A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

simulèdha simbuèdha

simulósu simbulósu

simurtíre , vrb Definizione ammodhigare comente faet sa cosa sicada o asciuta candho s'isciundhet e che suspit s'abba; nau de linna frisca, sicare unu pagu, pèrdere abba Sinonimi e contrari ammodhicare / irmurtire, sumortire* Frasi si simurtit su pane in s'ischedhu de sa piscadura 2. sa carena est pista e simurtida dai su tropu sole ◊ su sentidu abbisumeu est comintzendhe a simurtire!

simúschiu , nm Definizione genia de boghighedha, de píulu a lamentu, a murrúngiu / essire s. = musciai; chentza s. = a sa muda Sinonimi e contrari irmúsciu, múschiu, mutu 1, tzíliu, tzúniu Frasi candho cantaiant sos poetas no s'intendhiat unu simúschiu! ◊ sentza simúschiu como bos leades cudhu caminu chi bos ndhe at batidu, chi no ndhe iscat neune! ◊ mudu, mancu simúschiu ti essat!

sinagòga , nf Definizione sa crésia de is Ebreos, ue si atóbiant po lígere is Iscrituras Sagradas e a pregare.

sinagòga 1 , nf: sinigoga Definizione un'èssere, fémina, fatu a pentzamentu, malu, disapiadau, iscaniadu de tímere Frasi già est una bella sinagoga, cussu!…◊ ndh'est vessida a fora che una sinagoga, cun sos ojos infiammados!◊ sas sinigogas zughent titas pendhindhe che bértulas, iscàllias longas e ungras che cogarzos (M.L.Pisanu).

síncaru , agt: sincheru, síncheru Definizione chi no portat mància e ne pecu, chi no est ammesturau cun àtera cosa, chi est intreu; nau de ccn., chi no est alligru a binu, no at bufau, fintzes chi est onestu, chentza trassas / vinu s. = bonu, chi no est axedu; late s. = chi no dhue ant aciuntu abba; istare síncheru = abarrai firmu Sinonimi e contrari líaru, santzeru, sanu, sínchidu / cdh. tzíncaru | ctr. demadu, demmu Frasi apustis de tanta matana si che agateit síncheru a cudh'ala de riu ◊ cussu no est síncheru de conca: faghet machines! ◊ a sos drogados torret síncheru su coro! ◊ custu tatzone est síncheru ◊ si fis síncheru, Chicu, peste e lua no betaias! ◊ si che essis síncaru dae cue as a fàghere proa! 2. no mi toches: ista síncheru! Etimo ltn. sincerus Traduzioni Francese intact, naturel Inglese integral, genuine, unrotten Spagnolo íntegro, incólume Italiano ìntegro, incòlume, non bacato, genuino Tedesco ganz, unversehrt, echt.

sincèrra , nf Definizione genia de pigione Sinonimi e contrari acutzaverru, bècidi, cincipasca, frailazu, tzerretzerre Terminologia scientifica pzn Etimo srd.

sínche síche

sincheràre , vrb rfl Definizione cumenciare a si acatare, a si sapire Etimo itl. sincerarsi.

sincherèsa , nf Definizione su èssere síncheru, bonu, singillu Sinonimi e contrari innidesa, nedidesa, singillidadi | ctr. trapaceria Frasi sa sincheresa cufirmat s'amistade Etimo srd. Traduzioni Francese franchise, intégrité Inglese integrity, frankness Spagnolo bondad, integridad Italiano schiettézza, integrità Tedesco Ehrlichkeit, Integrität.

sinchéru, síncheru síncaru

sínchidu , agt Sinonimi e contrari líaru, santzeru, sanu, síncaru*.

síncia sénsia

sinciài , vrb Definizione segare una tirighedha de cosa ororu, mescamente foedhandho de sonàgias po su bestiàmene po dhas fàere sonare de sonu diferente.

sincídha schinchídha

sínciu , nm, nf: cínciula, sínsulu, síntzola, sintzu 1, síntzua, síntzula, síntzulu, tíntula, tzíntzalu*, tzintzu Definizione sa tzuga, genia de bobboitedhu piticu (de tantas genias), ifadosu, cun is alas, bàtoro farranchedhas addaesegus, duas addenanti: faet in logu de abbas firmas, punghet po suspire su sàmbene, faet a iscrafíngiu e podet fintzes (cussa anopheles) pònnere s'infetu de sa malària o (a logos) de àteras maladias Sinonimi e contrari insínsulu, muscherda, síntziri 1 Frasi ingunis no fait a dhoi abarrai ca t'ispítzuat su sintzu ◊ chi m'ispítzuat unu sintzu abarru iscrafendi! ◊ síntzulu iscurregiu chi mi trummentas sa cara!…◊ in bidha naraus su síntzola Cognomi e Proverbi smb: Sinzu, Sinzula Terminologia scientifica crp, culex pipiens, aedes mariae, anopheles labranchiae Traduzioni Francese moustique, anophèle Inglese gnat Spagnolo mosquito anofeles Italiano zanzara, anòfele Tedesco Stechmücke, Anopheles.

síncope , nf Definizione foedhandho de gente, cropu de male, disimaju; foedhandho de iscritura, incurtzadura de duas síllabbas a una candho iat a arresurtare una matessi vocale arrepítia (es. crere de crèere).

sincronía , nf Definizione su èssere o fàere in su matessi tempus, impare, relatzione de duas cosas chi acontessent in su própriu tempus Sinonimi e contrari sincronismu.

sincronísmu , nm Sinonimi e contrari sincronia.