A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sèro sèra

serpàre , vrb Definizione its, dare a subra? Frasi tres canes pastores l'ant serpadu e bogadu a corriolos.

serpàu , agt Definizione nau de entina, chi est a ispertiadas de diferente colore, che una serpente Cognomi e Proverbi smb: Serpau Terminologia scientifica clr.

sèrpe , nf: cerpe, serpi, telpe*, tzerpi Definizione genia de animale longu longu chi si movet a egaseogas e illascinandho in terra; àteros animales dannosos e mescamente su margiane (nau deosi po no dhu numenare) Sinonimi e contrari caboru, colobra / arrasia, grodhe Frasi bi at cosas periculosas: canes presos e isortos, boes muscatos, serpes, putzos ube nche potes rúghere… Cognomi e Proverbi smb: Serpi Terminologia scientifica anar.

serpedhéri , nm: tzarpadheri* Definizione narant cun custu númene a duos pigiones chi papant petza e cassant bobbois mannos e pigionedhos: su stori de Leonora e s'atilibbriu Sinonimi e contrari arcidedhu / atilibbriu, curreventu, futibbentu, spadheri 2. serpedheri iscominigau, ti ndhe ses fatu mere de sa siendha de babbu meu! Terminologia scientifica pzn.

serpellúcu , agt, nm: tzerpellucu Definizione cerpiu, bobboi, nau meda po piciochedhu ifadosu, unu pagu malu Sinonimi e contrari disatineri, mauchedhu, petziotu, pigliete Frasi mangallu de piciochedhu, serpellucu malu, si at fatu unu trincu! ◊ serpellucu malu, bai ca babbu tuu ti dhu donat in costas su súcuru! Traduzioni Francese petit polisson Inglese rascal Spagnolo pícaro, golfillo Italiano monèllo Tedesco Lausbube.

serpènte , nf, nm: serpenti Definizione prus che àteru, genia de coloru malu, velenosu; in cobertantza, su dimóniu, persona falsa Sinonimi e contrari colobra Frasi sa serpenti maledita in s'infernali disterru timit prus de s'inferru ◊ custas serpentes si devent fuire ca sunt naschidas pro avelenare ◊ est de timi su velenu de una serpenti 2. cun tegus no gallizat su serpente chi faghet de sas vírzines masellu! (G.Raga)◊ no tenet un'ispada, abbizadindhe, ma su serpente ti bochit linghindhe! (Piras)

serpentéri , agt Sinonimi e contrari malafatore.

serpènti serpènte

serpentína , nf Definizione genia de tubbu a lobos mannos largos a caragolu prus che àteru po ifridare su vapore chi dhue passat po dhu torrare a lícuidu.

serpentínu , agt: tzerpentinu Definizione de serpenti, malu / língua s. (nau de ccn.)= limbimalu; roda s. = petzu de s'arrelógiu Frasi tui cun sa língua tua serpentina as béndiu sa vira de Isbertu! ◊ siscuru a chie bi ruet suta cun su giogu sou serpentinu!

sèrpi sèrpe

sèrpi 1 , nm Sinonimi e contrari stragu 2 Frasi s'erba fiat tropu e no fadiat a passai is serpis ca s'incadamassànt.

serpía , nf: cerpiu*, telpia, tzarpia Definizione dónnia e css. bobboi; nau cun tzacu fintzes po ccn. Sinonimi e contrari arresia, babballoti, babbaúciu, babbaudhu, babboi, errebiu, incerpiu, terpusu, titupiu Frasi dhu'iat una serpia totu imbusciada in paperi 2. ma càstia custa serpia, ca bolet frigai su fradi mannu!… Traduzioni Francese les insectes Inglese insects Spagnolo los insectos Italiano gli insètti Tedesco Insekten.

sèrpiri , vrb Definizione andhare o mòvere che coloru, a egaseogas.

sèrra , nf Definizione crista de monte, tretu longu in artu a costera a un'ala e a s'àtera, montes totu unu aifatu de s'àteru de longu; logu serrau, a bisura de domo longa a duas abbas, totu serrada a imbidros o fintzes cun plàstica, po dhue fàere ortalítzia, frores e àteru, in cunditziones totu portadas a càstiu de crèschere de sa méngius manera cun calesisiat tempus / min. serritzina Sinonimi e contrari cràstili Modi di dire csn: filu de s., sa línia de totu is puntus prus artus de aundi s'àcua calat a una parti o a s'àtera = itl. displùvio; sa s. de sa camba = cannedha, tílviu, s’ossu de s’anca a s’ala de dainanti; s. de trigu = trigu a muntone (chentza triuladu o triuladu puru); una s. de robba de sapunare = bigada de arrobba bruta; andhare, essire serra serra = andai, passai schina schina Frasi pustis sas fozas si fint ingroghidas e bentu fritu torresit, astraore, e sas serras niadas si fint bidas (P.Sulis)◊ duos de Illorai sunt calendhe in sa serra e los giughet su bentu…◊ biadu su pastore chi in sa serra cantat ca no at bidu custa vista! Cognomi e Proverbi smb: (De)serra, (De)sserra, Serra, Serras Terminologia scientifica slg Etimo srdn. Traduzioni Francese ligne de faîte, sommet Inglese ridge Spagnolo cima, divisoria Italiano crinale Tedesco Grat.

sèrra 1 , nf Definizione aina segante a dentes a bisura de serracu, ma cun sa lama larga totu cantepare e poderada istirada in d-unu bastimentu (o telàrgiu) a ue si aferrat a una manu: sa largària chi abbarrat in mesu de is dentes (chi funt a unas a unas intriscadas, pagu pagu incrubadas cale a una bandha cale a s'àtera) si narat istrada / cadhu de s. = cadhete pro pònnere in artu su truncu de bogare a taulones Sinonimi e contrari sega Terminologia scientifica ans Etimo ltn. serra Traduzioni Francese scie Inglese saw Spagnolo sierra Italiano séga Tedesco Säge.

serracàe, serracàre , vrb Definizione segare a serracu; in cobertantza, abbetiare, abbarrare donniunu tirandho s'arrexone a sa parte sua fintzes chentza arrexone Sinonimi e contrari serrachinare Frasi cussu bruncone che cheret serracadu 2. za serracat pagu, cussu cristianu!… Etimo srd.

serràche sarràcu

serrachédhu , nm Definizione min. de serracu e de serracu 1.