A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sifòne, sifòni , nm Definizione calesiògiat tubbu o cundhutu chi faet cuidu a manera chi prenu de abba o àteru deasi no lassat passare ària, o fintzes chi faendho calare s'abba de una parte che dha piscat de s'àtera (e po cussu fintzes aina po bogare binu de is timigianas) Traduzioni Francese siphon Inglese siphon Spagnolo sifón Italiano sifóne Tedesco Saugheber.

sigajòne , nm Sinonimi e contrari alidedhu, filavila, lampajone, orrubina, scriudha Terminologia scientifica rba, Muscari comosum.

sigantínu secantínu

sigarèta , nf Definizione trinciau fatu a cannedhu finedhedhu e longhitu imbodhigau in paperi, po fumare Frasi prestu, scavuancedha sa sigareta!

sigàrru , nm: gigarru, tzicarru, zigarru Definizione tebbacu a fògia sicada e imbodhigada istrinta a cannedhu fine e longhitu, po pipare Frasi fai su prexeri, ciai ca ses andandu a s'istancu, comporamí dus sigarrus! Etimo spn. cigarro Traduzioni Francese cigare Inglese cigar Spagnolo puro Italiano sìgaro Tedesco Zigarre.

sigàu sicàdu

síghere , vrb Definizione andhare ainnanti faendho ccn. cosa cumenciada; andhare o cúrrere aifatu e lòmpere a ue un’àteru est andhau o est andhandho / pps. situ 1 Sinonimi e contrari sichire* Frasi su viazu sighet tranchígliu in su manzanedhu pàsidu in mesu de crecos e suerzos ◊ canno fuit ilmarinadu l'ant fuliadu in d-unu crastu e ant situ a arropare ◊ cussa cosa no est de síghere! 2. su pitzinnu andhat a innantis e issos sighent ivatu.

sighérru sechérru

síghi , avb Definizione si 1 + chi / tue sighi!… = a tui ge nci bolit pagu a ti coglionai, bínciri, o àteru Frasi cussu sighi est unu pudhu!…◊ tia Tonedha sighi, zai b'est debbadas in su mundhu: issa bisat ritza! ◊ cussu sighi est bonu! ◊ custu sighi si niat zogu: no che ses mai, in domo!

sighía, sighída sichía

sighidamènti , avb Definizione a síghidu, a sa sighia Frasi teniat dexiotu annus, ma no podiat trabballai ca fiat arréndiu sighidamenti de sa malària.

sighídhu , nm Definizione sigillu, ma nau prus che àteru coment'e avertimentu o augúriu / chi ti siat s.! = chi no ti torret a costare mai prus! (chi apas serrau cun cosas deosi!): genia de augúriu (e fintzes avertimentu) chi si faet a unu chi essit de presone, chi at fatu calecunu dannu Sinonimi e contrari ségliu, sigígliu Frasi apenas chi l'ant bidu, torrau dae presone "Custa ti siat sighidha!" li ant nau ◊ chi ti siat sighidhu! ◊ cussa mirada gai fissa eternu sighidhu de ammentu torratu chin mutos favedhos in suta a unu chelu de istedhos (N.Trunfio) Etimo ltn. sigillum.

sighídu sichíu

síghidu , avb Definizione a s. = a sa sighia, chentza si firmare Sinonimi e contrari sighidamenti Frasi sa cariadura depet èssere fata a síghidu ora meda.

sighidúra sichidúra

sighíe sichíre

sighiméntu , nm Sinonimi e contrari sichidura, sighíngiu Etimo srd.

sighíngiu, sighínzu , nm Definizione su sighire, cosa chi sighit / s. de abba = próida chi sighit Sinonimi e contrari sichidura, sighimentu Frasi no apu inténdiu prus sighíngiu de nudha, mancu mali! Etimo srd. Traduzioni Francese continuation Inglese continuation Spagnolo continuación Italiano continuazióne Tedesco Fortsetzung.

sighíre, sighíri sichíre

sighisíghi sichissíchi