Francese loyal, intègre Inglese sincere, integral Spagnolo sincero, leal, íntegro Italiano sincèro, leale, ìntegro Tedesco ehrlich, aufrichtig, unversehrt.

sèntzini sènsene

sentzíre sentíre

séntziu, séntzu sénciu

séntzu 1 sénsu

sentzuàle , agt Definizione chi est de cabbale, giudisciosu, chi cunsiderat is cosas innanti de dhas fàere Sinonimi e contrari acuntzentau, benatinau, cabosu | ctr. irzudissiadu Frasi fit cussideratu s’ómine prus sentzuale e corazosu (G.Farris)

séntzulu , nm Sinonimi e contrari sínciu Frasi ingui in s'istade dhui at friscu e pagu séntzulu.

sénzu , nm Definizione singiale, donu, cosa chi si giaet in donu a is bighinos candho si bochiet su mannale Frasi sa mama at mandhau su pitzochedhu a che leare sos senzos a sas comares: sas féminas chi ant azuau si che ant leau donniuna su senzu sú.

seósu , agt Definizione chi portat seu, ogiuseu, grassu; chi est de colore biancàciu, che ogiuseu Frasi custu brou est seosu 2. arbéschidas seosas, notes chena iscuridade.

separadòre, separadòri , agt, nm Definizione chi separat, chi cherret, chi serbit a chèrrere, seberare: prus che àteru, màchina chi sèberat s'ógiu de s'abbagrasta, in molinos de olia Traduzioni Francese séparateur Inglese separator (y) Spagnolo separador Italiano separatóre Tedesco Abscheider.

separadúra , nf Definizione su separare Sinonimi e contrari separonzu | ctr. ammisturamentu Etimo srd.

separài , vrb: separare, seperai Definizione istesiare, pònnere in logos diferentes o abbandha s'una de s'àtera cosas chi si agatant impare o ammesturadas; fintzes distínghere, èssere diferente Sinonimi e contrari chèrrere 1, chirrare, iscrobare, iseparare | ctr. ammasturai, aunire Frasi is línguas malas a cussus duus isposus dhus bollint biri seperaus ◊ non si depint seperai duus chi s'istimant! 2. isse, trízile e pienu de briu, si separaiat dai totu sos àteros.

separànu saparànu

separàre separài

separónzu , nm Definizione su separare, su pònnere o si pònnere abbandha, nau fintzes de ómine e fémina cojuaos chi essint fora de pare Sinonimi e contrari stallamentu Frasi su separonzu est sa peus cosa Etimo srd. Traduzioni Francese séparation, divorce Inglese separation, divorce Spagnolo separación, divorcio Italiano separazióne, divòrzio Tedesco Trennung, Ehescheidung.

sepàrzu , nm Definizione logu de cresura, de sepe, de tupas Sinonimi e contrari matarzu Etimo srd.

sèpe , nf Definizione cresura, matedu lassau crèschere a solu po serrare logu Sinonimi e contrari cesura, cungiadura Frasi a cresuras de sepe ses cunzadu ue sos puzonedhos ponent cria (P.Lavra)◊ o frorichedhu de sepe in s'umbra nadu! ◊ at colatu baranta chimbe annos de pastoria dorminne a ala de sepe a costas a terra Etimo ltn. saepes.